[係咪唔結婚就要分手？] 鄧麗欣主演《金都》討論

點解喺les

莉芳在電影裏有兩位同學.........處理假結婚事件的小插曲..........三人的關係合乎情理，又是意料之外。

「我是讀女校的，雖然並沒有要特意去講述性別議題............大家對性別的看法會比很多香港電影對性別的闡述要廣闊，我也並不是要拍一部LGBT電影..................我覺得這樣的呈現是 OK，應該真實呈現這些人物之間的關係和可能性。」

訪問《金都》導演黃綺琳：人說我的主角性格很討厭，但那是生活｜深度｜金像獎｜電影｜端傳媒 Initium Media https://theinitium.com/article/20200509-culture-film-interview-herprinceedward/

對白兩三句
「都話你鍾意女人㗎啦」
「唔想煩搵個男人結咗佢」

三個人搬出嚟同居為錢
唔介意假結婚
可能當刻都覺得自己唔會結

佢呢part有將同居同les都作為背景
但les唔太算係重點

導演話既
咁喺les
此po已完

咁講啦
呢度又無需要太執著les唔les
因為芳個人物建構因為mabel而多咗話題
但唔需要著重係咪les嚟交代佢嘅性格背景

我會話les係創作原型
但唔係成品嘅重要原素

啲人話les 先通晒成嗰故仔
咁到底重要定唔重要

係時候反思下你地既婚姻

英皇宣傳好明顯勁啲

記住幻愛7-1之後果日上畫！

佢都有屌Edward 廢，但佢屌芳d野又好似無講錯

我冇話一定dum
但真係冇一樣嘢係天文數字
真係要計租屋係最貴最長手尾

如果最大問題都係租屋嘅話
咁有邊樣真係解決唔到？

講多次，佢個角色起碼做咗八年十年嘢
就算真係dum都係幾千銀
佢做咗咁耐嘢幾千銀都畀唔起咩

推返上嚟先

仲有少量場次呀

今日仲有一場謝票場 可以見導演同麥子樂（男主角個客）

人地既意思係佢想做咩就做咩 唔使再俾個男人管

所以d人先話女主角唔係冇改變，但係冇成長，冇去正面解決問題，而係逃避男朋友，做不負責任既買枱行為

某程度上佢變得更唔討好，亦令部分觀眾產生期待落差，因為電影通常都講主角進步，女主角咁樣完難免令現實型（主要係男性）觀眾會嬲左

人地無話要佢成長 同佢邊叫逃避
佢直情離開左男主角唔想佢再係自己生活圈子入面
成套戲都係講佢長期受壓抑又一日復一日是是但但刻板過住其他人認為"對”既日子到最後明白到"自由”同過點樣既日子自己先會舒服d

從來唔跟主流都俾人覺得幼稚同不理性 但自己舒服咪得囉 好過俾人迫到連自己都有問題

原本想睇幻愛但係女朋友話想睇金都,於是就決定去睇金都
真係好耐冇睇過一套講到完整故事嘅港產片

金都係一個港式愛情故事,故事藉中港假結婚帶出對婚姻的反思.當婚姻可以買賣, 當婚姻唔再係為愛, 婚姻嘅意義係咩？婚姻又係唔係解決一切嘅萬能藥？
故事中嘅角色皆期望藉結婚達到各自嘅目標, 例如楊樹偉為單程證而假結婚；張莉芳假結婚則為了賺取金錢,逃離原生家庭；拍微電影嘅新婚妻子係想要丈夫嘅新居 , 令生活得到保障；Edward 結婚為了綁住張莉芳,另一方面滿足家人期待.
婚姻彷彿失去原本嘅意義-愛,淪為爭名奪利嘅工具.
張莉芳同edward在尋找失龜嘅爭執帶出對婚姻的意義的反思.難道沒有結婚證書, 兩人就不再相愛, 不會互相扶持嗎? 結了婚就代表永恆不滅的愛？ 難道結咗婚又不能離婚？

諷刺嘅係, 一開始為咗黎香港獲得自由而假結婚嘅楊樹偉卻因為女朋友懷孕易被迫「真結婚」,最後放棄自由,困在原地；相反, 張莉芳由一開頭千方百計想同大陸男人離婚到之後希望暫緩離婚逃避同edward嘅婚姻. 呢一段緩衝期成為張莉芳自我發現嘅過程, 佢明白到自己唔係edward嘅附屬品, 佢可以表達自己意見, 唔需要時時刻刻好似上司下屬咁報備, 佢了解到自己一個人生活亦都可以過得好.
張莉芳喺第一次「假結婚」墜入第一個龜籠, 第二次同edward嘅「真結婚」令佢又第一個龜籠轉去第二個龜籠. 最後離開edward嘅決定令到佢真正解放,獲得自由.

一啲小細節令我印象深刻, 例如處理離婚嘅公務員, 佢冷冰冰嘅話語令離婚抹去感情變成機械化嘅過程. 一紙離婚證書輕易蓋過夫妻多年嘅感情. 對於大陸人買奶粉, 單程證等等不著跡嘅描寫正好代表中港矛盾已經刻在日常生活當中.

片中最後叫edward自己收返指甲鉗亦觸動我, 一開頭覺得指甲鉗咁小事難以表達佢哋生活間嘅磨擦. 但係細想, 裂縫往往係由細少嘅磨擦開始. 有愛的話聽到再爛嘅gag都會大笑;沒有愛的話,連指甲鉗般小的磨擦也容不下.

世界各地的離婚率節節上升. 結婚彷彿為了離婚. 一紙婚書為嘅只係分配財產, 社會越進步, 法律對我哋嘅保障亦越完善, 我哋嘅思考空間反而變得越細.金都正正給了空間讓我們反思婚姻的意義.

我覺得美中不足嘅地方係二汶嘅角色作為同性戀者一方面表達香港係對性小眾政策上落後. 但係另一方面又以性別定型嘅方式取笑edward「似女人」. 首先, 以黐身作為女性特質已經係對女性嘅歧視, 另一方面邊個話男人就唔可以黐身？點解黐身就係唔好? 點解男人就一定要係擁有陽剛特質（masculinity）.
同埋剪接上好似少咗啲嘢咁 e.g. 張莉芳個同學

有啲對白都有少少生硬嘅感覺

雖然套戲既劇情好平淡 但我睇既時候都好專心完全唔覺悶 因為套戲真係好寫實好貼地 成個故事亦都好流暢無多餘既位

雖然Stephy都36歲 係套戲又淡妝 但真係好靚好清純 仲要心地好又夠「黃」無得唔支持啦

男主有好多缺點都同我fd條仔好似
只不過我fd係真心愛佢條仔 同埋唔似女主咁無主見 所以都好煩惱將來係咪要同呢個男人結婚

雖然我仲係A0 但我覺得我性格同女主都好似 好多野都是是但但又無膽 唔知自己想要d咩
唔考慮其他人點睇既話 我都覺得結婚唔係咁重要 但現實就係父母一定會催你結婚 女人到老都唔結婚會比人笑 而且當身邊既人都結左婚你就會覺得自己好lonely同好似異類

認同，但其實我覺得女主角係成長左，由冇主見、細膽、唔敢表達自己，成長到勇敢去做自己，唔再圍住男朋友轉
雖然我覺得衝動左同任性左，最尾我都係心諗張枱會送貨去邊？