【病獵大師】《病港ＩＩ》（４）

點解白鯨同OP有關係

海洋公園隻病腦點咗佢去西面估係鴨脷洲or數碼港

衝啊

黎明

Lm

up

Lm

你對孖仔幾時做主角

雖說ＤＲ．Ｄ一動不動，但薛墊仁沒因而放鬆警惕，那裝作漫不經心的眼睛，仍然不時往ＤＲ．Ｄ身上盯。

「白羅剎，真係你殺？」差不多靠近碼頭，薛墊仁問了這一句。

「唔算係殺，你可以理解為......封印。」

我答。

「你應該喺到暗暗自喜緊？用唔盡嘅獎金、無時無刻都俾人注視嘅名氣，就喺你上返陸地嗰刻，就會即刻擁有。」薛墊仁很不爽的樣子。

「係咩。」

「咁輕描淡寫？你唔洗隱藏自己內心嘅呢一面喎，嘿！」薛墊仁咧嘴一笑。

「如果你需要嘅，狩獵白羅剎嘅功績就歸你，你只要送佢去協會就得。」我給他提出一個優惠的方案。

「噫...你講咩話......」

「你需要嘅虛名嘅，就即管攞去。」

不過能否承受這份虛名份量，就看閣下了。

如果他有面目跟眾人說，白羅剎是自己殺死的話。

名不對等的人，把別人的成果搶去，都不過是為自己增添重擔。

薛墊仁似乎想通了這一點，開頭還真的流露出那貪婪的神情，但隨後可能越想越覺不妥，最終回絕了我的好意。

「唔需要你施捨，我會自己爭取～」

「嗚──」船貼近碼頭後，病鯨悄然地潛水離去。

我們試著用巨鉤把ＤＲ．Ｄ放手推車上，並用布塊等將他掩蓋住。

薛墊仁是第一個下船的，身份已揭穿的他沒有繼續逗留的意義，雙手插住兩褲小袋就默默離去。

「籽都唔要，真係巴閉。」王達尼雙手插腰，搖搖頭道。

「佢賣咗張證件，已經夠喺夕鯨國生活一世。」我說。

正所謂錢財不可露眼，我們付了點籽叫梁氏兄弟去買些布料回來，好讓我們好好包裹住ＤＲ．Ｄ的金身，才運出中環碼頭區。

王達尼和我坐在船邊，遠眺大海：「整枝？」他拿出包煙。

「唔洗。」

「呼～」王達尼吸了一口，馬上精神抖擻：「醒神......呢啲口味喺艾寶琳係做唔到。」

「薄荷？幾籽。」我瞅一眼他的煙盒。

「係～好似成十四萬籽，一枝一萬籽左右。」王達尼含住煙，不呼也不吸：「呢到供貨需求都算好，唔似得艾寶琳、大本營呢啲地方，永遠都係長期缺乏住物資。」

「嗯，至少我哋喺時代廣場嗰次，食到成年都無食過嘅肉先。」我說。

「哇......你真唔好再提......」王達尼極之苦惱，眉目緊鎖：「唔食都好啲，一食完之後我啲食肉本能即刻發哂作，發誓賺到錢之後要瘋狂叫！」

在將軍澳區，肉品一般只有兩個途徑獲得：

一，你是艾寶琳的皇室成員。（入王宮偷肉？死路一條）

二，透過獵戶，高價購買他們在外面打獵到的飛禽走獸。（肉身未經安全檢查，有細菌病毒的可能性）

其實還有三，這一點亦是最簡單、最直接可以嚐到一口肉的途徑。

猜到是什麼嗎？聰明的你們，猜得到吧。

梁氏兄弟買好布料已是三十分鐘之後的事，有員工的好處就是不用勞煩自己處理雜碎事務。他們照王達尼說的，買了最便宜的粗布，試圖掩飾內裡蘊含價值連城的「白羅剎」。

用粗布替ＤＲ．Ｄ打扮好，我們就合力推著車子，打算把ＤＲ．Ｄ運往病獵協會，沒想到行出碼頭不到幾步，已經一堆來勢洶洶的人，齊整地行向我們。

他們有的人帶刀、有的人帶弓、有的人帶劍，護甲和裝備都十分精良，人群中行最後的是早應該走遠的薛墊仁。

「點解你......」王達尼眼睛都定在他身上。

不是真的來搶「白羅剎」吧？

「諗住四丁友仔運「白羅剎」過去協會？嘿嘿，知唔知好危險，跟我行吧。」薛墊仁沒眼地轉身，為我們開路：「呢到所有人都係一般病獵嚟。」

這裡為數十五人左右，他們各站在我們八個方位上，以我們作為圓心持續移動，一直去到病獵協會。

「咩事啊？我係咪錯失咗啲咩？」梁文俊抓抓頭，一頭霧水。

「老闆，點解身邊咁多人護住我哋行？」梁文豪則懂得發問。

「你當佢哋係保鑣就得。」我答。

沿途上，路人紛紛投以好奇的目光，往我們這裡望過來。

這就是在光明底下工作的辛酸。

「哼，真係夠哂隆重。」王達尼環顧周圍。

不知是病氣氣場太強，還是身份太過受人側目，大街上的路人都很自動為我們讓出一條路通過。

由於這時代太多人閒著，他們有些更跟著大隊伍的後面，想一看究竟。

「Ｍ，你真係放心交ＤＲ．Ｄ俾病獵協會研究？」差不多到達前，王達尼又問一次。

「總好過，放佢喺大海入面浮沉。」

「你預計之後會發生咩事？」

「大概，又會有報紙採訪。」我說。

「哇，咁你......」王達尼算一算手指，說：「嚟咗呢個倖存區之後，都叫做咗成三件功績。」

第一件功績，入勞隸營

第二件功績，對付病獸

第三件功績，捕捉到ＤＲ．Ｄ。

「嗯。」

「真係今時唔同往日～哈。」王達尼在地面上定睛，泛出淡然的微笑憶述：「記唔記得，我哋當時喺大本營掙扎求存嘅日子？」

「記得，永遠唔會忘記。」

記得我以前第一次入去大本營，就是偷他們的食物。

「大家成長咗啊。」王達尼雙手托住後腦勺。

「唯一不變嘅，就真係你。」我說。

「還好啦～貪心嘅人係好難改變。」

「各位，已經到。」病獵護送隊，皆停了下來。

巍然聳立的病獵協會，就在大家面前。

「所有人，合力托佢上嚟。」薛墊仁率先行上樓梯，指使一旁的病獵做事。

「喂，好重嫁喎。」梁文俊提醒他們。

病獵們沒有回應，只是用力量去說明一切。

數個人都無法搬起的ＤＲ．Ｄ，八名病獵就托得起。看他們那臂肌結實地外露，就可以知道他們是受過多嚴格的力量訓練。

「細路，你唔好當病獵係食素先得。」薛墊仁繼續指使他們運送ＤＲ．Ｄ入去，並向我喊了聲：「入嚟喇主角～無咗你點成事，其餘閒人就免啦。」

「梁梁、王達尼，你喺到到等下或者做自己嘢先。」入去前，我交代。

「我帶佢兩兄弟食啲嘢先，你慢慢。」王達尼兩手搭膊，把他們帶走。

「我請客，每人十籽啊。」

「吓！？」

「十、十籽？食得啲又瘦又細嘅地瓜......」

一進入病獵協會，暫時就可以鬆一口氣。

病獵把ＤＲ．Ｄ放到大堂中央處，而帶隊薛墊仁則向櫃檯職員通報什麼，對方即時用電話通知大樓內的某些人物。不久，來了更多的專家人物，別說我為什麼知道，因為他們就是長著一副天生研究者的樣子。

到此，ＤＲ．Ｄ又轉交由其他資深病獵運送，其中包括我認識的瑪昆。

「你係......Ｍ？」瑪昆第一次見我紮辮的樣子，沒太看得清。

「嗯。」他一如既往，揹住複合弓。

「阿墊仁師傅話你運送咗啲最高級機密嚟協會，咩嚟？」瑪昆瞧向那被布塊蓋住的ＤＲ．Ｄ。

「自己掀開睇睇？」我說。

於是，瑪昆就走去輕輕掀開一點粗布，待他看到裡頭之物時，好奇的神情一轉驚愕：「佢係......白羅剎！？」

我點頭：「呢個就係你哋要嘅證明。」

之後，他們又利用升降機，將ＤＲ．Ｄ秘密送到九樓之上。

一個全密封、略為昏暗、極為冰的一層。

從這裡工作的人看來，應該是協會內的研究室之類。

再往入走深一點，開始有為數不少的強化玻璃室，它們作用跟囚室無異，關放住很多奇形奇相的病者。

其中，有隻被割開了肚皮躺在驗屍房的床上，但他的外貌竟跟人類毫無分別，完全不像一隻病者。

瑪昆見我如此留意，便向我說明：「嗰隻係詭人，係我伏咗成個月先捉到。」

「就係外表同人類無分別嗰隻病者？」我說。

「係，好難追蹤到。」

行到樓層的最入之處，有一間寬闊的強化玻璃室，這裡將會是ＤＲ．Ｄ的安眠之地。單單是門，就有三重保障，如有人員需要進入需要輸入密碼、指紋認證、最後左一端及右一端各有一個刷卡機，如欲打開最後大門，必須要有兩名「大病獵」或以上職級的人士同步刷卡。

玻璃囚室外站著不少研究人員，他們對於ＤＲ．Ｄ議論紛紛。

「測試佢有冇生命跡象先。」勞隸營事件遇過的李歪，也是研究團之一。

在玻璃室內的李歪，將聽筒放在ＤＲ．Ｄ的胸口上。

怦...

怦怦！

「有生命反應。」李歪有些恍惚，他用針棒輕輕掃住ＤＲ．Ｄ皮膚堅硬外層：「心臟仲跳緊，佢應該有意識，不過行動受到限制。」

live

零解大師

做咩

眠爆天敵

插死病獸

大家快D去買6！白鯨番外填坑

加速！！！貨金撚表示唔夠喉

More

硬係覺得帶Dr D入去會好大獲

可能本身就係Dr D既目的

Dr D點先會解封
唔通要劏開佢做實驗

點樣變咗金屬都仲可以有心跳