入黎放低你隻龜 2

就死咁

好似好辛苦咁祝佢快d好返

之前話試用水苔保濕，終於試咗，喺花墟買咗包水苔$18，返到去放入去湯渣包到浸濕再揸返乾少少就放入缸

試咗差唔多一星期，佢已經長期喺呢個山窿入面瞓，冇去到另一個到瞓，未放之前佢兩個都會去瞓的，暫時感覺良好，我自己就兩日再重浸一次，拎去再浸嘅時候仲feel到包水苔濕濕地，我自己估應該頂到3日先重浸，同埋可能我有keep住噴濕嘅關係，希望真係幫佢保到濕

ps個山窿同水苔之間係有窿的，所以啲濕氣應該會過到入個山窿入面，濕度計都keep到喺7x%

好pro，隻龜好幸福

用加濕山洞會唔會好d冇咁麻煩，？我依家用緊佢長期喺山洞入邊唔出嚟，開uvb都冇用

你講先知原來有啲咁嘅嘢
用完包水苔考慮下先

新手 啱啱養咗佢冇耐底甲得3cm 唔知佢隻手仔係咪生野點解會咁 每日都有換水 求解答

係咪甩咗隻指甲？

如果係嘅
要考慮腐皮
換水要用隔夜水
買betadine , 每日揸係啲其他皮上面，乾養1粒鐘
其他時間要俾佢返水，龜苗唔可以長時間乾養，有機會腎虧
記住俾岸佢上
最好曬太陽，唔得嘅都要照uvb 燈

我見啲加濕洞都係守宮size 想問下邊到有賣for 佢地嘅？

你地玻璃缸係邊到訂多?

買返黎冇為意左手冇左第三隻指甲 右手冇左第二隻 唔知會有乜影響… 唔該晒

養陸龜想問下一日要浸幾多次同幾耐水？如果返工有時要ot 打理晒唔晒時間？thanks

諗住養咩龜？
我自己就養紅腿，朝早返工前餵糧，收工返黎浸水，基本上15分鐘多d就會痾完屎，之後俾少少桑葉或其他菜葉佢食
基本上每日都係咁上下，我覺得唔晒時間

未諗到 入門陸龜好似有駕曼 4趾 聽落好似都handle到

呢兩隻都適合新手，建議去aog買，果度種類都多，而且都好多意見同知識俾到你

除咗你講嗰兩款仲有櫻桃紅腿都啱新手，一嚟佢唔使排酸，二嚟因為紅腿雜食性，飲食方面就冇咁多顧慮，基本上屋企食咩菜佢嗰日就食咩菜除咗高草酸嘅例如菠菜咁就唔好了，不過都係上網爬多少少文再揀啱你心水嘅最重要
利申 養咗一個月紅腿嘅新手

我想問下係咪每日15分鐘比佢排酸浸暖水就ok?
櫻桃紅腿唔洗排酸但 賀曼 四趾都要?

自己好中意盾擘龜 係咪好難養

幼龜嘅最好每日有15-30分鐘暖水浸，啲水凍就換水，呢個動作除咗排酸，仲有畀佢哋飲水痾屎尿同埋幫助消化，佢哋需要外界熱力去幫助消化的，建議浸完水先好餵，我諗佢哋唔會想食飽就去沖涼

櫻桃我見人講過話佢痾尿嘅時候其實已經排咗，所以係唔會見到好似其他龜咁痾啲白色嘅酸出嚟

未必隻隻15分鐘得，我隻櫻桃5號買，一返黎5日冇痾，第6日水暖d深d浸耐d先痾到，到而家日日都有得痾，d屎仲幾靚，浸水最緊要係水溫同唔好太深，唔好係有冷氣地方浸，浸完要抹乾

賀曼同四趾好似都有需要排酸，同埋要考慮俾唔俾佢地冬眠，而紅腿就冇需要冬眠，紅腿既話當豬咁養就得

首先要有好大地方佢成體最少去到30cm up

有無你隻櫻桃相睇

你有冇足夠地方養？

你隻有冇浸電解水同有冇俾鈣粉佢食？