[係咪唔結婚就要分手？] 鄧麗欣主演《金都》討論

其實應該係
係唔係為左唔分手而結婚？

我驚你睇完散後會屌晒鬼
利申 已睇

係咪朱康自己諗

"唔通結左婚, 連養龜既自由都無埋???"


好Sad....不其然代入左香港人度,
"唔通回左歸, 連爭取民主既自由都無咩"

都係尋日睇左

覺得導演有D料到 係刻劃ON9裙腳仔呢個角色有好多小細節 比如屋企嘈緊交果陣要Stephy 去開門面對鄰居

張力果個控制亦都有度 係舖頭嘈交個伙記返一返黎果度幾好笑 造成一個節奏轉換

故事內容都幾有意思 好貼地 鮑姐做奶奶又真係好true 但我又唔係覺得Stephy做得有幾好喎 唔係木口木面就叫內心戲架嘛 睇唔到佢果種心情既矛盾或者內疚緊張

大陸仔就做得幾出彩

麥don鴻都係屌呢部戲
不過佢啲所謂「寫實」論點都係得啖笑

佢係反映到現實人既愛情觀 結婚既矛盾 但離地既就係在於從頭到尾冇講過最現實既錢 除左佢老母俾首期 同裙腳仔搵cheque book

現實係阿寶工又辭左 仔又飛埋的話 仲使7000蚊買張台? 放係西洋菜街擺檔呀?

預咗
你睇佢屌肥晶啲戲會開心啲

咁
當入去睇sofiee囉

肯入屯門嘅話，凱都30蚊一場真係唔知佢點賺

所以結尾我覺得張莉芳係困頓之間返香港
正如大陸仔一路追尋理想（記者）、自由、移民處處踫壁，到最後都只係留返係中国一樣

係好幾個影評人認定人哋講佢之後咩獨立自主咋嘛

影評都係睇完就算，尤其係解讀劇情果啲

通常都係咁
導演冇諗過嘅嘢 = 影評人幫佢諗埋
導演想大家諗嘅嘢 = 影評人話唔應該咁樣諗 你咁諗係錯

我覺得佢最後買張台結尾係導演暗示阿寶要一個新既開始

無論果個新既開始係離開條仔離開金都 定係換一個態度同更有主見咁去結婚 阿芳都已經再唔係果個阿芳

其實點解要諗到咁遠去延續個故事
我覺得而家個結尾都埋得幾好丫
暗示要個新開始

之後既野有必要再諗落去咩

認同呀

只係唔認同影評人預設編劇係講改變就係好，女性自主獨立乜乜乜啲老土嘢

導演/編劇都話女主角係一個有問題嘅人，故事亦因為佢嘅缺陷展開

我睇到嘅係自由有價，人要為自己過去、現在、未來嘅決定負責，我哋唯一可以捉緊嘅自由就係取捨

一百個人有一百個hamlet
唔係講大家解讀啱定錯

但覺得明明係開放式結局
唔明個別影評人自己套啲價值觀落去再批評返依啲價值觀係乜玩法

係既 大家都可以有大家既睇法 我地認唔認同D影評人就另計啦

當然 佢地都需要追得勁D遠D顯得自己有料掛

如果這個角色有家累，我可以理解她希望有自由，但莉芳這個角色雖不渴求婚姻，卻又沒有理想和追求。她的現狀並沒有阻礙她去追求心中所想，她已經比很多人自由。但關鍵是，她心中根本沒想要甚麼，她只是一個空殼。

https://www.filmcritics.org.hk/node/2758

引番上面有位 ching 貼既影評所講
所以先覺得套戲好無病呻吟

基於個人係毫無長進
就算最後張莉芳重新開始
都極有可能陷入輪迴 (除非釣到金龜)

咁都叫開放式結局咩
導演冇將個結局畫出腸啫 但係合理嘅結局得一種咋嘛

點會係毫無長進
張莉芳由一開始嘅怕事
假結婚唔敢同Edward講 又唔敢唔覆佢wts
到最後可以突然上咗大陸 有漫遊都唔睇佢message
佢咪已經變得有勇氣去追求自由

分手後下場各有解讀

啱呀
所以覺得套戲講中好多香港人
根本係無間循環

以讀不回係成熟既表現?
未其實又係唔想面對。
買左張檯擺係邊?
無所謂啦買左先

「以新時代的童話式結局「出走就有美好世界」取代，無視莉芳即將面對的種種難關。」

電影評論學會
成套戲都冇話過張莉芳要追求獨立 亦都睇唔到導演有呢方面嘅傾向
套戲特別嘅地方在於佢唔係想去探討社會現象
而只係想表現出張莉芳自己嘅成長同矛盾
我覺得導演完全做到呢樣嘢
電影評論學會班友搵五六套唔關事嘅電影嚟做比較 而唔係focus返喺呢套電影本身 正正係呢種學院式影評嘅問題所在
只要套戲個主角係女就一定係關女性主義事 夾硬都要屈導演係要探討女性獨立
你再叫佢地寫多幾百字佢地就會開始話 Edward對張莉芳係典型父權對女性嘅壓迫 Edward同鮑姐嘅關係係戀母情義結嘅體現 乜乜柒柒咁