［八掛］有無香港文學界八掛

你見呢度講文學嘅，講嚟講去都係上幾代嘅人，就知呢個問題已經發生緊

文學純唔純，大多數時候都係一個相對概念

相對於通俗文學，無絕對嘅界定。

我諗樓上想講既係：依家好多文學家為左表達自己既作品係好高深，特登用d好難既技巧，令到自己既作品好難明。好多作者本身功力唔夠，但係又係咁堆砌修辭同技巧，結果出黎既作品就好難入口，反而比流文學比下去。

韓麗珠算唔算近幾代

人生第一套追嘅小說就係佢嘅兒童文學系列《安地查東的羅密鷗與茱麗葉》

咁香港詩壇呢？

純文學既scope會隨著時間改變
例如以前金庸都係通俗小說黎，依家愈黎愈多人去研究金庸既武俠世界；

以前莎士比亞既戲劇係俾大眾睇，依家你同人講睇莎士比亞d人會覺得你好有文化

咁我又唔係講絕對無近少少嘅人可能頭先有少少激動咗

42歲，文學界別嚟講都算後生

YES

但其實又係嗰個問題，前幾年嘈嗰陣，人地水煮魚出埋財政報告公開睇，有funding 先係得月薪萬幾蚊，唔明有乜好屌

文學都有好多種，研究性強既文學一向都比較難入口。但字花我睇落覺得無想讀者容易理解而做補充。而荼毒室本書真係想大眾理解有控制過內容深淺度。

比較下字花算係一本為中高水平讀者而設既文藝書刊。中學以上、有文學素養既人先會明，一般人好難沉浸落去。

即係你明就明，唔明就要自己做research,無為左幫讀者容易理解而做指引，難吸引讀者深入感受。

因為藝發局同類型funding嘅人工月薪仲低

之前隨手買咗本《心》嚟睇，又唔算太難讀
當然可能係我睇得唔夠深入

純文學本身就係好多技巧，好難入口，即係好似科學d文摘咁，比較研究性，鐘意深入了解既人先會感受到趣味。

所以冷門就一定既。畢竟唔係人人都鐘意做研究，想讀得有快感爽完就算，多數就唔會揀睇純文學書。

董生我都有睇，有本貝貝的文字冒險都幾得意。

高行健d書算唔算？

好同意....
利申完全唔鍾意睇不朽middle嗰啲

的確係冇好多人講到咁難
同埋佢寫左咁多年，都會有改變

西西囉
《浮城誌異》真係好值得睇，嗚啊

諗起百鳩幾年前夏目漱石已經用《我是貓》串鳩班文人。
其實乜嘢係文學，這隻字睇得明，加埋就睇唔明你寫俾邊個睇呀

師兄有料

推王良和, 初初讀書覺得幾易入口, 又好睇

鄧小樺嗰堆與其話係推廣文學、覺得冇人理文學，不如話佢哋享受哩種少數嘅感覺

至於所謂流行文學、嚴肅文學、純文學嘅界線一向好模糊，成日講酒徒勁阿好睇阿意識流阿，但佢係咪真係意識流同有冇真係咁好睇呢？同類型嘅地的門喺技藝上比酒徒其實要好，當然酒徒都係一本好嘅小說，但我自己覺得對倒好睇啲

講返地的門，即使係技藝更佳，但係酒徒同地的門作為小說係咪真係咁引人入勝，我又覺得未必

所以樓上講話有冇咩純文學作品推薦，其實唔使咁強求睇純文學，去書店睇啱邊本，覺得邊本好睇就睇邊本，反正文字唔會揀讀者，人先會

文學唔係咩難以親近嘅嘢，你睇同我睇都會唔同，交流哩種唔同就係讀文學最開心嘅事，鄧小樺令人反感嘅地方就係佢將文學精英化，然後掌握住定義好壞嘅話語權

王文興第一本小說集無城有愛都好睇㗎，咪又係畀鄧小樺班人杯