背景:
DSE 第一屆老鼠仔
Bachelor UST Apply Math Grad 2up
Master POLY Actuarial Science Grad Dist
計埋今年已經考左6次DSE(Core連M)...並唔係事事都咁順利好似會考巴咁永遠5**,總係事與願違...
2012 - Core 5* M1 5*
2016 - Core 5* M1 5**
2017 - Core 5* M2 3
2018 - Core 5** M1 5
2019 - Core 5** M2 5**
2020 - Core + M1
至於點解要考咁多次？因為都係工作需要+對自己有要求/執著...當時覺得總係欠左自己個交代... 所以每次失敗左之後無疑係唔開心,但都會堅持再黎過,甚至身為數學major既碩士畢業生M2攞左個3,但係都唔會介意講出黎,因為每件事都有失敗既主因...只好接受同檢討, 不過人老了~考埋今年就唔考喇...只係希望可以Core+M1 4粒星完成心願,就算得唔得都唔再考
如果唔介意想問下我數學/cutoff野都可以隨便pm
https://t.me/elatsy
敗因:
讀大學數學對於做中學數係唔會有任何特別幫助, 因為數學有好多個範疇, 冇接觸過果類既野就係唔會識, 理得你數學major爆4, M2野冇掂過就係0, 但可以肯定既就係M2有付出既就一定可以得到理想既grade,因為卷難,容錯率係高~至於Core點解失敗咁多次？係因為當年讀緊U要煩sem既野冇操過卷,根本係做唔哂+生疏,所以無論係dse仔仔或者retaker就算覺得自己有幾熟&幾有信心,就算覺得自己一定5**都好,前兩日一定要做返2,3份卷熱個身先好入場,費事令自己後悔...M1呢個問題就更加嚴重,因為92分已經可以冇1粒星,基本上以為M1太簡單而冇熱個身先入去考都有機會係一個好錯既決定...有次半年冇掂過數成題做唔哂得5...所以任何時刻都千期唔好輕敵~每次都認真對待,失敗既機會就大減
心得:
本身中學果時我係讀M2既,點知就好抗拒M2,唔理唔操得果廿幾三十分,drop左走去自修M1,由於M1簡單好多,所以中五埋門升中六先決定捨難取易走呢條路,同埋有部分大學好睇重M,而且會乘大,如果大家M2讀唔掂/覺得難,趁時候尚早轉M1(如果學校比你調班教你更好)都係一個唔錯既決定,因為M1既所有做法變法不大都係背做法為多,理解較少,年年都一式一樣,所以中意背野而又小心既你選M1會係最好不為過~至於M2當然數學有底又對代數好有興趣就唔怕揀(利申M2我本身真係冇乜興趣),而我19年對付M2既做法係自學既時候做哂書每課REV EX LV2一次先(最好既數學教科書一定係Pearson), 跟住買左3個出版野mock去做(分別係jointus, 教圖同埋樂思), 雖然大部分都係同PP問法有D似,但有jointus部份題目真係別出心栽,例如呢本野有一份卷條MI同2019條玩野MI真係好類似~所以操出版社MOCK都係一個唔錯選擇, 由頭到尾用左4個月,呢個自學法我覺得係最effective既
臨場:
早訓早起...我就恆常每日訓12-9...因為就算前一晚會緊張訓唔到到幾多,影響都一定唔會太大,入場前一定要先去廁所,心理同生理都好比自己一個舒緩既機會, 而且唔需要跟大隊入場, 最後先入去, 可以比自己感覺輕鬆少少~錶我就唔建議帶,因為禮堂入面一定可以清楚得到淨底幾多時間, 如果自己帶錶變相係會成日睇, 時控心理壓力係會大左, 當做到SECTION B見到難題既時候好容易因為覺我時間已經唔多而冷靜唔到落黎諗變相應該諗到既野都諗唔到...所以我唔建議帶錶上陣, 至於做M1既時候,往往LQ最後一條differentiation一定係一大舊垃圾要你D,所以強烈建議大家考之前一晚親身自己D一次16年,18年果兩舊大垃圾野先確保自己快而準先好訓一教第2日保持頭腦清晰!!咁就不容有失喇~因為D錯左/唔夠時間D呢舊野分分鐘又冇一個GRADE~而且大家都可以sub數代入第1個step同最後1個step一次確保自己冇約錯數...至於M2,大概係記得要小心check下有冇任何答案要rej~~例如題目有講某條function k>0...大約係咁啦,programme我就覺得唔set都得, 做trap rule直接check 1次就可以,禁機快就唔驚~做prob既話有時間當然double check case,如有多個方法去check就更放心, 最後無論m1/m2都好... 長題目做每一part記住細心諗下前面做左既答案有冇用, eg做(b)留意志(a), 做(c)留意(ab), 大約要講既係咁多
Cutoff:
考完core之後我覺得今次mc比19難,lq比19易好多,所以我覺得5**(91%), 5*(85%), 5(77%), 4(62%), 3(50%), 2(38%), 如果有興趣睇返之前既每年cutoff可以去小卒參考~或者對cutoff有咩疑問都可以搵我
http://lsforum.net/board/viewthread.php?tid=288750
最後祝第一次考既就1take5**,重考既更加要5**~多謝大家浪費左保貴既幾分鐘睇完
