冠忠藍區勾結黑警
南區死忠 Southern Ultras
自從球會早前引發起關公災難,我地自己內部骨幹成員已經討論左整整一日。好坦白講,南區死忠係一個大家庭,年齡由三歲到八十歲又有,唔同背景、立場既人都有。當初成立南區死忠既原意就係:「Football without "TRUE FANS" is NOTHING」
我地只係一班普通南區球迷,為球隊熱血, 南區去邊度比賽就去到邊支持。歡迎熱愛南區既你加入我地呢個熱血家庭!撐要激情!反要理性!
我地設立呢個立場就係純粹想凝聚一班入場睇南區既街坊球迷。而對於近日不斷有熱心球迷想問我地南區死忠既立場或者睇法,我地一直都未覆係因為我地諗唔到點樣回應。直至依家或者可以咁講:「支持抗疫做運動,反對濫用暴力對待市民。」始終,南區死忠係一個支持南區足球隊既打氣團體,我地無咁既權力去左右會方既決定,我地最多都只係喺觀眾席上嗌「我愛4-3-3」或者「5個入球,缺一不可」。只要你係熱愛南區足球,不論立場、背景,都可以成為南區死忠既一份子。
去到最後,小編相信,黃藍是政見,黑白是良知,喺大是大非面前,希望大家依然可以冷靜地落每一個判斷同決定。撐要激情,反要理性!