［八掛］有無香港文學界八掛

而家淨係睇歷史，大部份集數都資料充足，唔會鳩吹

肥鷝情史真係第一次聽

我淨係知肥鴨以前有個男朋友都係文學圈子
周圍食女最後肥鴨被拋棄

肥鴨鷝情史真係第一次聽

激動到打錯字

諗法一樣呀巴打

但行內人話你知，實在太好賣

文學推廣要賣得出（或者免費多人睇），先宣揚到你嘅文學理念

雖然佢手字畀我喺呢啲上世紀嘅老人睇落，係IG雞湯，但喺宣揚佢嘅文字上（即使係IG雞湯），佢好成功

咁樣會唔會證明到呢個時代，佢都係一種文學？

村上春樹出第一本書都係畀人屌到飛起，十年後廿年後，大家咪一樣追佢

歷史哲學科學都好睇

佢嗰啲咪就係流行文學孤泣middle 之流

咁講真流行文學不嬲好賣啲，外國(歐美)都係一樣
只係外國好少少嘅係暢銷榜頭幾名多數係小說，唔係旅遊書，個人成長(aka心靈雞湯)類都算好賣得

我咁睇啦，藝術層次同金錢唔係直線掛勾
你都唔會話鄺囝堆咩《數到三，就放手》唔賣得賺唔到，但都真心唔會覺得有咩值得欣賞嘅藝術手法

村上春樹同金庸可以做到賺錢又有人欣賞佢嘅文學特點，某程度上都係因為佢係超越咗流行文學嘅，日本有輕小說，佢地係輕文學咁(呢個係個人見解)

好多時問題都係在於，大家對「文學」嘅理解同定義有差異

只可以話，文學要互相學習對方嘅優點，唔係一味睇低人哋

如果香港文學人有呢個氣量，文學界唔會咁差

冇計，藝術家本身就好容易接受唔到批評，流於孤芳自賞

至弊唔只係作者係咁，連班做行政同做編輯嘅都係咁
所以香港文學去到依家咁，其實係合情合理

我大學個時拎佢啲香港組詩做功課，正到我都會幻想返佢個個年代回歸前嘅香港

董啟章近黎果幾本都好難明
話係哲學又唔係
尤其果本栩栩如真同學習時代，厚到唔想睇

我覺得要拎返個平衡，你要控制作品嘅質素同時但唔好太圍爐，開放多啲機會比真係做創作嘅人。 至於流行文學只係比大眾叫做睇吓中文書娛樂下，培養下閱讀風氣。但你唔會用來培養人欣賞文學lo 打個比如，不朽 Middle 個d 未就係<只知道感覺失了蹤>，<那裏只得我共你>，但你唔會拎來同林夕 Wyman 比掛

董其實自從大長篇之後都易讀返多少
命子講個仔係巴膠其實都幾好笑
利申：學習時代 我都睇唔晒

首先，作品之間好難好似你咁一兩句話「無得比」就叫無得比嘅。（當然係未做paper之前，我都唔知有無得比喇）
其次有無人真係因為睇完middle再接觸到你所謂嘅香港文學，就無從考究。

只可以話，文學要互相學習。你可以話middle好淺白，但文學唔係站立喺高檯嘅野，學吓人地點淺白，同時留有自己嘅文學理念，係呢個世代嘅文學人需要思考嘅野。

因為網絡出現，好多野都變得好急好短，當大眾甚至啲連「書」呢個媒介都開始少接觸嘅時間，所謂文學人要思考吓，點解自己睇低嘅作品會普及過自己（文學理念要有足夠人睇），從中學習（當然唔係叫你學佢啲唔好嘅野），咁先會企得住，而唔會式微。

而唔係一味話人「乜乜之流」「ＩＧ雞湯」，就簡化咗人哋成本作品，人家可以賣成幾十萬本，唔係簡單「乜乜之流」可以做到囉

其實我就不嬲都覺得藝術野本身就係小眾，所謂推廣只係加大個接觸面，盡量吸引人行入呢個小眾。大把好嘅作品，賣唔出添，但我唔會否定佢嘅藝術價值；但好賣嘅我又唔會高估佢嘅藝術價值。我都有研究過香港嘅偵探小說，藝術價值就談不上，亦都冇上面d流行文學咁出名，但香港一樣有響成個偵探小說界別出名又好嘅偵探小說，直情走到去國際市場添。我想講嘅係唔同作品有佢自己定位同價值，你拎去挑戰其他範疇自然會有人評論，只係批評嘅尺度鬆緊問題。

陳浩基

師兄你講得好好

遇見文學
香港文學十三邀

五夜講場入面最鍾意 科學 歷史 哲學

究竟你識唔識咩叫「流行文學」、「通俗文學」？如果唔識分，或者你堅持要將「文學（藝術）」（下稱「藝術文學」）同「流行文學」撈埋，咁你地根本冇一個對「文學」嘅定義嘅共識，最後只有為拗而拗，好似楊 omdb 同張北極企鵝傾「法治」咁。

我唔係文學人，中文文學我冇睇，西方有啲經典小說我都係通俗咁睇（冇用藝術角度睇），但我相信要勉強「藝術文學」要改變去符合大眾愛好係不必。「藝術文學」亦唔應該用「流行文學」嘅標準去評價，因為唔係每個人都有藝術性去欣賞文學。

你可以堅持「流行文學」「藝術文學」係同一樣嘢，但如果有人批評你嘅流行文學唔夠藝術性（大眾對文學嘅理解係藝術文學），咁你應該接受而唔係賴人地係小圈子。

師兄，所以我一直強調嘅係互相學習
純文學同文學可以係兩樣野，呢個概念係我嘅論點係存在嘅。

而大家都唔想純文學式微，大家都想大家係向好嘅方面發展。

我並唔係為通俗文學辯護，但只係喺文字都開始少人睇嘅情況下，純文學可以嘗試多啲去學習傳播之道。

當然，你講究純正，要夠純文學都唔係一個問題。

但你要諗吓做純文學嘅人，唔靠funding 係朝不保夕嘅情況下，唔通真係等死咗先出名咩

無錢嘅話，就無人投入去呢行，你喺行外純粹睇就無包袱，但行內嘅生態（只係諗生計，唔講賺大錢）係完全滅絕中意文學嘅後代。

咩叫互相學習先
問題係，假設「純文學」向「流行文學」學習，咁佢仲有冇足夠嘅藝術性去被大眾界定為「純文學」呢？

如果你話而家，文字都少人睇，要推廣要易入口，咁最直接就係用流行文學去推廣㗎啦，多咗人睇流行文學，自然會多人去睇純文學，正如假設雞脾係美食，你都唔會一開始就畀 BB 仔食雞脾，而係食咗 baby food 先，等佢識消化先畀佢食雞脾。

至於生計，點解純文學創作一定要係一份 full time job 咁要維持到生計，而唔可以係副業或興趣咁？從來藝術創作都同賺錢都唔係掛勾，大把音樂家畫家都有搵到錢嘅工作維生，為錢嘅你咪去做通俗文學或流行文學囉。

所以喇，只要寫到你覺得夠純文學嘅文學就OK喇。

不過你要明白，文學唔係一個人無啦啦可以爆到出嚟，要有系統上嘅傳承，文化上嘅蘊釀先得

如果大家都可以唔憂三餐當然最好，但最弊就係因為大部份人都憂三餐，好多人放棄寫唔賺錢嘅純文學

可預見嘅將來，你所講嘅藝術性嘅文學會愈來愈參差同小眾，唔改善嘅話，甚至會無埋