諗緊個大project，想令到d所謂KOL收皮

屌見過有條女買follower扮KOL啦 之後又真係有人sponsor 佢

KOL有幾種：

1. 收大牌子既廣告費

2. 不地包裝自己好靚好潮好型果d，整（自家？）牌子然後賣

對付第一種：
講到明唔買果隻牌子

對付第二種
呢班人有幾何自家製？淘寶完轉手賣貴d瘋狂賺錢

又或者

根據KOL來封殺

總之某件KOL所推既產品

我一定唔買

我本身都好憎某部分KOL,原以為會有好多人認同但點知竟然有好多人放錯左重點落“應唔應該有廣告”度

我覺得廣告本身並冇錯，睇免費電視會有廣告，睇youtube會有廣告，免費app都有廣告，而見到呢啲廣告我並唔會覺得討厭，因為我喺冇畀錢嘅情況下使用或者享用左人地花心機花心血努力出來嘅成果，就好似有啲人講網絡作家或者youtuber一樣，佢地好畀心機寫左好多好文章或者拍左好多好好睇嘅片，我去睇嘅時候都同樣係免費享受緊，所以我唔介意佢地有廣告，反而見到中意嘅youtuber有廣告會開心，因為佢地有錢賺咁我先繼續有片睇

但係，反觀某部分所謂KOL到底做左啲咩令佢地值得收贊助?因為佢地樣靚?定係個波夠大?就因為佢地嘅外表多幾千人follow就值得贊助?我記得ig應該可以買follower架wor,仲有個啲係又follow唔係又follow嘅ig shop呢？定原來佢地係靠喺ig分享日常生活照或偽文青照維生?甚至見過有啲KOL收完產品影相，係執相執到連牌子名都見唔到

可能又有人會話“唔鍾意咪唔好睇囉，又冇人叫你follow佢地”，係，的確我冇follow佢地但佢地真係無處不在，ig explore成日都會見到，平時我都盡量skip左佢唔睇，揀自己想睇嘅黎睇

然後可能又有人問“咁咪冇問題囉你嘈咩呢” ，唔係冇問題呀，個問題係佢影響左我作為消費者嘅心情呀，當你見到自己用真金白銀買嘅手錶成個ig都係，我真係覺得我當初唔應該買，做到成個feel好cheap，消費者冇意欲再去幫襯

我唔相信得我一個係咁覺得，我亦唔認為啲pr希望收到嘅廣告效果係咁，想講出來係因為有啲牌子真係覺得幾好，但班KOL真係令人買唔落手

典型香港西客思想，俾個like就要謝主隆恩，一賣廣告就此page已死

但係ig啲kol根本都唔係賣創作