「毒遊」黎巴嫩9日遊記

喺Google Map度我見到有個叫Beiteddine Palace嘅城堡好近我地，
就同法國妹講順路不如去咗呢個先
而法國妹得知要行1.5公里表示都係唔想行嘅
佢就照慣例咁坐喺度食支煙，然後又再舉起佢嘅姆指
又再表演一次就成功捷車嘅技倆

今次呢位伯伯唔多識英文，但佢表現得都好nice,我地靠google map令佢知道我地要去邊

喺上車前是但影咗張附近嘅景

喺得到第二位貴人嘅幫助之後我地就到咗Beiteddine Palace

呢個城堡應該係我咁多日入邊去過最貴嘅景點，要10000L.L.

不過入到去係靚嘅 有少少似印度嘅Amber Fort
同埋呢個城堡都算係黎巴嫩一個出名嘅景點，都有guide會帶團嚟呢度
呢度以前係總統嘅一個夏日居所，不過內戰之後嚴重破壞
於是依家就變咗一個開比Public參觀（賺遊客錢）嘅地方




入到去都係睇吓幾間房仔嘅佈置咁，喺出邊影相係比較靚嘅

Gchi 繼續繼續

留名

行完個Palace之後繼續上返條公路度截車

今次法國妹有少少退步咗，三四架車經過之後先成功截到
位司機知道我地要去瀑布之後就直接戴咗我地去戈邊
最後帶咗我地去一間有瀑布嘅餐廳
但顯然同法國妹講嘅瀑布係唔同嘅

戈時是但影，間餐廳仲養咗兩隻鵝咗，事後先發覺影嘅時候手震咗

喺餐廳入邊有個上咗年紀嘅經理識講英文（其他全部都唔多識）
就話戈個瀑布應該係喺另一邊，叫做Paradise Waterfall,要行15分鐘左右
咁我地就話一間我地會返嚟食嘢再行過去啦

沿路行咗十幾分鐘，聽到啲水聲咁

行到去門口之後，門口伯伯話呢度過咗5點鐘已經關咗
法國妹呢個時候又發功喇
佢動之以情咁話自己最尾一日喺黎巴嫩，搭咗好多程車先過到嚟，
好想入去入邊影相
又，伯伯真係比佢打動咗放行，叫我地快手d入去影幾張相就走人

法國妹好開心咁叫我幫佢影相，
但，我唔想叫呢個做瀑布

影完個‘瀑布’之後就行返過去間餐廳度食嘢
全日剩係食咗個早餐極肚餓
咁我地兩個人都睇啱咗個kebab就叫咗兩份啦

嚟到係一份凍肉嚟嘅

仲每人有一份面包自助形式咁
咁肚餓之下我地兩條友都照食啦，雖然唔多好味
食到一半時個識講英文嘅經理就過嚟問覺得嘢食點
法國妹直接話無諗過kebab係凍肉
經理就問駛唔駛整過份俾我地，我地見都食到一半就唔費事嚕 （同埋驚佢會額外加錢）

點知過咗一陣經理直接拎咗呢份烤肉俾我地，仲講明話免費
我同法國妹講完thank you之後即刻丟低份凍肉，狗衝呢份烤肉
味道真係差好遠

而頭先落單嘅waiter仲特登走過嚟話頭先有同我地講係凍肉
明明我地兩條友都無聽到 不過見佢應該都係想補獲就由佢

食完之後仲有一杯土耳其咖啡飲吓咁，雖然我唔多鐘意，覺得好似中藥涼茶味

呢啲經歷好正

食完之後已經入夜，要開始返去貝魯特
我原本想叫餐廳幫手call的士去最近嘅村度轉巴士嘅
但顯然法國妹唔想駛錢 佢就話我地可以行返上條公路度再hitchhiking
咁我地兩條友就開始行返上去啦 （上斜真係好辛苦，仲要係荒郊）
沿路我見法國妹截車截得咁勁就問佢係唔係之前都成日咁做
點知佢答：唔係丫，我都係嚟到呢邊先第一次咁做咋
咁我地就繼續行啦，行行吓聽到有車聲
兩條友即刻拎起部電話再開電筒照住自己隻姆指
終於成功截到架車
架車直接戴我地返去Baakline條村度，好好人咁丟低咗我地喺一個警察哨站度
仲幫我地問埋幾時有巴士返貝魯特
而個警察都好好咁搬咗兩張椅比我地坐低等，話大約半粒鐘就會有巴士經過呢度
就喺我地吹咗陣間水之後位警察就行開咗，

然後佢拎住份肉包返嚟話請我地食
食落都好好味

而法國妹一個外國女仔喺呢度係會好受歡迎嘅
隔咗幾分鐘就有一班警察圍咗喺個哨站度，大約5，6個人左右

而其中一個仲話可以車我地返貝魯特，不過佢望落都係因為想同法國妹有下文多先會咁做
佢知道咗法國好返到去就會即刻去機場之後就放棄咗車我地
而其中一個仲問法國妹拎whatsapp然後message佢
（法國妹事後都同我講佢返到法國之後個男人仲不斷咁用whatsapp message佢，
佢一個字都無覆過都可以收到幾日嘅message,佢話so funny）
再過多陣之後架巴士終於到咗，我地同佢地say goodbye之後就上咗車返貝魯特嚕

一個鐘嘅車程就返到嚟貝魯特嘅cola站，我地選擇咗慢慢行返自己嘅酒店（大約40分鐘）
而法國妹就話要買煙先，因為佢話佢知道返咗法國好難再不停食煙（佢呢一日起碼食咗一包）
佢入咗間士多度買咗兩包煙，然後嬲嬲地咁走出嚟，
佢話佢俾咗10000L.L.,比人找得2500L.L.,食咗佢500蚊
佢話佢買開知道一包只係3500L.L., 個店員間硬話加咗價
不過佢自己都見就快返去就話算

一路行返去時都見到d鋪頭仲開緊門（大約9：30PM)
而我返到hostel時就大約10點，決定買返杯starbucks飲飲先訓

巴打個行程同我咁似

好正呀 樓主好勇

呢啲咪就係自由行囉，跟團買唔到嘅體驗

Btw 有冇同法國妹影相？

我已經算係行得好hea同好隨興嘅人嚟
不過我返去波蘭戈時竟然見到同機好似有香港人都幾驚訝

又唔好咁講
我之前去冰島行山試過跟團都係另一種體驗嚟嘅
同埋可以咩都唔駛諗

剩係換咗IG咋

戈度其實依家幾安全吓
講勇猛好多人會去Syria Yemen Afghanistan我仲佩服佢地

Day 5
呢一日出咗去北邊一個叫Byblos嘅城市

起身之後去咗一間叫Lily’s嘅餐廳度食早餐

叫咗份poached eggs,終於唔係乾爭爭

見個蛋幾好食叫多咗份cake,都唔錯

食完就行咗過嚟呢個叫Charles Holus嘅車站搭車，
Connextion Bus去北邊嘅巴士就係由呢度開嘅，冷氣巴收費5000L.L.,
車上邊有wifi不過要額外俾多2000L.L.先有得用
另外個車站仲有巴士可以去敍利亞

大約十二點鐘嘅黎巴嫩都係塞車嘅，最後程車坐咗一粒鐘

又一次比人丟低喺高速公路度，
呢邊雖然都係一樣車來車往，交通都幾亂吓，但感覺過馬路都安全過印度嘅
有去過印度嚟呢邊應該係小兒科

黎巴嫩都一樣會整呢種寫晒唔同語言嘅歡迎牌

其實都係就咁喺條街識啫
戈邊有好多tour架，好似大約75€ per person
或者叫酒店幫手租車應該都得

相好靚！我上次淨係去咗5日，都諗住再去
黎巴嫩感覺真係幾安全，尤其同部分中東國家比

有冇順手派埋隻法國妹？

有冇順手嘆埋隻法國妹？

去完真係覺得對呢個國家嘅主觀印象錯得好緊要

We are just friends

繼續先


穿過條高速公路之後入到嚟Byblos第一眼見到係好多間鋪頭都無開，好似好頹咁

點知行多幾步就見到風格完全唔同晒嘅市集地方

d餐廳都設計到好夏日渡假feel咁


但嚟到呢邊感覺好似入咁赤柱大街咁

d鋪頭賣吓d手工藝品咁

之後嚟到呢個Byblos Citadel, Byblos喺黎巴嫩入邊係一個幾出名嘅旅遊城市
因為佢入咗UNESCO世界遺產，話係最古老嘅城鎮之一，大約8000年前已經有人聚居
入場費好似俾咗8000L.L., 入到去有d展覽館可以睇吓d舊石器咁不過我太懶無影到相

然後可以行上個觀景台望吓Byblos個景咁，遠處見到有沙灘都幾多人喺戈邊曬太陽

Byblos嘅市景

另一邊可以望到成個地中海，喺戈度吹吓風都幾舒服
好多人都停咗喺個觀景台度好耐

而呢棟嘢係一間museum嚟嘅，不過已經廢棄咗



行落去仲有d古代遺跡咁，不過成30度又曬又熱
我對歷史又認識唔多，都係影吓相就算