今日下晝做左smile
可唔可以講下smile流程 望住醫生攪隻眼辛唔辛苦
小三開始戴眼鏡 中二開始戴con
戴左十四五年眼鏡 con都戴左十年
中學個陣已經想做激光 始終女仔貪靚
同埋戴眼鏡真係唔方便
最後都係的起心肝做左
聽講座可以減1000蚊 同埋都想聽由醫生講出黎係點所以都係去左聽
講座主要講lasik同smile既分別 聽之前我係想揀smile 聽完更加肯定我係要揀smile
傷口細啲 呢個係我主要既concern
我係驗眼同手術同一日(七月十五)
(分開兩日可以減多1000蚊 但我唔想走多轉😂)
1215準時驗眼 係姑娘驗既 部機係平時係眼鏡舖個隻見到熱汽球個隻機
同埋會吹風入眼 測試個角膜既強度
然後就係視光師驗
第一部機係一部會轉既機 望實中間藍色長方形
第二部機係望紅色發光標巴
呢兩部機係check角膜厚度 有冇病變呀 弧度個啲
然後就戴住副配眼鏡會戴既眼鏡再驗(插鏡片落去個隻)
讀熒光幕既數字 紅色綠色邊邊清啲 黑點邊邊清啲
測埋主力眼
再跟住係測有冇眼乾(300以上就唔做得)
測晒就滴放瞳孔藥水 視光師就話滴左睇近野會唔清 但我又唔覺
滴左一個鐘之後 就見醫生
醫生就拎住我檢查既數據去同我解釋
左眼 近視625 散光75
右眼 近視625 散光50
厚度各樣都正常 因為我後生 目標係做完手術會係0度
一跳就跳去5點做手術
做手術前姑娘幫我著gown 即是平時去睇牙見到牙醫著個件藍色既保護衣
笠+貼好手術帽 笠埋鞋套
食定止痛藥 滴麻醉同收紅筋藥水 同埋消毒眼皮位置
滴左麻醉之後 會覺得成個眼球漲左 上下眼皮係麻痺
呢個時候會覺得眼皮好重 撐唔大眼 過幾分鐘呢個感覺就消失左
入到手術室 係訓低做既 做左右眼先再做左眼
上面會有部機 醫生放左個金屬既儀器固定眼皮
然後叫我望住個粒綠光 時間大概23秒
望實左 部機就移左落我眼球上面(唔知有冇貼住 因為麻醉左冇感覺)
開始之後我就慢慢覺得好濛 直到部機停左移開左
醫生就用儀器係眼球到掃 跟手幫我夾返白色個層膜出黎
再沖一沖乾淨 姑娘再滴眼藥水
另一隻眼都係咁 過程其實好快 應該6分鐘內我已經可以出返去
一開始做完其實只有六七成 但我依然可以自己落返樓下搭巴士 上岩巴士
但搭巴士過程比較辛苦 可能因為麻醉藥開始退 眨眼有啲痛 同埋好眼訓
返到屋企訓左兩個半鐘頭 醒返清左好多 接近九成 我仲可以坐到最後睇電視😂
第二朝(七月十六) 起身已經睇到晒 但做完個層霧就要多至少幾日先散
下晝午睡左個零鐘 醒返層霧散左好多 但夜晚睇燈仲係散開
係咪迫鳩人做smile先咁講
