［八掛］有無香港文學界八掛

王貽興先啱阿sorry，之前做paper做王文興做到上咗腦

我嘅理解係指可以完全放入文學理論嘅作品，但其實唔少所謂純文學喺佢哋嘅時代都係畀人唾棄，係咪純文學係會變

西西 董啟章 算係咁

其他不足一提

純文學哩個Term其實係關麥卡錫事，都係文字獄嗰啲嘢，嗰陣班文人就為求自保，高舉純文學嘅旗幟，話畀人聽我淨係搞文學㗎咋，其他乜都唔關我事，藉「崇高理想」、「不受政治污染」的口號去消彌文學同社會嘅關係，同時都開啟英美新批評學派嘅大門

不過哩家好多將純文學同嚴肅文學、精英文學混淆，大體上後者係用嚟區別大眾文化，同純文學有一定差異

王貽興點會俾人杯，董啟章弟子
《無城有愛》係2001前後出，連字花都仲未有

據我認知董啟章同鄧都唔啱嘴形的，因為佢啲作品係海外出名（臺灣），出埋書先再兜返嚟香港，所以鄧先吹佢唔脹

至於無城有愛係2001年出，但杯佢唔一定要一出就杯佢嘅，鄧小樺09、10年開始搞一大堆小圈子，王貽興都係有Keep住寫嘢㗎。當然佢後尾嗰啲小說我唔評論，因為冇睇過

今日係寫書既人多過睇書既人

王貽興出完第一本之後，主業都變成上電視電台同流行文學
2004-2006之間已經係咁，呢樣唔需要八卦都知

黃洋達

好似話同編緝拍過拖，所以有一排一大堆書咁出，不過都係聽返嚟，哩到戴個頭盔先

網典話佢聲稱係對書展同文壇失望

係咪嗰陣開始書展好多靚模嘅寫真之類嘅嘢？嗰陣好細個唔知咩環境

先肥鴨 寫得好唔好, 喺文學界霸唔霸道呢啲唔講
淨係佢成日喺發夢現場戴GEAR影相打卡,呢樣好反感

你個名...
唔通你係penana?

呢條友乜都鍾意評一餐
當年佢冇啦啦衝出嚟話香港樂壇已死係因為歌詞差

流行文學歸流行文學，藝術文學歸藝術文學，唔係不嬲都係咁樣共生架咩，我同意要互相學習，但唔駛話刻意為咗符合一啲標準去降低自己嘅要求。如果你真係要拎文學做搵食工具，係咪可以創作一本流行文學搵食，然後再創作自己鐘意嘅藝術文學。我以為呢個post係想討論藝術文學所以先想分清楚條界線。
以前聽陳智德講自己響舊書鋪見到啲舊詩集幾蚊本放地下，自己就當係寶;又有教授笑董啓章d書係好勁呀，不過厚到咁出面街都冇人睇架la；一係就笑自己寫完啲書賣唔出放喺床下底；你估啲文人唔知自己啲書賣唔出咩，但我都會好尊重同欣賞佢地對文學嘅追求同堅持，而唔係拎個銷售量出來批判佢哋嘅價值，畢竟大眾社會不嬲就係一個娛樂至死嘅世界。

果陣大部份年輕人都寧願唱K行街，未有文青
要有電視節目講文學真係好難想像
（網典話王貽興想開文學節目，先走去做電視）
至於書展，就算冇靚模都係流行文學天下

其實 所謂娛樂至死既文化理論都過時咖啦
大眾社會係娛樂至死？唔好唔記得有兩百萬人肯上街！

自認嚴肅文學就好high class？我睇董啟章既«心»時就覺得佢既見識超唔出普通既大學講師。
（唔少「文學人」都係咁，古典既淨係識詩詞，現代既只係識d理論，有文學無文化，睇落係雅，但實情係雅得太俗。始終係太薄。
有位中意大言欺人既香港詩人，曾自信地聲稱詩經出自一個作者、紅樓夢後四十回出自曹霑。講出黎已經係文壇醜聞，但佢算本身都係香港既重要作家）

只係喜好問題，唔洗因此貶低大眾

其實我冇貶低大眾，只係唔想用通俗文學嘅尺去量度嚴肅文學，反之亦然。正如有啲教授為咗满足大學出文，做啲自己冇興趣嘅研究，其實都係為咗有時侯可以做d自己想做嘅嘢。一個係學術範疇一個係自己喜好，其實並無高低，但你唔會將兩樣嘢混和一談。當年阿飛正傳票房垃圾到咁，如果剩係用錢去衡量曬套戲，香港唔會出到王家衛。

其實唔係好想響呢度講政治，不過二百萬人上街係因為呢個政府自己on9,其實一直以來娛樂都赤化得香港好成功

要返工打唔到太長 依度先講兩點

1.好多人講王家衛好藝術，但其實佢製片發行果方面都勁到仆街 一個導演長期票房仆正都可以揸住張國榮梁朝偉，依件事本身都係一種藝術，不過唔係純藝術

2.政治果一點，反過黎講，比班高人雅士屌足幾十年既香港流行文化，佢養出黎既人，並唔係完全無靈魂、無道德、娛樂至死既商業垃圾

唔識欣賞。

文學小說黎講 黃碧雲真心吸引
失城真係寫得好好
我非常沉迷佢小說獨有既暴力美學

邊個作者咁戇居

「我點了我的頭」有咩問題
西西專登咁寫
攞《我城》做例子 入面句「我點了我的頭」表現左主角果刻機械性回覆、敷衍既態度 主角係格硬去做「點頭」動作
調反轉講我覺得呢句精煉到不得了
西西既風格就係寫得輕鬆、童趣
想傻鳩都睇得明文學
但竟然用「精煉」去批評佢

留名食花生