西樓月如鈎
2020-05-23 19:17:05
「政府喺一直呢度都做唔同嘅實驗,為咗令人唔敢嚟,就用唔同鬼故、傳說去掩飾呢度,呢度嘅殭屍有入無出,你見到嘅監牢都係咁。」他說。
「到底最後嘅研究方向係咩?」她問。
「姑娘成日一針見血,我好難慢慢講,好,呢度做咁多年實驗,就係要研究點可以將人喺短時間、大規模咁變成殭屍。」他說。
「大規模?」我問。
「呢樣都係拜你哋工會所賜,殭屍以咬嘅方式去傳播,速度慢,好快會俾驅魔一族滅絕,所以點可以避開呢樣,得到量嘅提升,一直都係我哋嘅研究方向,可以話係俾你哋逼。我哋除咗捉精神病人,仲會喺殮房死屍、知道內情嘅人嚟,然後研究。」
「咁即係⋯⋯」我說。
「即係你識嗰個男人,應該帶嚟呢度研究。」
上司知道內情?什麼內情,難道是⋯⋯之前失屍事情,因為這件事只有我跟他了解。
「不過有時都會失控,所以不時會用大火去清除一切,轉移去其他地方。」
「到底做呢件事嘅係邊個?」
「呢個我唔會答妳。」
「而家大火完,即係⋯⋯」
「研究完。」
該了解的都已經了解完。
「多謝你嘅嘢,解脫係無問題。」南門蔚說。
「解脫?我諗你真係搞錯,我唔係被困喺度,你知唔知咁大監獄,無監管人係點得?鎖只係我廢事自己太殺戮會出事,但見到我係無可能唔會唔見血。曾經一夜間我殺咗一百個人。」他說。
「咩話?」
「我可以畀你哋10秒時間走,但今次一定會有一個人死。」
他黃色的雙眼變得更黃,「啪」左手輕易掙脫鎖扣。
「9⋯⋯」