- Day 3 -
みかわ是山居
起身跑左陣步之後就出發去食午餐,久仰大名嘅天婦羅之神。聽過有朋友抱怨佢位置唔方便,但其實應該正常一個鐘車程內,有機會快過入元朗
隔離就係清澄白河,可以去blue bottle打卡
入正題先。比預約時間早左15分鐘到,staff先請客人上2樓和室稍候。同一部有台灣、大陸及日本客人,而臨上樓時亦見到同早乙女師傅傾緊偈嘅,好似係愛飯團代表kabun ko
等左大約15分鐘,就通知可以埋位。前菜就係例牌個啲: 毛豆、豆腐沙律及鰻魚凍,無乜特別就無影相。
聽講早乙女師傅採用嘅係胡麻混棉籽嘅色拉油,強調油香。一試之下,的確如是。
明蝦 x 2 - 面衣豪放卻厚度適當,隱若感受到早乙女師傅揮灑自如。經過撕裂肌肉嘅處理,蝦身筆直,一咬之下熱氣直衝。麻油香氣相當明顯,蝦肉半熟多汁。第一件未及反應,好彩有第二件接上。
蝦頭 - 是山居嘅蝦頭係沾過面衣再落鍋嘅,顏色偏深,酥脆程度令人滿意。蝦香溢滿口腔,直情係再encore十隻都得。
沙鮻 - 個人更鍾意沾天醬油
白烏賊x2 - 軟糑而不失彈力
紫蘇葉海膽 - 薄脆一層紫蘇葉包住,海膽保持原有鮮味及質感
鮎x2 - 夏天又點少得佢,肝嘅苦味唔重,輕鬆ko兩條
穴子 - 呢度嘅名物,稍嫌油太多,但的確係外脆內嫩
野菜 - 本身有茗荷,然後係野菜menu自選兩種,揀左蘆筍同菇,最能試到功力。野菜表現亦都幾好,青脆多汁。
貝柱天茶 - 無咩特別
貝柱落得好大方
成功拎到簽名
其實2019年已經唔興食是山居,又話回塘又盛。不過功力始終係無庸置疑,對於材料嘅掌握真係爐火純青,唔覺得係hea,反而係悠然自得。今次體驗雖然未去到wow,不過叫做checked左,希望黎緊可以試多兩三間出名嘅天婦羅對比下
銀座 ジンジャー
食左餐咁熱氣嘅,梗係食返碗冰解下暑
順便行去book過兩日食嘅かつかみ
薑奶、自家製草莓醬 - 感覺上好快溶,麻麻地。薑味少見,好養生feel
然後去左skytree影相,夜晚無安排。
Skytree的日與夜
東京鐵塔 - 話說有近30人係塔底個打卡位排隊
我係隔離影左3,4個字條隊無郁過
- Day 3 完-
Day 4 預告 : 🎨 + 🌊