《海中公園》
係砂山海灘hea左成個鐘之後,就決定再北上。中途經過,見到一個叫海中公園既野,就轉左入去睇。
一轉左入條小路,成架車啲人就係到問:「係唔係嫁」、「有無野睇嫁」因為條路勁窄,左右兩面唔係田,就係爛地。
無幾耐就見到有個公園咁既野,得架旅遊巴拍左係到。佢地已經話可以走得,因為真係無野睇。諗住再轉出去走既時候,後面有架的士再開入去。所以我地決定跟住架的士。結果入面係有野睇既。
就係《宮古島海中公園》啦。
其實黎到呢道,我地都唔知有咩睇。一去到門口,就有團台灣人問我地一唔一齊買飛入去,因為一齊就夠人買團體飛。咁計埋都慳到差唔多成千円,咁就去馬。
係出面等既時候,已經有好多缸魚係到比你睇。雖然我個人唔係太好魚,但係都影左兩張。結果全部out曬fo。
等等下有個拖住個喼既女人係個出口衝出黎,:「都是騙人的,什麼都沒有,不用花錢去。」
我同老母對望左一下,都黎左又比左錢囉。咁點。
原來呢個海中公園,要行落去勁落。可以係水底到睇到唔同既海洋生物咁。都要行幾層樓梯落同上,唔怪得個女人咁躁。
佢唔算太大,如果你真係行既,三分鐘都行完。因為落到去就真係一眼望曬。不過今日能見度唔太高,仲有有幾陣雨,所以水就唔太清。
平時係有海龜、海蛇睇既,不過我去果日係無的。琴日都仲有。但係都幾多魚睇。
轉角有個位比小朋友玩,大人就可以係到休息下。佢仲有啲小道具比你影下相咁。都幾得意,我地又係到hea左成個鐘。
上返去,就有實有野買。我見到呢個,心諗....