《來間島 (I)》
補返上章個地圖先。
原來我記錯左,佢local啲書仔無講到個果園有乜搞。方便大家,我就放條link係下面啦。睇落都唔錯,有動物喂下,生果食下,揸下果汁咁啦。
http://maipari.jp/
唔曬太陽,又話遊下車河。老豆又小朋友上身,又話要過橋。就走左過去來間島行下。
來間大橋係連接宮古島同外島既三條之一,同時都係我地最後去既一條。對比池間,我覺得來間仲荒過池間。 一開到上去,就變單行道,仲要係勁窄,但係影相係勁有feel既。咁多位男友,準備好係到狂幫女女影相啦。
我地先落左去另一面既沙灘 – 貓脷海灘(猫の舌ビーチ)。佢係一個細海灘,係正與那霸既對面。隔離有個碼頭,有人咁啱係到潛完水返黎。
突然個天有勁大舊黑雲走過黎,唔夠兩秒就落勁大雨。發現宮古島係咁,成日都有驟雨。我地呢面落狗屎,對面就好好天,出曬太陽。
之後就落勁大雨,我地就去搵長間海灘(長間浜) 。佢係來間島隱世海灘之一。我地揸車,還遊左一個島....愈行得入,地就愈爛....原來有半個島都起緊一個大既resort。
最後我地都係搵唔到個入口,所以搵啲網上圖片比大家睇下。