[東京大阪]8日覓食之旅-夏

虎白

虎白作為其中一間3星懷石，加上4.46評分嘅不俗成績，算係比較易book嘅一間。雖則有見一啲權威foodie話普通，但同時都有好多人正皮，呢個時候當然自己去試試啦，順便儲下星星。


掛畫就大師水準，唔知野食點呢


循例都係叫杯凍烏龍茶，佢遞出黎嘅時候我以為佢上錯點知係一杯好飲到仆街嘅冷泡，淡淡甘香盈繞


海膽、魚翅、焼茄子 - 無諗到一上黎就魚翅，感覺係華麗但唔深刻。


揚げた稚鮎、truffle sauce - 毫無美感可言嘅倒插，無言。Truffle sauce係mix左牛奶及出汁，有小小厚度個種，醬汁本身係好香，但同鮎唔夾，同埋呢尾鮎副肝特別苦


炭烤天然鰻、糯米 - 正常水準發揮，鰻小小肥，落左山椒，海苔就唔算脆


お椀 - 北海道毛蟹及秋葵，蟹丸個輕盈柔軟嘅質感係值得欣賞，但個湯就平平無奇。


炙り太刀魚、茗荷、紫蘇花、特製啫喱 - 太刀魚肥美可一讚，而啫喱同茗荷份量太多。


中途叫左少少写楽夏吟黎飲 - 冷飲時清澈帶蘋果香，微酸帶甘，後續苦調辛口浮返。好乾淨，清爽嘅一枝sake，配合其夏吟之名。


蒸鱧、萬願寺唐辛子 - 鱧處理得唔錯，唐辛子有少少烤過左，同鱧擺埋一齊顯得有啲突兀。


雉羽太、牛蒡mochi - 自己覺得虎白處理魚肉方面係唔錯，羽太嫩滑，配赤味噌無功無過。牛蒡mochi第一次食，幾有驚喜，外薄脆內黏糯。


粟米凍、魚子醬: 再一次畫蛇添足地加左魚子醬。本身個粟米凍已經清甜好食，係要加啲無謂野


加茂茄子、鮑、蓴菜 - 幾鍾意呢道，三種食材有唔同口感同層次，湯汁鮮味。


漬物


鼈の土鍋釜飯、花椒、新生薑 - 本身以為用鼈嘅精華煮嘅釜飯肯定好鮮，不過再一次期望過高飯同材料混合後嘅香氣的確幾吸引，食落就真係講唔出個鮮字。最後淨左好多飯，小泉さん亦都好好人，將飯整成飯團比我帶返去。


芒果雪葩、最中碎 - 自己係屋企都整到


小泉さん幫緊隔離客人處理下次嘅預約 - 我印象中小泉さん有一半時間都係counter前面，有時入面嘅助手會拎啲成品出黎比佢試味，所以其實大部分食物都未必經佢手整。態度黎講真係好friendly，會同客人有講有笑，最後會係門口送客至客人轉彎。


虎白無咩令人想再試其他季節menu嘅意欲，食材黎講雖然符合要求，但係配搭方面真係差咁啲，亦欠缺左自己嘅signature。

- Day 5 完 -

Day 6 會轉戰關西，餐廳預告 : 焼鳥市松、La Cime、弧柳及瓢亭朝食

忽然覺得去石かわ食啲嘢好簡單但望到虎白個甜品又覺得hea咗啲

甜品真係費事提
石かわ掂唔掂

都係嗰啲嘢，冇乜特別，不過お椀個湯真係旨味爆發咁，同埋中皿個芡整得幾好

小弟都book左下星期去食銀座かつかみ

咁生的豬真係唔怕?

無穿無爛 有咩怕同埋個人覺得唔算好生

係日本食都還可以，起碼有信心保證
其實睇落又唔係好生

樓豬禾想食高級燒肉，有無推介？

Manger好似都係咁既色

我知係無事，都係心理關口問題
就好似食生雞咁

巴打幾人去

馬刺

銀座かつかみ - 隻蝦同kakigori幾好食 其他都ok但唔係好stunning 叫做幾抵食 chef幾好人

海味 - 最近好多人獨立 希望nakamura okay

agger

我book左Aコース
我驚其他コース太多食唔曬

一個人食book唔book到？