- Day 5 -
銀座かつかみ
人氣急升嘅かつかみ變得越黎越受歡迎,可能係因為佢與普通吉列豬扒店唔同,係分開部位逐件上嘅,享受到1:1omakase嘅樂趣。齋睇橫切面嘅圖都覺得十分吸引
所以此行要食嘅吉列豬扒就揀左佢。
餐牌 - 當日係食Lunch B course (後來聽朋友講中午都可以order dinner course),包4種部位、炸肉餅、飯、湯、沙律、漬物同刨冰,唔記得加個大雍車海老黎試下
豚種聽講係用群馬福豚及銘柄米澤豚兩款,視乎揀嘅套餐。
椰菜、人參醬汁 - 醬汁酸酸甜甜,似南瓜味,加入左少許黑胡椒,十分開胃
剛剛出鍋
醬汁 - 深啡色為原味,淺色為微辛,以及黃芥末。枱上面有電動磨鹽樽,個人覺得落鹽最能突出肉味。
小里肌(ヒレ) - 店長落左order話要飲左啲肉汁先,再加鹽品嚐。可以見到肉汁滿盈,微粉剛熟嘅中心,麵衣緊貼酥脆,絕對滿足。
里脊 (ロース) - 對比上一件,呢件就更肥,脂肪更多,最愛。
肩胛 (肩ロース) - 可以明顯地食出肉味最濃,又係另一種美味感受。
希少部位兩種 (後面個塊係肉餅) - 由同一個部位(好似係里肌)再分出黎瘦同肥兩種部位,反而口感比之前個啲遜色。
炸肉餅 - 洋蔥及豬肉做餡,豐富多汁。
士多啤梨刨冰 - 個冰底好似用奶做,呢個甜品夠曬解膩。
值得一提嘅係店內抽油煙做得不錯,環境又舒服。店長態度好,好願意為外國人解說。加上價錢黎講相當合理,一定會推薦朋友去食
食完就去左川崎個九龍城寨望下,排除個場有啲恐怖,都算幾多野玩,有得篤波、夾公仔,人又唔算多。以下係後門入口打卡位。
未夠鐘去虎白食飯,返淺草逛下。
飯田橋駅
下篇到虎白