【病獵大師】《病港II》(4)
墨說
984
回覆
823 Like
10 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
傻豬黎既
2020-05-28 23:20:29
lm
弟壹圓恥
2020-05-29 00:08:56
幫推~
戇九交響曲
2020-05-29 04:25:55
諗緊如果M個面具係cyberpunk 風格的話會更加有型
圖唔係我畫,只係搵番嚟
波餅
2020-05-29 05:38:54
個劍禮……dark souls?
日向地鶏の油そば
2020-05-29 09:13:57
Bloodborne pvp
兩把聖劍
路德維希有冇機會出現
第九代JoJo
2020-05-29 10:37:04
真係好有病獵feel
姐姐不行了
2020-05-29 14:49:13
個人就覺得中世紀型啲
習武保衛地球
2020-05-29 17:13:02
黃金大仙
2020-05-29 18:36:09
幾點有文?
絕影
2020-05-29 19:17:17
啲正皮加更加咗未
mingjai14
2020-05-29 19:40:06
gay
小狗裕姝
2020-05-29 19:52:13
幾點先有文
鹽西
2020-05-29 19:54:33
墨說
2020-05-29 19:54:56
搓好跌打藥酒後,我把它拋還給陳一劍,然後互相點個頭就分別。
「點啊。」王達尼悠悠地出場,把地上的大木劍拾起:「借到呢把大木劍返嚟啊?」
「宜家要去炮崗嶺,嗰到有鑄劍嘅地方。」事不宜遲,我起行了。
「呢把嘢斬唔到病者咩?你睇我用得幾勁。」王達尼拿著大木劍亂揮。
「你啱啱去咗飲酒?」我回首一問。
成為病獵協會一員之後,我們再沒有給政府限制使用地鐵站的時間,只要把執照呈上,就會有職員貼心地為你開門。
「係病獵大人?」站內職員問。
「嗯。」我答。
「你等等,我宜家撳制開一開門......」
眼前堅固的鐵捲門,漸漸上升。
「到底點解要有呢道閘嘅存在,驚人入去打劫?」彎腰入站後,王達尼稍為抱怨。
「我點知。」我答。
「咁係因為防止其他人會胡亂使用,防止病者、防止居民發生叛亂、又防止惡意倖存者破壞。」開門的職員也是相當貼心,為他解答:「以前呢,夕鯨國係可以二十四小時用地鐵站,嗰陣不知幾方便。」
「咁好玩?」
「呢家無呢枝歌仔唱,自從第一隻詭人出現咗之後,以前好多放鬆嘅政策都變得嚴謹咗。」職員刻意用把深沉的語氣,說:「因為病者已經識得偽裝成人類混入倖存區入面......」
「喂!!你唔會就係詭人啊!把聲做咩突然咁陰森!」王達尼忽地拿出一把小刀防備。
「喂喂喂!!大佬,收返埋把刀!我只係想配合氣氛先突然轉咁嘅語氣......」職員立即變「死狗」。
「把刀邊到嚟?」我不見王達尼之前有拿出過。
「喔,協會到偷返嚟。」
「你都幾順手下。」我說。
「兩位,要落月台啦。」職員領著我們下去。
從扶手電梯落去期間,我竟然聽到有什麼在路軌上快速移動,從王達尼一樣愕然的表情上,可以知道我沒有幻聽。
「仲有火車?」我和王達尼不約而同,問。
墨說
2020-05-29 19:55:08
聽日
墨說
2020-05-29 19:55:22
「哦,嗰啲係運送物資嘅礦車。」職員想了想,才回答。
在午夜的路軌上鐵道沒有停止工作,一輛輛符合路軌寬長的大礦車,運載住一堆堆能源產物從一個倖存區,運輸到另一個倖存區。
現在路軌上掠過的礦車,有的是運送著煤炭、有的運送著鋼鐵、有的運送著木材。
「宜家已經無糧食運過嚟,以前仲有運小麥嗰陣,我仲有啲同事會偷偷......」職員說到一半,欲言又止:「無嘢啦都係。」
「怕咩啫,偷嘢就要好似我咁,光明正大咁講出嚟。」王達尼又再亮出他偷來的小刀。
「呃、哈哈。」職員假笑,指住往炮崗嶺方向:「你落去之後,捉住其中一間礦車嘅車邊就得,唔洗自己慢慢行。」
「好,麻煩哂。」我率先跳到路軌下,再到王達尼,
礦車的速度不快,大概就像普通單車踩踏的速度。我和王達尼看準一輛運送加工煤炭的礦車,就倒數三聲一起捉住了車邊,前去往昔的炮台山。
那快風輕輕吹拂著臉孔,如果軌路內不是黑漆漆一片,真的可以當成「游車河」。
「講啲嘢啊?有啲悶。」我身後的王達尼,說。
「呢到講嘢有回音......」我說。
不徐不疾的礦車到達炮崗嶺後,我和王達尼從車上跳了下來,並離開這裡的地鐵站。根據鐵站職員所述,陳一劍說的鑄劍之地就在地鐵站附近,
前往的路上,可以了解到炮崗嶺是個沒有夜生活的地方。
全區就只有數間酒吧,仍未打烊。
早上轟隆轟隆運作的機器,總算能休息下來。
去到那間「鑄劍閣」,我和王達尼繞了數圈,一切武器佳品盡收眼內。這裡一整橦大樓的人也是製作武器的,幾乎十八般兵器齊全,但在我眼裡只容得下一把大劍。
「邊到有你講嘅大劍買?」王達尼問。
「唯有逐層逐層睇。」我說。
大廈牆壁上有些鐵製鋼管,灼熱的蒸氣會從那裡排出,然而王達尼不知癡了那條筋,見到什麼都要摸一下,見過伸手去觸摸那鋼管,一摸指尖便起了水泡。
「你老母!!!」他痛得大喊出聲,彎下身子。
「嘿嘿。」一旁看得清清楚楚的黃銅師傅,輕輕笑了一笑。
「繼續行,唔好喺到掉人現眼。」我捉住王達尼的領袖,繼續向前。
基於「鑄劍閣」有整整三橦大樓相連,相連的地方是把牆壁開洞,然後搭棚、搭木板、搭鋼架的連接住三橦大樓。
王天不負有心人,在第二橦的大樓中我找到疑似會製作大劍的師傅。
這是基於,他店裡有賣一張製作草圖,是屬於大劍的模樣。
「呢到有賣大劍?」我開口就直接問。
「大劍?」那位鑄劍師傅先用目光審視打量我,再說:「唔係人人買得到。」
「你意思係?」
墨說
2020-05-29 19:55:36
「大劍喺眾多武器之中,係王者級別嘅存在......」鑄劍師傅揚起嘴角,說:「我哋劍行有不成規定,想要製作大劍嘅人,必先要有老熟人推薦過。」
「咁你肯定係無睇報紙啦,呢條友喎!」王達尼不停指住我,用力介紹:「拎住把大劍殺咗病獸喎!」
「咁原諒一下我係唔睇報紙,我每日朝早就開工,開到半夜就訓,唔得閒睇啲無聊新聞。」鑄劍師傅點起根煙抽。
「陳一劍介紹我嚟。」我差點忘了,說他的名字。
「喔呵呵,原來係佢,條友上次叫我幫佢徒弟做大劍,仲差我一隻燻田鼠。」鑄劍師傅沒好氣地搖搖頭,又問:「你係佢徒弟?」
「唔係,不過同佢切磋過一場。」我說。
「邊個贏?」
「不分上下。」
鑄劍師傅向我說出條件:「咁吧!你帶一隻燻田鼠嚟,我再諗諗。」
「咩話?呢家打機做任啊,有埋支線任務?」王達尼總是喜歡吐槽。
「呢位哥仔咁多嘢講,唔口乾咩?」鑄劍師傅笑著說。
「未講完!老鼠係人類嘅好朋友,我唔理咩田鼠、竹鼠、褐鼠、過街老鼠啦,你知唔知我長期要穿梭下水道,一蕩失路都係靠佢哋幫我搵出路,每次都接近出生入死,而且我身處喺漆黑一個人都無嘅地方時,得佢哋會「吱吱吱吱」咁同我講嘢......」
我把說過不停的王達尼強行拉走,且轉眼間就找到間賣烤鼠的店舖。
「哇,真係好香......好耐無食過肉......」王達尼把燻鼠的腿骨都啜乾淨,美味得食指大動:「喂M,我叫多隻啦喎,你要唔要多一份燻鼠肉?」
「咳,我唔洗。」跟王達尼這個人交朋友,要小心一點。
上一秒跟老鼠朋友們出生入死,下一秒腿肉真香。
這賣鼠的店家,在炮崗嶺的美食大廈。
之所以叫美食大廈,因為很多藍領和苦力的早午晚三餐,都是在這兒解決。他們大多是賣廉價的食物,例如炸蟲串、生木薯、稀水粥。
至於鼠肉已經算是比較罕貴的美食,因為牠是重要的蛋白質來源。
單是一隻叫價,都要上千籽左右。但不得不說,廚子把鼠肉弄得有一手,可能是即叫即烤的關係吧,肉汁口感特別香溢和飽滿。
「老闆,今次試下烤老鼠!」王達尼擦擦雙掌,舔舔嘴角:「俾隻肥美啲嘅我......」
「要唔要試埋燉鼠湯啊!?」老闆推薦。
「下次啊,我同朋友一陣仲有嘢做。」
墨說
2020-05-29 19:55:46
待王達尼多吃一隻烤鼠後,我們就把外賣燻田鼠帶到鑄劍師傅手中。燻鼠以紙袋包住,尚存些少熱感。
「你朋友食到成嘴都係油喎。」鑄劍師傅笑言。
「......」王達尼用衣袖抹抹嘴邊。
「鑄劍師傅,可以未?」我問。
「Ok啦。」鑄劍師傅脫下衣服,露出一身古銅色的肌膚:「跟我嚟。」
「話說師傅,你叫咩名?」跟在後面的王達尼,問。
「名?呵呵,我哋呢行除非嗰個人嘅工藝極為出色、名氣極高,可以擁有俾人叫出口嘅名字,否則都係統稱我哋工作嘅稱呼就可以......繼續叫我鑄劍師傅吧。」他答。
「即係你未有一件完美嘅作品?」
「再完美嘅作品,都需要一個完美嘅使用者去駕馭先出到名。」
鑄劍師傅把我們帶到去第三橦大廈,那裡的每個單位上下天花地板,都被打出了一個四米乘四米的方型大洞貫穿整橦樓層,要是踏錯一腳便會摔得粉身碎骨。
而鑄劍師傅,就把我帶入其中一個單位。
「哇,做咩要咁搞法?」王達尼小心翼翼地,伸頭俯望那洞深。
「小心呀!」鑄劍師傅一手把他拉回來。
不出三秒,一把巨劍忽然從天而降!直插落到下面其中一層才停住。
「咩、咩事?」王達尼呆住。
「呢個洞係用嚟做劍,最頂層會將武器柄部綁好,然後再放落呢個「造劍洞」,等佢可以快速交俾下一層進行打造嘅工序,啲鐵一旦你遲咗打、遲咗燒、打磨、遲咗澆水、遲咗加工,都會大大影響品質。」
「好厲害咁。」第一次見識到的王達尼,嘖嘖稱奇。
鑄劍師傅把最後那一口鼠頭,都吃掉了:「真係香脆......大劍呢,倉庫就仲有一把,不過咁耐無拎出嚟應該頓咗少少,我叫人幫你搞搞佢。」
接著,鑄劍師傅就開始叫人從倉庫將一把大劍拿出,然後在最高的頂層用鐵鏈勾綁住劍柄,再將大劍下降到一層又一層,給師傅們慢慢加工。
這裡一共二十四層,就是說造一把劍需要經過二十四層的磨鍊。
徒中一個步驟失誤,都可毀了整把武器。
「咁做賺到錢咩?一把一把咁整。」王達尼又對於他人的效益感到疑惑。
「我哋承包好多軍隊同病獵嘅武器出產,當然做得起,全炮崗嶺最多生意應該就係我哋「鑄劍閣」!」鑄劍師傅拍拍胸膛。
韓信
2020-05-29 20:03:23
捉老鼠支線任務
witcher 3
絕影
2020-05-29 20:11:31
唔夠喉,好少
黑粉熊
2020-05-29 20:37:12
墨巴ig好on9
鹽西
2020-05-29 20:42:14
唔夠喉 好少
屯門比卡超
2020-05-29 20:44:32
墨B真係好得意
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞