d相6-7年前架喇、仲有一隻係草龜、唔係好搵到相
呀龜(巴西龜)唔知點解好神奇係商場出現、個商場都冇龜池…
初初執番黎個幾日唔食龜糧好大牌、淨食蝦仁、
之後加多兩個同伴同佢爭食佢又肯食龜糧、
最後變到只要見到個龜糧蓋就識狗衝黎
平時地下乾樣佢都唔會四圍痾屎、放水食野就識痾。
乾養係因為佢唔肯住屋(箱)入面、呀妹買左個3格箱、
打算一隻龜一間屋咁、等佢地有自己空間、
另外個兩隻係入面都冇乜野、係呀龜唔肯住、成日自己爬出黎、
佢爬出黎又跌落地、驚佢成日跌、跌到內傷、所以就放佢係地下、
由佢自己周圍走、不過冇乜野佢自己就匿係櫃底、間唔時巡下場、
早晚食野就識走出黎、眼金金咁望住妳、等妳放水餵佢。
用手餵個陣佢都好叻唔會咬到手指。
不過佢好揀食、同埋好女王、但係好有性。
隻花龜(買個時個牌寫乜中華花龜)仲搞笑、佢應該有潔癖。
如果佢痾左屎係佢間屋個地下度佢就會係舊石上面唔郁…
但如果係痾左係石上面…佢就死都唔上舊石…
同埋佢行路係個底殼完全唔掂地、不過佢唔太喜歡水、
水深d佢會好驚…只有食野先落水、佢都肯食小小生果。
草龜就隨性d、有d蠢蠢地、最唔揀食(但唔代表食菜
)。