喺Google Map度我見到有個叫Beiteddine Palace嘅城堡好近我地,
就同法國妹講順路不如去咗呢個先
而法國妹得知要行1.5公里表示都係唔想行嘅
佢就照慣例咁坐喺度食支煙,然後又再舉起佢嘅姆指
又再表演一次就成功捷車嘅技倆
今次呢位伯伯唔多識英文,但佢表現得都好nice,我地靠google map令佢知道我地要去邊
喺上車前是但影咗張附近嘅景
喺得到第二位貴人嘅幫助之後我地就到咗Beiteddine Palace
呢個城堡應該係我咁多日入邊去過最貴嘅景點,要10000L.L.
不過入到去係靚嘅 有少少似印度嘅Amber Fort
同埋呢個城堡都算係黎巴嫩一個出名嘅景點,都有guide會帶團嚟呢度
呢度以前係總統嘅一個夏日居所,不過內戰之後嚴重破壞
於是依家就變咗一個開比Public參觀(賺遊客錢)嘅地方
入到去都係睇吓幾間房仔嘅佈置咁,喺出邊影相係比較靚嘅