【全連登最甜+最重口味】一年之間我由 A0 學生妹變身成為 SM 女皇

343 回覆
49 Like 18 Dislike
2020-06-01 23:59:47
〔2023 年 12 月 24 日〕

今日係聖誕節前夕,亦即係平安夜。由於撞正係星期日,所以呢晚比往年特別多人出街玩,當然亦都有唔少人去咗黃大仙度獻花悼念。換轉係以前嘅我,一定會毒留在家煲劇。但今年嘅我,居然唔係煲緊劇,而係煲緊蠟。

唔係,我無攪亂到聖誕節同中秋節。呢種煲蠟,唔係平時喺公園將蠟燭啲蠟滴落月餅鐵盒嗰種煲蠟,而係用特製蠟燭將蠟滴落皮膚上面嘅。佢嘅正式名稱係「滴蠟」(wax play),不過因為同煲蠟有幾分相似,咁我就索性咁叫。

今晚嘅場地唔係平時去嗰間 playroom,而係我哋其中一個朋友嘅大宅。呢一刻嘅我,就等如平時煲蠟嗰個月餅罐。喺昏暗嘅大房入面,我成個人趴喺張疊高咗嘅軟墊上面,俾五六個衣衫不整嘅男女重重包圍住,而佢哋每個人手上面都攞住一支紅色蠟燭。一絲不掛嘅我大字型咁將手腳撐開,手腕同腳腕都俾一條有些少彈性嘅繩索綁住,膝頭微微屈曲令到臀部拱起,任由大家打量我嘅身體。

喺我左手邊嘅一個女仔拎起手上面嘅蠟燭,去到我膊頭附近。無幾耐,我感覺到後頸多咗兩三滴蠟,頓時一陣熾熱。無幾耐,又有一隻手搭住我右邊後腿,然後我就 feel 到有蠟滴落我大髀度。「啊!」今次比啱啱膊頭嘅蠟更加熱,我本能上想縮起隻腳,但係後面隻手用力捉住我,唔畀我郁。我唯一可以做嘅,就係吞一吞口水,繼續享受呢種被多人凌辱嘅快感。

雖然呢種感覺係幾爽,但我始終有啲唔係好慣,畢竟我最擅長嘅唔係受虐,而係飾演支配其他人嘅施虐者角色。不過呢次平安夜 party 嘅主題係叫 Merry Switchmas;而 switch 嘅意思,大概可以解做「雙向」或者「轉換」,即係施虐變受虐、臣服變支配等等。而家呢班圍住我嘅支配者,其實大部分都係平時被臣服開嘅一群。

支配同臣服係 BDSM 裏面兩個好重要嘅元素。支配係 domination,而臣服就係 submission,平時我哋會簡稱做 Dom 同 sub(用大草細草去突顯佢哋嘅地位差別),或者將呢種支配者同臣服者嘅關係稱做 D/s 關係。

如果你問 Dom 同 sub 係咪就係 BDSM 嘅 D、S,咁你就啱咗一半嘞。其實 BDSM 呢個縮寫係包含咗 B&D、D/s 同 S&M 呢三方面。D/s 上面講咗啦,意思係 Domination 同 submission。B&D 係 bondage and discipline,即係綁縛同調教。S&M,好多人都聽過,就係 sadism and masochism,亦即係上面都有提到嘅施虐同受虐。支配唔等於施虐,臣服亦未必等於要受虐,所以我哋會用唔同字眼去識別。

我知道,BDSM 喺好多人心目中都係變態、重口味嘅玩意。的確,當中某啲內容唔係人人接受到,所以就算係平時參與 BDSM 嘅人,都有自己嘅 kinks 同 fetishes。中文我哋有時會歸納埋一齊譯做「癖好」,但我就唔係幾認同呢個譯法,因為用「癖」字好似有病態嘅含意。簡單嚟講,kinks 就好似你食嘢嘅口味。有人鍾意食油炸嘢,有人鍾意食辣。就算好少人食譚仔會揀大辣,但你唔會話食大辣米線係一種癖好㗎嘛。

所以呢,BDSM 從來都只係個人喜好嘅問題,你有你玩,我有我試。重口味?唔緊要,好味咪得囉。

至於點解我會投身於 BDSM 嘅世界,就要由一年前嘅今日講起。
2020-06-02 00:01:14
0 相? 文字論壇
2020-06-02 00:04:55
正 留名
2020-06-02 00:12:11
講故台以文為主嘛

當然劇情需要嘅話,我都會放吓概念圖嘅 ⋯⋯
2020-06-02 00:20:26
多謝支持

2020-06-02 17:08:38
正,有睇開男男
2020-06-03 03:09:38
Switch係最好玩嘅am
2020-06-04 07:59:30
〔2022 年 12 月 24 日〕

話說我同幾個好姊妹約咗去旺角行街食晚飯,當係慶祝聖誕節喎。作為一個典型嘅宅女,無 friend 約嘅話我基本上唔會出街,通常喺屋企煲吓動漫、撚吓貓就算。不過難得佢哋咁好興致,我點都會蒲頭嘅。

本身我哋諗住食飯前去朗豪坊,但因為聽講潮特就嚟要執,於是乎我哋就打算行吓,睇吓有無啲咩想買,話唔定清貨會平啲。

入到潮特,我哋首先行樓梯落地牢兜咗個圈。可能因為係聖誕假期,加上就嚟執,人流似乎比以前多返啲,但又未至於水洩不通,至少我同好姊妹 Hannah 兩個繞住手行,都唔會撞到人。地牢啲鋪頭仔十居其九都係賣啲潮牌衫褲鞋襪(「潮流特區」真係無改錯名),嗰啲 S 字頭,T 字頭、中指貓,乜都有齊,另外仲有啲鋪賣手飾精品。我哋睇精品都睇咗好耐,我仲買咗個幾廿蚊嘅布甸狗鎖匙扣𠻹。

之後就搭電梯上一樓,似乎有多啲得意嘅鋪頭,有間專賣打火機,又有另一間係賣自家製嘅永生花、水晶嗰啲。我 best friend 允翹入去睇咗陣,而我就影低咗間鋪,諗住遲啲母親節可能會幫襯(當時唔記得咗佢都就執)。

兜完一樓,Hannah 同我哋講:「不如走啦,都無咩好行。」

另一個朋友阿淇和應:「係呀,樓上好似好多都已經吉咗。」

但允翹一支箭行咗上自動電梯,向我哋𣚕手:「睇埋先啦,有啲得意嘢㗎。」聽到佢咁講,我哋就跟住佢上咗二樓。

阿淇果然無講錯,呢層一眼望落去,真係十間有七間都係吉鋪嚟。允翹沿住走廊向右轉,無幾耐就行到去一間門口有兩塊簾嘅鋪前面。「呢間好正㗎!」允翹笑住同我哋講。

「影貼紙相?」我問。

允翹懶神秘咁話:「妳睇吓咪知囉。」然後就㨴開個簾入咗去。喺個簾揚吓揚吓之際,我見到有個櫃擺哂啲一盒盒嘅貨品,總之就唔係貼紙相鋪啦。之後阿淇都入埋去,於是我同其他人唯有跟住佢尾。

「吓?」啲貨品全部都寫哂日文,又係啲素未謀面嘅日本牌子嚟。我攞起櫃上面其中一件,一望個盒嘅後面,見到大大隻字寫住「18+」。

「嗰個震蛋嚟㗎。」允翹喺我正想問嘅時候已經答咗我。

一聽到係震蛋,我嚇到立即嗌咗聲:「痴線咩!」然後就將盒嘢放返喺櫃。幾個女仔聽到都即時起哄,連平時最乖嘅麗恩都忍唔住笑咗吓。

「Woo~ 係咪同 Anya 玩開,所以知呀?」Hannah 斜視住允翹,露出奸笑。

允翹喺我嗰級出咗名好花心,tomboy 之餘仲係個 playboy。喺呢四年多啲嘅中學生涯入面,同過允翹一齊嘅女同學應該不下十個。而 Hannah 口中嘅 Anya,當然就係允翹而家嘅女朋友啦。其實早幾年都有好多人以為我同佢拍拖,因為我哋真係成日撐枱腳,又會一齊放學,不過嗰啲傳聞都係假嘅。我諗可能係因為我哋由小三識到而家,而且我阿媽同佢阿媽係互相識得嘅,所以佢一直都唔會做啲咩踩界嘅行為。又或者我唔係佢嗰 type 啦。

允翹一聽到佢提起 Anya,塊面好明顯紅咗,只係輕輕答咗句:「無喎。」然後就自己喺度睇嘢。Hannah 見允翹無咩反應,轉身望住我哋。阿淇瞪一瞪大對眼,向 Hannah 打眼色,唔知想表達啲咩咁。既然唔知,我都自己行咗去睇嘢。原來鋪嘅另一邊係賣內衣,而且大部分都係啲性感嘅喱士款。好奇之下,我攞起其中一件墨綠色嘅三點式內衣,覺得佢都幾靚,再望清楚啲,咦?都遮唔到個胸嘅!再望吓隔離嗰啲款,原來好多都係咁。我心裏面有啲好奇,乜男仔鍾意女仔着呢啲㗎咩?

我周圍望多兩望,其實都係啲唔同種類嘅性玩具,有啲一嚿嚿,有啲一條條。不過我都唔會買㗎啦,所以無幾耐就行返出去。原來 Hannah 同麗恩已經喺出面,麗恩仲行咗去另一間鋪出面睇公仔,於是我又跟埋去。

隔咗一陣,允翹終於出返嚟,仲攞住個全黑嘅紙袋。我問佢:「吓,妳真係買㗎?」允翹就話:「幫人買咋嘛。」然後我就無再追問,不過心裏面都仲係有啲想知佢買咗啲咩。
2020-06-04 08:20:28
如果繼續寫落去,係會有男男情節
想睇嘅話請密切留意

不過始終主角係女仔嚟,所以未必有好多
2020-06-04 08:24:30
2020-06-04 13:18:01
小妹第一次喺連登寫故,無奈 P 牌推唔到

希望大家鍾意隻故嘅話,可以輕輕推一推

一嚟多啲互動,二嚟我又會寫得開心啲落力啲
2020-06-04 23:19:23
M男報到
2020-06-05 00:13:53
正~
2020-06-05 17:50:26
概念圖係咪樓豬上陣
2020-06-05 20:38:32
我認得樓豬
2020-06-05 20:53:18
留名
2020-06-05 22:53:19
我都認得你 bor
2020-06-05 22:57:36
花式自爆
2020-06-05 23:01:58
推到有樓豬親身上陣概念圖
2020-06-05 23:24:41
多謝~ 今晚凌晨會出下一篇
2020-06-06 05:59:38
既然三層都行哂,我哋就離開咗潮特。出到去,個天都已經開始黑,於是我哋就上咗附近一間樓上嘅西餐廳。

「幾多位?」門口有個阿姐問我哋。

「Book 咗七點㗎,姓楊。」允翹答佢。「不過如果而家有位嘅話,可唔可以早啲?」

「唔。」阿姐望一望入面,就話:「今晚未必有喎。妳哋坐低等吓先啦。」

果然,我哋喺出面足足等到六點十先有位。

坐低咗無耐,就有個後生仔侍應走過嚟,然後遞咗個餐牌畀我哋:「我哋今晚做緊個聖誕二人 set dinner 喎,包餐湯同埋一杯無酒精飲品,或者可以加多 38 蚊,就有一杯紅酒或者白酒,睇吓有無興趣吖?」特登行埋嚟畀多張餐牌我哋,分明就係想 sell 個二人餐啦。

個侍應一行開咗,大家就各自討論食咩好。「其實 okay 嘅,528 包咁多嘢。妳覺得龍蝦定安格斯牛排 ⋯⋯」阿淇似乎覺得個 set 唔差,已經同麗恩商量好 share 一個 set。

「有無人飲酒㗎?」允翹問。

「吓 ⋯⋯ 妳唔驚佢會 check 我哋身分證咩?」麗恩有啲猶豫。

允翹貫徹佢一向爽直不羈嘅性格:「唉,是撚但啦,佢問先再算。」

坐允翹隔離嘅阿淇望一望我哋,然後話:「我哋五個喎,咁兩個 set 然後一個散嗌?」

「我同 Audrey 一個 set 啦。」允翹指一指我。

「唔啦,我散嗌得啦。」然後我攞起原先放喺枱面嘅 menu。

允翹見我無乜興趣,於是都唔勉強我:「哦,咁我同 Hannah 啦。」

我一路揭個 menu,好似喺度睇緊食乜,其實一路諗返起頭先潮特嗰間鋪頭。雖然之前都有睇過吓鹹片,又有試過跟住鹹片嗰啲女優自慰,但性知識同經驗可以話係接近零,更加未入過呢類賣情趣商品嘅店鋪啦。唔知我着起嗰種 bra 係點嘅呢?會唔會好肉酸㗎?我不禁嘆咗口氣,然後繼續揭 menu。

之後我又喺度諗,允翹係咪真係幫人買嘢?定係其實幫自己買咋?但我又唔知佢買乜 ⋯⋯ 呢個時候,個腦唔知發咩神經,突然閃過允翹着住一套全黑嘅三點式情趣內衣嘅畫面,仲企咗喺我面前用右手撥弄喱士胸圍嘅肩帶,再用左手捉住我隻右手,然後拉到去佢嘅心口位置,好似示意緊我去摸佢個胸咁。

「喂!」Hannah 用手踭撞一撞我,搞到我成個人好似聽見行雷聲咁扎醒咗。佢問我:「做咩發哂呆啫?諗好未呀妳?」

「啊 ⋯⋯ 要個燒豬肋骨啦。」我求其指咗 menu 其中一張相,於是允翹就𣚕咗另一個老啲嘅侍應埋嚟落 order。

「唔該一份二人 set dinner,要安格斯牛排,五成熟 ⋯⋯」一班姊妹輪住落單。

「飲咩?」侍應最後問。

允翹望一望 menu:「想加錢轉白酒,呃,呢個 Chardonnay 吖。」

「好嘅。」個侍應正準備寫低個 order,突然又停低望咗我哋一眼,然後問允翹:「小姐介唔介意出示返張身分證睇睇?」

仆街!條友真係問!

「哦 ⋯⋯ 咁呀 ⋯⋯」允翹瞬間俾佢嚇窒咗,都唔知道講咩好。

「等等。」喺枱嘅另一邊,阿淇打開手袋,然後拎咗張身分證出嚟畀個侍應睇。侍應望咗眼,然後講咗句:「唔該哂。」就繼續埋頭寫 order。

阿淇繼續講:「我同佢哋全部都係加錢嘅,我要杯 Château la Gravette。妳哋呢?」結果麗恩同 Hannah 兩個都跟機,叫咗杯大家名都未聽過嘅紅酒。
2020-06-06 06:21:15
畀隻連豬親身上陣概念圖你先
2020-06-06 07:49:50
直播直播
2020-06-06 11:00:02
駁唔到 收住貨先
2020-06-07 12:54:49
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞