【全連登最甜＋最重口味】一年之間我由 A0 學生妹變身成為 SM 女皇

緊係好啦 有文就支持 唔洗突登滿足我 當然希望有機會望下前過今個月

期待女王出現

無乜特別嘅喜好
跟返個flow先，未睇到女主咩屬性

咁我出埋寫緊呢節就開短篇故 post ～

請大家到時多多支持

一定會出現，但通常都需要探索一段時間先啦

推期待有文

推一推

推

Hi

要大家久等啦，應承大家廿四小時內會有新文～

多謝樓上老漢推 post 嘅每一位

加油

兜到咁遠，講返餐聖誕飯先。過咗一陣，我食完碟上面嘅燒豬肋骨，Hannah、允翹同阿淇亦都已經食哂，唯獨麗恩仲喺度食緊。我留意到允翹剩咗好多無食到，神情仲有少少呆滯，於是我就問佢：「妳無事吖嘛？無乜胃口？」

但允翹似乎面有難色：「唔係 ⋯⋯」佢撳一撳個肚，然後慢慢企咗起身，離開咗張枱。

「佢九成九係飲大咗啦。」阿淇望住允翹嗰兩隻空酒杯，然後嘆咗口氣。

「似係啦。」我點頭表示同意：「兩杯酒就醉㗎，仲以為佢好飲得嘅𠻹。」

阿淇話：「弊在佢飲得好快呢，仲要紅酒白酒溝嚟飲。」阿淇杯紅酒都只係飲咗三分二，而允翹就已經清咗兩杯，唔怪得之啦。阿淇細細聲講：「唔開心都唔使咁樣㗎。」

「乜佢有唔開心咩？」我覺得詫異。明明佢頭先一直都喺度嘻嘻哈哈咁，完全無唔開心嘅跡象。

「呃 ⋯⋯ 我估係囉。」阿淇有啲唔好意思，突然間有口難言。

「我去睇睇佢啦，費事佢陣間暈咗喺廁所度。」我企身行去女廁。裏面有五格，但只有三格係閂咗門。我費事敲門或者開聲問，但又聽唔出允翹喺邊格，於是趁廁所無人就烏低身偷偷哋望吓廁格下面條罅。允翹頭先着嗰對啡色圓頭涼鞋，我一眼就認得出。

於是我輕輕力敲門，問允翹：「翹？妳有無事呀？」

完全無聲氣。

我再拍吓度門：「喂！楊允翹！」

佢都係無應我，只係開咗個門戌，等度門虛掩住。我慢慢推開門，望到佢條褲拉低到去膝頭以下，下身赤裸坐咗喺廁所上面，仲成個人挨住後面個廁所蓋。我即刻好尷尬咁擰咗轉面，然後閂返個門戌，驚出面會有人經過𥊙到。

「屌妳咩 ⋯⋯ 響我全朵 ⋯⋯」允翹瞇埋眼，用帶醉嘅低沉聲線責備我。

「Sor 囉，咁妳唔應我，我驚妳有事吖嘛。」我答佢，對眼盡量避開唔望佢下面，雖然頭先一入嚟都已經望到佢一執稀疏嘅陰毛，似乎係有刻意修剪過。「妳掂唔掂呀？」

同一時間，其餘兩格嘅人都不約而同離開咗廁格，出咗去洗手。

允翹仍然無擘開眼，柔弱咁答：「OK 啩。頭先頂住頂住，嘔咗少少出嚟之後好咗。」

我聽到嗰兩個人出咗去，就同允翹講：「唔 ⋯⋯ 咁我開門出返去先？」

「咪住先。」允翹話：「妳幫我解一解啲衫鈕，咁樣好焗。」

「哦。」我有啲唔好意思，但係又驚佢唔舒服，陣間又再嘔多次。於是就伸手由上至下咁解開佢裇衫啲衫鈕，再將件衫揭開兩邊。咦？點解佢個 bra 個樣咁怪嘅？有啲似 sports bra，但係就貼好多，好似繃帶咁樣包住個胸。

「好啲？」我問。佢點咗吓頭。

「咁樣會唔會唔舒服㗎？」我指一指佢個 bra。

「妳咁講又好似真係太緊。」允翹終於擘大眼，慢慢咁將隻手移去腰度，將個 bra 嘅魔術貼搣開。

原來允翹平時只係紥住個胸，其實都唔細，就咁睇大概有 36C ⋯⋯

真係廿四小時

樓主咁搞法幾時先開到罐頭

真係有人 mark 住

我盡量加更先，希望寫落去可以一日一更

感激大家一直以嚟嘅支持同鼓勵～

樓主係男？
36c都應該係肥婆

如果出得快啲會好少少

明白，我都想出密啲

暫時一日一更先

我望住允翹衣衫不整咁坐喺馬桶上面，有啲不知所措。我用腳撞一撞佢隻腳：「妳行唔行到呀？翹？」

「唔 ⋯⋯ 吓？」允翹又繼續瞇埋眼，將個頭挨喺馬桶上高嘅牆身度。「唔得啦我 ⋯⋯ 唔得啦。」佢個樣好似好辛苦咁。

「妳唔好岳高頭啦，咁樣仲易唔舒服㗎。」我提佢。

「佢點解 ⋯⋯」允翹繼續岳高頭同我講：「點撚解要咁啫？」

我唔知佢講乜，唯有隨便應佢：「哦～ 唔好理佢啦。好快無事㗎啦。」允翹塊面真係好紅，紅到成個番茄咁，呼吸亦都有啲急促。「乖啦，翹。不如妳抖多陣就着返好啲衫，我去叫佢哋嚟，帶咗妳離開呢度先啦。」其實我唔係太想畀班姊妹見到佢咁嘅樣，但我一個人應該無咩可能抬得起佢。

「屌，咪撚叫佢哋。」允翹捉住我手臂，顯然係唔想我出去。「我真係鍾意佢㗎 ⋯⋯ 唔係有心激嬲佢 ⋯⋯」未講完就已經耷低頭喺度喊。因為佢個 bra 嘅魔術貼係無黐實到，只係僅僅遮住個胸，所以佢一耷低，我企喺度係會清楚見到佢條波罅，於是我望咗一秒就擰開咗。允翹口中嘅「佢」應該就係 Anya？

「妳哋 ⋯⋯ 吵大鑊？」我搭住允翹膊頭問。佢呢幾年嚟拍拖同分手都有唔少次，但因為感情問題而喊，我真係第一次見。

佢用手背印一印乾啲眼淚就答我：「佢話我喺啲交友 app 度 ⋯⋯ 同其他女仔 flirt，但我根本就無呀！」

「咁妳咪同佢講清楚囉。」我話。

「我緊係試過啦。但佢好堅持話我有。」允翹開始激動：「之後我就問佢係咪鍾意咗第個，所以求其搵個藉口撇甩我 ⋯⋯ 佢就已讀不回，而家仲 block 埋我。」

我安慰佢：「佢應該都係發吓脾氣嘅啫，未必好似妳諗到咁嘅。」

允翹突然之間對住我大嗌：「妳都未撚拍過拖，妳識條鐵咩？」

我聽完佢咁講，首先係愕然，再之後就開始燥底。妳老味，我好心想氹妳，居然俾妳窒返我 A0 唔識嘢。正想鬧佢之際，佢個屁股突然離開咗馬桶，再轉身跪咗喺地下度，個頭向住個廁所。我見佢好似仲係好唔舒服，就打消咗鬧佢嘅念頭，踎咗喺佢隔離。

允翹發出一陣陣作嘔聲，將剛才食嘅晚餐嘔返出嚟。我忍住盡量唔去聞，只係用口唞氣。佢個 bra 就嚟掂到個馬桶邊，於是我伸咗隻手埋去將佢撳返住，感覺到佢嘅心跳好快好快，胸脯一漲一縮咁唞哂大氣。我諗返起頭先點餐嗰陣嘅胡思亂想，估唔到呢一刻真係掂住允翹個胸。我望吓佢有無咩反應，但佢似乎仲係掛住想嘔，根本無留意到我隻手撳住佢個 bra。喺呢個時候，我唔知點解居然會對允翹心生邪念，用手大力少少咁撳住佢個胸，啲手指同佢右邊乳頭就只係隔住一塊布。平時摸自己個胸，我都無咩特別感覺，因為其實只不過係兩嚿唔大唔細嘅脂肪嚟。但當我用力撳住佢嘅胸口，呢種稍為帶有禁忌、知其不可為而為之嘅感覺竟然令我覺得好興奮。雖然趁佢唔舒服嗰陣抽佢水，好似有啲衰，但我又忍不住手，唯有心入面同自己講：「撳吓啫，都唔算係好過份吖。」之後又再用力撳多一次。

我再望一望佢，但佢依然同頭先一樣瞇埋眼咁樣唞氣，亦都無阻止我。我 feel 到自己越嚟越想摸佢，好想探索佢嘅身體。於是我慢慢將手掌向下移，再放入佢嘅 bra 裏面，輕輕力托住佢個波。「妳做咩 ⋯⋯」允翹把聲好柔弱，同平時嗰種刻意壓住嘅聲線好唔同。我本能反應下縮返隻手出嚟，有啲唔好意思，甚至唔敢去直視佢。

佢塊面仲係好紅，不過似乎已經好咗啲，至少無好似頭先咁呼吸得咁急促。我問佢：「仲想唔想嘔？」

佢無應我，只係伸起右手冚蓋然後沖廁所，將頭先嘅嘔吐物沖走。佢黐返好佢個 bra 個魔術貼，再稍微調整吓佢，然後將左手放喺我頭先摸佢嗰隻右手上面，啲手指好緩慢咁伸入我手指罅度。於是，我哋兩個就咁樣半跪半踎，喺窄小嘅廁格裏面十指緊扣住，望住對方對眼。

女仔拖住女仔，本身係一件極為普通嘅事，我有時喺街都會拖住好朋友行。但係我好肯定我哋而家呢一種，並唔係普通朋友嘅感覺。究竟呢一刻嘅允翹有幾多分清醒，幾多分醉，我真係唔知。佢明明知道我借故撳佢個胸，但又唔反抗 ⋯⋯ 係因為太醉定係唔介意我咁做？佢係咪當咗我係 Anya？咁我又當佢係邊個？我個心好矛盾，好亂。

我哋定咗喺度兩三分鐘，無出過一粒聲。就算聽到有人入咗廁所，我哋都繼續十指緊扣住，望實對方，靜靜咁聽住嗰個人洗手，再出返去。喺呢個時候，我部電話震咗吓，允翹都聽到。我用另一隻手攞起電話，見到 Hannah 嘅兩個訊息：「hey」「need help？」

我將電話遞俾允翹睇。佢望咗望，擰頭表示唔需要。於是我就覆返 Hannah：「she's fine la」，然後放返好電話。

允翹於是慢慢企返起身，而我都一樣咁做。佢扣返好啲衫鈕，再着返條褲，我就打開廁格道門畀我哋出去，但佢嘅步伐仲係有啲唔穩，於是我扶住佢去洗手，行返出餐廳。

「無事吖嘛？」Hannah 見到我哋就話：「嚇死我哋啦！」

允翹笑住話：「無嘢啦，小事。」

企喺隔離嘅我一方面喺度諗，頭先佢明明不停喺度嘔又企唔穩都話無嘢，係都要喺其他人面前逞強，真係無佢咁好氣。另一方面又諗起自己啱啱嘅行為，希望允翹唔會介意啦。

結果大家好快就埋咗單，離開西餐廳。因為我同 Hannah 順路，而允翹同麗恩、阿淇佢哋就去另一個方向，所以我都放心啲，只係叮囑佢兩個照顧好允翹，就同 Hannah 搭車走咗。

有文

我係咁㗎，要俾大家大大力鞭策我先至會寫快啲

咁要大力啲鞭

有文