［八掛］有無香港文學界八掛

董啟章唔洗同鄧啱key啦，
人地同梁文道個咋好熟，都唔係同一個年代。
董點解要台灣出書係因為香港出版社唔肯出長篇，所以先賣俾台灣出，早期佢啲嘢有香港出版社出㗎

黃碧雲寫最好係《烈女圖》，寫出香港三代女性掙扎同困窘

你呢個比較有啲唔貼近現實
鄰國文學都算小眾嘢，但人地基數大，小眾講緊起碼千幾二千萬人，佢哋出一本書可以買樓，咁咪更有誘因去創作自己想玩嘅作品。香港基數細，仲要靠賣去台灣先搵到食，頂級如董啟章長篇賣等好好都係講緊得五萬稿費，性價比咁高邊有人同你創作。

留個名，近呢幾年都係睇poli同philo野多，好耐冇接觸過香港文學
講件on9野比大家知，我中學讀文學果時好鍾意睇西西啲小說，仲用《像我這樣的一個毒男》做標題交過功課，比miss彈返轉頭重做，勿相認

個人比較鍾意韓麗珠書寫身體
佢明報個專欄都好睇

名篇丫

冇錯啊都唔同年代
《天工開物》之後，大部份都冇再有香港出版社出

點止呢兩個啊，連馮晞乾都同佢筆戰過

肥鴨同王偉雄就係為左呢樣野筆戰

但董啟章個風格唔想出都正常長句得來又複雜

係香港文學出版唔夠讀者冇得做

其實一直想知董生作品既銷量係點
竟然可以用賣得好好去形容?

精神史呢三本。。。。。。。。算唔算係標題講既文壇八卦?
(當然我知道極多都係虛構)

文人相輕就總會有架啦
但肥鴨群人心胸狹窄到演義中嘅公瑾咁真係太誇張

推po

同埋佢一講古玩古畫就覺得好抽離
見識預想像唔到

董橋劍橋出版的書裝都精裝得叫人讚歎

有無人聽過 文壇四朵金花

識呢樣野就拆得明文壇小圈子

陳浩基同好

隨便search左一下舊文
https://www.oocities.org/dung_kai/critics49.html

[...]
《時間繁史》銷量寥寥，董啟章卻很滿意，他對記者說，在香港地區，純文學小說能賣到3000冊，已經是很暢銷。
[...]
董啟章的小說都在台灣地區出版，因為香港地區已經沒有出版社願意出版長篇小說。他的《天工開物‧栩栩如真》在台灣地區的版稅每本可以拿到10塊錢，賣了5000本左右，這樣，董啟章今年大概可以拿到5萬塊港幣。

（離題）我覺得香港近呢幾年嘅文學，詩又好散文小說又好，好多時用大量嘅隱喻象徵，砌一埋好高深嘅意象，但讀者唔會明佢哋想表達啲咩。

記得兩三年前讀過譚以諾嘅《於是我坐下，聽調酒師M說關於H城的傳說》，可能係我太細過或者冇乜慧根，淨係feel到佢建立一個新嘅世界，但唔係好知佢想表達咩內容

Thanks
之前王貽興有講過，都係呢個range

Ching有無睇命子?我自己其實唔多接受到精神史個三本，所以就未睇

睇左前半現實部份，本書就借咗俾人
暫時前半都係好現實，講點樣容忍新果（佢個仔）嘅固執同巴膠一面
都幾直接

咁呢part係唔係同睇黃教授以前個blog 差唔多

不過直接都算幾難得

我冇追黃教授個blog
不過佢都講左唔少自己感受，例如覺得個仔唔一定要係熱愛文學
但都冇諗過係一個鍾意新加坡多過歐洲嘅巴膠

前作入面嘅情緒問題係真嘅，雖然之前大長篇我都冇睇晒
但我估佢經歷完呢啲都有所改變

陳浩基既超強邏輯同文筆真係清泉，真人又easy going，唔會擺款賴係大牌作家

我都鍾意《天工開物》，但最鍾意《體育時期》