- Day 4 -
每日咁食其實已經有少少食滯
keep住好飽嘅狀態
ESqUISSE
黎到銀座,終於食到今個旅程第一餐日法,揀左兩星嘅
ESqUISSE。呢期少左人講佢,可能係因為上年冇左個金賞,咁就不如自己親身試下
餐廳位於銀座中心嘅一棟大廈上面,裝修唔特別,甚至有啲太簡單,景觀方面亦都有少少失色。Menu就提前揀好左15000円左右嘅course,包一杯香檳。
Menu - 有埋英文版,每道菜上嘅時候,都會有更詳盡嘅解說。取名都幾有意思
陣間睇下夠唔夠扣題
Transformation 変化 : 稚鮎、芒果 - 芒果嘅酸甜同香魚幾夾,不過香魚個溫度如果再熱少少就更好。可以見到呢道用筷子食嘅,偏日式少少。
Lyricism 詩情 : 青蘆筍、貝 - 上菜時兩種貝類、漬芹、清酒啫喱醬汁會先由貝殻裝住,跟住侍應先會倒落舖左burrata嘅蘆筍側邊,相當有「儀式感」,同時有視覺效果。味道典雅清新,兩者無互搶,比之前係amber食過嘅xxl蘆筍有過之而無不及。
Osmose 滲透 : 帆立貝、金時草 - 其實每次聽侍應講解都要好留心,好似聽力練習
因為有時會涉及到啲比較少遇到嘅食材。以牛油及薑Seared嘅帆立貝呈現溏心狀態,以金時草做paste,撒上shaved white mushroom,然後倒入雞湯精華、sake、帆立貝出汁。帆立貝煎得好,湯又柔和,金時草無搶戲,十分滿意。
Inspiration 着想 :雞油菌、大豆 - 呢道菜比較起其他就遜色少少。雞油菌本身好食,腐皮亦都滑,但無發揮相輔相承嘅效用,枝豆及其puree更稍嫌礙事。
Fire 炎 : 太刀魚、綠 - 炙り太刀魚肥美,點綴以極薄嘅白板昆布,配6-7種綠蔬及燒茄子,整體唔錯。
(待續)
唔知大家心目中有咩日法餐廳想試呢