畫面轉到另一房間,308號房。
「嘉柔,對唔住。」李曉婷正誠懇地跟嘉柔道歉。
「我唔會再信你。」嘉柔無情的說。
「點解,你點先肯原諒我。」
「你一次又一次咁呃我,我仲可以點原諒你。」
「每當我以為你真係誠心悔改,唔會再欺凌千雪或者其他同學,偏偏你又做返之前既你。」嘉柔接著說。
「今次我真係唔會…我知,我知你未必會再信我,但係我會俾你知道我會改。」這些話,對於嘉柔來說,就好像一些經常出軌的男生,許下承諾自己不會再犯一樣。
「算啦,夠鐘啦,我地落去啦。」嘉柔冷淡的說。
「好,各位同學今次都好好,好準時,希望成個旅程大家都可以keep住。」
上旅遊巴後,我們便往第一個行程出發。
「各位同學大家好,我係今次你地既導遊,Charles。」Charles展露出怪異的笑容,真是奇怪。
「咁我地第一個行程就係去TEPIA先端技術館,咁呢個地方係…」導遊繼續講解,而同學們卻存活在自己世界,無人理會導遊。