【解謎】遇上一個尋找秦始皇后下落的忍者

唔好棄

睇情況 我都好鍾意哩個故架

呢個故名仲衰過上次

點改名都會有sad end feel

凍gay廉唔好棄故

新post留名

留名

舊title好吸引呀，有啲膠膠地引左我入嚟睇
唔好棄故啦gay廉

唔好棄

呢個故名仲衰過上次

睇下點再轉返囉

點改名都會有sad end feel

成日都唔信我

凍gay廉唔好棄故

盡力啦哈哈

舊title好吸引呀，有啲膠膠地引左我入嚟睇
唔好棄故啦gay廉

我都覺幾好 不過無乜人 應該我寫得唔夠好 再努力啲先

唔好棄

盡量

再次回到這個位置，我感到呼吸有點急速。


一切都很熟悉，而這個熟悉感讓我覺得到好噁心。


「不如你自己入去搵佢啦。」


「妳唔想見到佢麼？」


「唔係......」


我呼吸一口氣，然後按下門鐘。


1, 2, 3, 4.......


門被打開的一迅間，我又回想起一些東西。


「柔荑，點解妳會嚟嘅？哩個係......？」他轉眼望向我身旁的忍者。


「我佢同學，做研究中，有一點問題問閣下。」


服部凜和拿出一類似宣紙的東西，上面滿佈符文，然後貼在岑日峰頭上。


「你做咩？！」


忍者隨即撕下，他再問：「有聽聞過你的老祖到日本嗎？」


「佢意思係祖先，祖先。」我在旁解釋。


「無啵。」


「謝謝，打你擾了。」


「唔係佢？」我問。


他搖搖頭。

我們離開時，岑日峰又從門口喊出來說：「柔荑，我可唔可以繼續搵妳。」


「你鍾意。」我停住，待了一會後問：「你點解要嚟？」


「嚟咩？」


「音樂表演。」


「當然係睇妳啦。」


「唔信你。」


我沒有回頭地走。


走出大廈後，我故意腳步加速，但那忍者仍默默地跟在我後面。


「不如你唔好跟住我啦。」


「唔行呀。」


「點解唔得？」


「唔行就係唔行。」


「我理得你痕唔痕，唔好再跟嚟。」


「唔行。」


「痴線。」我胡亂闖上一輛輕鐵，但他不放棄，仍舊跟上車來。

「跟夠未啫？」我問。


他搖搖頭，眼神很堅定。


「婆婆說，放任一個唔開心的人，讓自己一個獨處係一件危險的事。」


我嘆了一口氣，然後說：「有無咁聽婆婆話......」


「婆婆係上忍，當然需遵其令。」


「即然係咁，咁你陪我玩一日啦。」


他歪一歪頭，像一隻疑問的小貓。


巴黎倫敦紐約戲院，一直都從WMOOV知道它的票價很便宜，但我從來都未到過那裡。


今日到屯門，當然要親臨一番，果然是......別有一留風味。


起碼不像其他的戲院，都是格局裝潢一式一樣。


進了戲院之後，他一直四周觀看環顧，像一個好奇的孩子發現新大陸一樣。


「你未睇過戲咩？」


「我有從書本上了解過現代人類的喜好，不過未真正進過戲院。」


「咁你平時係邊度？」


「每日都在深山接受訓練。」他望向我身後的爆谷機問：「那個係咩嚟？」


「爆谷呀。」

「爆谷係什麼東西？」


「嗯.....好食嘅野，栗米粒爆開咗，你想食？」


他雙眼發光地問：「可以？」


「當然可以。」


其實我只是買了一個爆谷套餐給他，他已經像一個滿足的小孩子，得到最好的禮物一樣。


「好唔好食？」在戲院內，我問他。


他點點頭。


「咁不如你放返隻腳落嚟？」


為什麼他到哪裡，還是盤膝而坐？


知不知道全場人都望著我們？


「我習慣了嘛。」


但我可習慣不了別人投來奇怪的目光。


看畢電影後，他說：「精彩，想不到都市生活有如此生動嘅活動。叫在下驚訝不已。」


「錯啦，真正驚訝係到咗廿一世紀仲有人未睇過戲。」


「是否回家？」

「未，點解你啲衫嘅配搭咁怪？」我問。


「我只是學習融合你們當中，正如在下不用戴眼鏡卻戴眼鏡一樣。」他除下眼鏡來。


我這才發現......原來他的眼睛蠻好看的.


他揮揮手問：「呆？」


「咁你融入得好失敗，我幫你買衫啦。」


我拖住他走遍各大的衣服店，為他試了數百件衫，終於幫他買了數十件好看又正常的衣服。


簡直為他變身成型男。


到了晚上，肚子餓得響起聲來，我們就去了吃韓燒。


「現代都市的進步，就係令人唔勞而獲。」


「喂，我地有畀錢架。」


「燒肉的任務，就交給在下吧，在下有十多年的經驗。」


他把火調至最大，輕易地以筷子把鐵板撬開扔在桌面一旁，再用筷子穿著數塊雞排，在洪洪烈火中烤著，再噴上油在肉和火之間，一柱火舌轟動地噴至半高空，嚇得四周的人目瞪口呆。


「喂......」


「放心，很快熟。」他拍心口保證。

「唔係哩個問題好唔好......」我已感受到來自四周的目光。


「咁係咩問題？」


我實在不懂怎樣向他解釋。


「無，我驚你受傷啫，你繼續表演啦。」


他微一微笑，繼續專注燒肉。


我想，我大概要開始習慣別人的目光。


可是凜和沒有說謊，他的確是這方面的專家。


每一塊肥牛、雞翼和豬排都是脆而內有肉汁，而他烤多春魚更有一手，簡直令我體會何謂食物的藝術。


不過他說：「不能浪費食物。」而他真的差點想把整間店的食物吃光。


「你食唔哂架，你只會食到佢蝕錢。」


最後我是強拉他離開店舖。


「多謝你，今日。」


「沒關係。係我要謝謝妳的爆谷。」他從包袱中拿出今日爆谷的紙桶。


「你仲Keep住做咩呀？」我失笑問。


「為什麼要扔掉，係妳送給我的。」他不解地問。

「無......你要啦。」


「希望妳已經開心一點啦。」


「嗯，拜拜。」







妳送給我的東西，每一件我都珍而重之。

幾天不見忍者，我以為事情告一段落，誰不知隔了幾天後又重遇他。


在Poly火車站那個出口。


事實上我並不知道他找我，而是上課時，有數個人經過我時，不斷望著我偷笑。


然後我以為自己臉上有什麼，跑了幾趟廁所後，才有人告訴有人找我。


「搵我？」


「係呀，佢係門口拎住執牌。」那對情侶笑得合不上嘴。


到我趕到門口，才見到那個忍者他拿著一塊板，像機場接送一樣，上面大大字寫著「林柔荑小姐」，旁邊還有我的照片。


「痴線，搞咩呀。」我心裡鬧著，為什麼他總有方法叫人發狂。


「你係度做咩呀？」


「等妳呀。」


「唔識入嚟搵我架？」

「上次到課室找妳，妳好像唔太高興......」


「咁都唔洗舉哂牌咁呀？」


「怕妳看唔到嘛。」


我真不太相信他。


「搵我做咩？」


「這幾天我已經獨自縮窄許多範圍。劃去唔少人名。」他續道：「妳有無看到什麼？」


確實有的。


海灘......魚蛋......雪糕車.......


長洲？


「我見到長洲嘅畫面。」


他從名單找了一回，然後說：「林韋良，住長洲嘅人。」


把早上的堂上畢後，我便隨忍者到長洲尋找林韋良。

乘著船百無聊賴，還有一個多小時，我只好問他：「喂，你不如繼續上次個話題先啦？」


「話題？」


「秦始皇后呀，你話佢嘅野被人燒毀哂，咁我地點知邊個係始皇后呀？」


「那妳沒有疑惑過，假的遺書叫扶蘇自殺，扶蘇完全沒有反抗就接受？」


我發現他說認真事時，就會變成全書面語的頻道。


「佢係孝子掛？」


「如果你是扶蘇 ，你會否立即自殺？」


「當然唔會啦。當我傻存咩。」


「這就是，不問真偽就自殺，會否有點違反人性，不合常理？」


「你講哩啲，唔會係為咗同我上歷史堂掛？」


「當然不是。」


「即係同皇后件事係有關嘅？」


「對。」


我怎樣也連結不了這兩件事有什麼關係。


「要問皇后是誰，必先從秦始皇的結婚開始說起。」

「皇帝結婚，唔係多數都政治婚姻架咩？」


「對，那你覺得誰能左右皇帝的婚姻？」


船已經到了長洲，話題暫時放下，我們魚貫地跟住人群而走。


「嘩，今日天氣好好呀。」我朝著陽光伸了一個懶腰。


相反那忍者的臉口是嚴肅不已。


「做咩呀，你嬲？」


他沒有說話，從我的衣袋取出一個不屬於我的黑色東西，便問：「妳架？」


「唔係呀。」


他隨手扔掉，便捉著我的左手便開始急步走起來。


「做咩事呀？」我不解地問。


「現在情況危險。」他一邊跑一邊說。


「危險？」


他拖我走出大街，轉入到小巷裡面，滿是特色手飾的店舖。


他左顧右盼，四周觀看。


「到底做咩事？」


「有人跟蹤我們，目標是妳。」

留名等sad end