LIHKG 箍牙集中討論區 19

問屋企人借，專科預最少$45k
我個個一次過現金俾就有得便返少少

我分期 handle到

想盡量平

岑睇落比較便，但好似唔易book到，可以一試

首期比到幾多？

唔可以全部分期？

我好似有tg問你

通常第一筆要俾多啲先，我睇b&j就$20k,之後每個月就一千頭咁

當買樓咁樣 正常黎講一係full pay 一係先比一定既百分比黎做首期 然後再分期 保障番雙方

如果真係負擔唔到我建議你先唔好考慮箍住
依家箍牙講緊3萬蚊起（普通科） 仲要睇醫生同你啲牙本身既問題佢先開到價俾你 如果情況嚴重要剝 上釘又要另外加錢

既然budget有限不如等負擔到先到 牙係跟一世 唔想你因為一時貪平搵左個冇醫德既醫生然後上黎救求問點算 香港好難搵牙醫接手第二個牙醫既箍牙case同埋到時用既錢一定比依家多

我箍之前800蚊consult做過 唔洗錢既都做過 單consult都用左成千幾蚊先做決定搵邊個醫生
想慳錢就搵地方照左牙xray先再拎份xray去做consult 咁樣既consult會係最值錢既

好多時你定左係邊間牙醫到做你問佢分期第一期有冇平啲 多數都會肯同你傾 我自己個醫生本身第一期要落一萬 我有問佢5000得唔得佢都OK

多謝你啊 好有心
我如果5萬左右 分期 應該都負擔到
但分期通常係隔幾耐
照牙x ray 唔係consult 會做埋？
要另外出面照咗先？

箍左傳統鐵箍10日左右，冇痛，冇酸軟，只係覺得個口有一大堆野，又唔見牙有郁。但見d人又話痛得好緊要，想問我係咪唔正常？好想快d下次覆診問牙醫

我同你一樣都係中線都係爭少少(less then 1mm), 過程冇用過elastic, 醫生話成人中線好難完全對齊, 就算我帶幾個月elastic, 都未必有效果, 佢話我咬合矯正返就ok, 整體雖然唔係完美,但係相當滿意, 我覺得你最緊要係處理番牙骹痛, 你係咪專科幫你做？ 咬合不良都有機會會牙骹痛

箍牙係搵專科做的 牙骹痛係之前洗牙順便見牙醫嗰陣同佢提過 佢話唔嚴重淨係叫我唔好用咁多痛嗰邊(右)咬硬嘢 但我發現用左邊咬右邊會仲痛 明明右邊上下排牙掂都冇掂到

咁我諗你聽上面巴打講去睇口腔頜面外科比較好， 要注意返， 呢科只有少數嘅醫生會睇牙骹問題， book嗰陣時記得問清楚

胡醫生首期2萬，陶瓷5000
當時姑娘話無得平 ，我都無問醫生
之後每個月1000 （我諗你要同醫生傾個plan

如有骨釘 就上釘果次一次過比釘既錢

Xray 通常診所有得照
出面照左再拎去診所都得
但規定：正面加側面 同半年內影既（你要問返診所

有無巴絲係 Dr Baram 到cool緊？

我以前睇過牙較問題（無搵專科）
果陣整左個好似retainer 既野戴
等我合唔到排牙
放鬆返牙較

醫生叫我整完牙較先箍牙

分期分幾耐睇你成個療程要做幾耐
我自己就二千一次 如果你時間長就一千/千五都得 其實主要俾左首期中間點俾都得 拆之前清左條尾數 應該大部份牙醫都係咁

consult好多時牙醫只會幫你睇牙既表面去俾粗略意見例如箍幾耐洗唔洗剝牙 如果有埋xray會更清楚睇哂牙既問題 例如有啲人牙腳短未必適合箍/有智慧齒將來生出黎時會唔會頂到啲牙 有xray去做consult一定係最清楚

有啲牙醫你去consult時會叫你俾錢照xray 有啲係你決定左係佢到做先俾xray中心地址你去照 好似你上面話consult貴既胡醫生 你有興趣搵佢就第一次去左佢果到睇 拎完意見同張片 再帶張片去搵其他醫生做consult

可以係到爬下文睇下有咩醫生介紹再google下睇下口啤如何然後打去問下
我之前係搵幾間岩心水既牙醫打去問 會順手問埋價錢 佢通常都會俾到個約數你 你覺得負擔到先book時間去consult

以我經驗,consult要分幾次, 第一次睇咗你之後, 會安排cephalometric x ray, 影相同埋做牙模, 做曬之後,醫生就會畫線、計數， 然後就會安排你覆診，話你聽你嘅treatment plan 同收費

我之前就係consult 決定搵佢就約時間補影唔清既xray 印模 上箍 俾錢約時間

我睇咗兩個都係做曬嗰啲嘢之後先決定， 做上面講嗰啲嘢都要幾千蚊

照x ray係咪普通牙診 都做足 再拎去比專科consult?
我諗緊岑定胡

直接睇專科,醫生會安排

師兄邊間做？