「想喺我哋手上走甩都有啲難度,特別你哋孭住咁重嘅袋......」為首的是個戴傑森面具,穿白底彩色連衣帽的男人:「有冇人提過你哋?六點打後,唔好出現喺廢土區。」 「嘿,都估到會遇到你哋。」方景亨冷沉一笑,說:「估唔到「雙子盜賊」嘅手下,窮到要出嚟廢土區打劫市民。」 「就係你哋太善良,先好玩!就好似打獵遊戲咁渣嘛。」面具盜賊提著開山刀,指一指附近的渣打銀行:「入去間銀行到。」