台灣沒有天燈放
2020-04-02 21:24:14
翌日到學校門口時,同學們都好像特別投契,都在議論紛紛,好像在討論些什麼城中話題,而我卻懵然不知。
我在遠處看見嘉柔,便加快腳步過去。
「喂,林嘉柔。」我拍拍她的膊頭。
「墨子?啱啦,你今朝有無睇啊,有個同學既locker俾人放左張咁既相啊,你睇下。」嘉柔打開電話,無意中看見她的電話Wallpaper是周杰倫。
當我看見電話裡的相片時,我知道,我是時候找梁Sir了。
「我趕著去上堂,遲啲再傾。」我隨即便走到教員室。
「你點解要咁做。」我把梁Sir請出教員室,走到走廊盡頭。
「你唔聽我講,我咪自己搵辦法囉,同埋,呢件事本身就唔啱規矩,你遲早都要受到懲罰架啦。」梁Sir輕佻地說。
「一人讓一步,六個名額。」
「十個。」梁Sir討價還價。
「八個。」
「好,八個就八個。」怎麼梁Sir現在又願意讓步。
「你同我小心啲,今日我公開既係背面,下次既,你無咁好彩架啦。」
我嘆了一口氣,看著梁Sir離去。