【全連登最甜+最重口味】一年之間我由 A0 學生妹變身成為 SM 女皇
聲哈利路亞俾黑警
362
回覆
50 Like
18 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
聲哈利路亞俾黑警
2020-06-10 03:57:03
Hello~ 等我上一上水先
純粹驚大家以為我棄故,我無棄到
只不過六月九號同大家一樣都有啲忙,所以先要遲少少出,之後會補返畀大家㗎啦
岩里政男
2020-06-10 04:44:42
聲哈利路亞俾黑警
2020-06-10 05:26:05
又唔瞓覺等文
傻豬嚟
聲哈利路亞俾黑警
2020-06-10 05:27:22
多謝
岩里政男
2020-06-10 05:41:42
而家去瞓
聲哈利路亞俾黑警
2020-06-11 08:59:11
侍應問我:「咁妳呢?轉特飲嘅話要加錢。」
我諗都無諗:「我要個熱咖啡得啦,唔該。」
等侍應走咗,Hannah 好疑惑咁問阿淇:「乜妳過十八啦咩?」
「妳唔係十六歲咩?」允翹亦都細細聲加入對話。
「殊!」阿淇望咗眼周圍,微微伸出舌尖向我哋打眼色,然後遞咗佢張身分證畀 Hannah。伸脷係其中一個阿淇成日會做嘅小動作,次次做親啲蠱惑嘢、搞笑嘢就會咁。有幾次佢整蠱班上面啲同學,之後都會靜靜雞向我同啲姊妹伸脷,就好似啲人贏咗之後會舉個 V 字手勢咁上下。
Hannah 攞住張證睇:「吓?零三年七月咪即係十九歲?」
阿淇問:「似唔似呀?」
「邊忽似十九呀妳?」Hannah 望住身分證上面嘅相,反問返佢。雖然女人問親年齡呢家嘢,一定係呢個標準答案(除非想反面嘅啫),不過問心阿淇真係完全唔似十九歲。又細粒,個樣又 kawaii,無論點睇都只係似一個十五六歲嘅女仔。調返轉頭諗,啱啱個侍應一定都會覺得阿淇係我哋呢一枱比較年輕嘅一個,所以當佢都「十九歲」嘅時候,就更加唔會懷疑我哋其他人未夠十八。
好似我咁,雖然個樣望落都係好後生,但弊在以亞洲女仔嚟講算生得高,兩年前已經去到 175,就算我而家坐喺度,都睇得出個骨架係比較大。今時今日,就算我話二十歲都一定會有人信。
「唔係問呢樣呀。」阿淇俾 Hannah 答非所問嘅讚美氹到面露甜笑,指吓佢張身分證話:「我講緊張證似唔似呀。」
此話一出,大家即刻打咗個突。佢問張證似唔似,即係呢張係假身分證嚟?喺我心目中,fake ID 喺歐美國家係幾普遍吓,通常都係等啲未夠秤嘅細路可以買酒飲。但喺香港有得假身分證嘅,就算唔係黑社會或者老千,應該都唔係咩善男信女嚟啩?但阿淇又點會 ⋯⋯
「張嘢係流嘅?」允翹似乎唔係好信,一手搶咗 Hannah 手上嘅身分證仔細咁睇。「咦係喎!頂,妳咁都睇唔出嘅?」允翹恥笑佢對面嘅 Hannah,然後畀返張證阿淇。
麗恩好奇咁問:「妳屋企人知唔知㗎?」
阿淇擺一擺手:「緊係唔知啦!知道仲得了嘅?」
「咁妳去蒲都唔驚會俾人周到啦。」我同佢講。
佢笑笑口話:「嘻嘻,嗰啲通常都側側膊㗎啦。」
大家都似乎無諗過問佢點解會有張假身分證,又或者好似我咁費事問,驚會踩中一啲唔應該踩嘅地雷。
剛才落單嗰個侍應托住幾杯酒同埋我杯咖啡過嚟,逐杯放低。「一杯熱咖啡、一杯白酒、另外三杯紅酒。」然後,我隱約見到佢用眼尾望一望阿淇。莫非係聽到我哋頭先啲對話?但我諗知唔知道都無所謂啦,反正佢都擺低咗啲酒咯,唔通拎返入去咩?
Hannah 率先拎手提電話影低枱上面幾杯酒,po 上 IG 打卡。允翹攞起佢杯白酒同大家講:「聖誕快樂!」再同我哋逐個碰杯,包括我在內。
我擺低我嗰杯出哂煙嘅咖啡,望住各人一齊呷啖酒。
「咦~ 咁澀嘅?」麗恩揦埋哂口面咁放低杯酒。
「葡萄酒係咁味㗎啦。」允翹指住麗恩杯紅酒:「妳唔鍾意嘅話,一係同 Audrey 交換啦,妳要咗佢杯熱啡嘞。」
我唔係太想飲酒,所以同允翹講:「唔啦,我都係飲熱咖啡啦。」
「咁我要咗佢㗎啦。」允翹問 Hannah 同阿淇:「有無人要?」但兩個都拒絕。允翹有多一杯酒飲就特別興奮:「No problem,me drink!哈哈!」話口未完又飲多啖。
聲哈利路亞俾黑警
2020-06-11 09:29:44
比預期遲咗幾日完成
越寫越長,最後決定出咗一半先,另外嗰一半(應該)今晚會出埋
P.S. 呢一篇無甜,但今晚嗰篇會有
我有緘默權
2020-06-11 22:07:14
加速
聲哈利路亞俾黑警
2020-06-12 02:25:28
通宵打緊
唔知天光前出唔出到呢?
岩里政男
2020-06-12 05:12:55
推
聲哈利路亞俾黑警
2020-06-12 17:20:30
多謝
不過天光到就嚟天黑都未寫好(尋晚寫寫吓就恰着咗)
岩里政男
2020-06-12 20:24:06
加油
等緊你嘅文
交合伺服器
2020-06-13 12:00:27
等妳
蝦毛太郎
2020-06-13 17:18:07
好似唔錯
聲哈利路亞俾黑警
2020-06-14 16:59:19
佢哋食完跟餐嘅沙津,飲完餐湯之後,我哋再等咗四個字,終於上 main course。個後生仔侍應分幾次放低大家點嘅菜式,又攞走啲空嘅碗碟。急不及待嘅我鋸開一嚿嚿蘸上 BBQ 醬汁嘅燒豬肋骨,開始不顧儀態咁揸住一嚿豬肋骨咬,而其他人亦都開始剝龍蝦肉、鋸扒。
食食吓,允翹無啦啦同我講:「喂,妳食到好似含撚咁。」
聽到允翹咁樣形容我嘅食相,我無駁返佢不特止,反而再起勁啲啜嚿豬肋骨,搞到啲 BBQ 醬成個嘴唇都係,仲加多句:「我鍾意含呀。」然後我用條脷由上唇嘅左邊沿住下唇一直滑向右,再去返上唇嘅右邊,360 度咁將嘴上面嘅醬汁舐乾淨。雖然我哋平時喺學校都係咁樣相處,成日講埋哂啲鹹濕嘢,但喺出面咁玩都有啲老尷。我望一望隔離枱啲食客,希望無人睇到。
「頂妳,咪咁嘔心啦妳兩個。」Hannah 都忍唔住話我哋。
允翹無應佢,只係喺度望住我暗笑,之後又舉杯飲咗兩大啖紅酒。而佢塊面,亦都因為嗰兩杯各飲咗一大半嘅白酒同紅酒,開始變得白裏透紅。
我攞起杯咖啡一路飲,一路望住面紅嘅允翹,諗返起細個嘅佢。雖然我哋以前係讀同一間小學,但係一開始識佢係因為我哋喺同一間補習社度補英文。記得小三嗰陣,我啲英文成績差咗,於是乎阿媽就帶咗我去參加補習班。本身我好抗拒補習,因為我覺得學校畀嘅功課已經好多,如果再加埋補習班啲練習就會忙到無時間玩。所以每逢星期六要返補習社之前,我都會扭哂計,又喊又𦧲地。
直到某一堂,班上面嚟咗個同校嘅新同學。我雖然認得佢係同級嘅隔離班同學,不過當時連佢叫咩名都未知。而佢每次都係開始咗上堂十分鐘先至到,仲要係成頭大汗,塊面紅哂咁樣行入班房坐低,有時仲有個戴眼鏡、肥肥哋嘅女人喺門口同補習老師講對唔住。
「點解妳成日都遲嘅?」我記得我有次小息嘅時候問佢。
佢就答:「我頭先要返 tennis 班吖嘛,跟住就同媽咪跑過嚟啦,好遠㗎!」佢仲刻意拉長個「好」字,畀我知道真係好遠好遠。
由於我哋係一齊坐,所以無幾耐就喺對方嘅練習簿度得知對方嘅名。
「妳呢個字點讀呀?」我望住佢個名問。
「『楊允翹』囉。『羊咩』嗰個『羊』、『隕石』嗰個『隕』、『天橋』嗰個『橋』,但係寫就係咁樣寫囉。」佢指住自己個名,逐個音介紹畀我知,之後又問返我:「妳個名都好難讀呀!任『咩』怡?」
「『灝』,H、O,Ho。」
自從允翹嚟咗之後,我開始對補習班無咁抗拒,反而會期待上堂嗰陣同佢靜靜雞傾計,又或者小息嘅時候同佢一齊食零食。就係咁樣,我同佢就慢慢成為咗好朋友,之後仲考咗入同一間中學𠻹。
而 Hannah、麗恩同阿淇就係入到中學先識嘅。正確嚟講,我同佢哋三個都係去到高中先至真正成為摰友,甚至可以稱得上係姊妹。
聲哈利路亞俾黑警
2020-06-14 17:03:08
平安夜呢一章仲有一兩節先完
因為想寫少少 backstory 先
聲哈利路亞俾黑警
2020-06-14 17:04:36
多謝你哋一直推
我會努力~
聲哈利路亞俾黑警
2020-06-14 19:21:46
歡迎新讀者
有無話想睇啲咩?
我有緘默權
2020-06-14 21:53:35
終於等到有文
交合伺服器
2020-06-14 21:57:08
甜瓜哥哥
2020-06-15 05:48:26
想睇女s 睇到有文 今個月內會唔會完文?女皇
聲哈利路亞俾黑警
2020-06-15 06:30:11
我尋晚出故都有諗起甜巴你
隻故事設定係長篇故嚟,講個主角點樣變成女 S(另外會穿插其他支線情節),而家只係起承轉合嘅起,所以係會比較少甜
BDSM 同重甜重口味情節一定會有,大概由故事嘅三分一開始,一直去到結局都會好多
另外我唔係成日有時間寫,亦都寫得慢,因此好難喺半個月內寫完
甜瓜哥哥
2020-06-15 06:32:39
咁我未必追到了 多謝你諗起我 突登起底講呢件事
聲哈利路亞俾黑警
2020-06-15 06:38:52
我有個 idea
如果我另外開一個 post 係寫短篇故,會唔會可以滿足到你,同埋純粹想睇 SM 橋段嘅巴絲們?(上面有巴打話想睇男男)
但呢度就可能會連載得更慢
大家點睇?
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞