[東京大阪]8日覓食之旅-夏

red eye落地食啲清淡嘢墊底
腸胃冇咁快玩完

去親東京得閒嗰陣間嘢都唔開，頂

長野師傅仙遊之後接手，應該有3,4年了

講得好啱個幾日特別滯

天氣熱同可能冇心情啫
再唔係豪德寺另一邊sudo啲包睇落更加得

- Day 2 -

第二日中午無特別安排，見天氣咁熱，random決定去食下冰。

ひみつ堂
揀左喺日暮里駅附近嘅傳統人氣冰店，ひみつ堂。出左站再行10分鐘左右，就到店址了，照舊都係要排隊。最後係烈日下排左20分鐘，就入店等多陣埋位。



店外


Menu實在係令人花多眼亂，有成十幾二十款冰，咁就直接黎個最愛嘅宇治金時。ひみつ堂係用舊款手動刨冰機，冰就用無咁易溶嘅天然冰。準備拎相機之際，碗冰話咁快就到左。份量比得相當大方，紅豆蓉細滑，不過甜左少少，配上帶微微抹茶澀味嘅冰就剛好。冰感綿密不失質感，實在唔錯


食冰都食飽距離晚飯時間仲有5粒鐘，先去影下相行下街。首先去左飛鳥山公園，遇上繡球花開，好多人主要係想去睇下兒童公園，聽講係林宥嘉影結婚相個度(?)


又去左野方駅，影下地面列車，係兩條商店街中間經過。


返去渋谷行街，上左109上面嘅Magnet觀景台，當然唔少得十字路口。



見未夠鐘食dinner，去Pierre Herme飲杯咖啡食件macaron先再慢慢過去今晚嘅餐廳 - K+ (カゲロウプリュス）


K+ (カゲロウプリュス）
作為高踞法餐榜首L’equateur姊妹店，K+亦係好受歡迎嘅日義餐廳，tabelog嘅評分唔錯，有4.32。餐廳回覆時提供兩款menu 選擇: Prefix course menu (約2萬円) 及 Omakase menu (約2萬3円)，而9點後餐廳繼續提供a la carte至凌晨1點，成為唔少人嘅宵夜勝地。


當日係坐counter位，可以清楚睇見主廚渡辺さん料理過程。


煙燻漬溏心蛋、魚子醬 - 正常發揮


炙り鱧、柚子ソース、蕃茄、紫蘇花、海膽 - 頭盤係相當清新嘅一道，用上旬之食材鱧，可惜處理骨方面唔夠好，整體中規中矩。


黒鮑肝醬Risotto、唐墨 - 肝醬十分到位，加上唐墨嘅咸鮮及熟度得宜嘅米粒，出色。唔好睇佢份量好似好少，個人覺得比得剛好，食多左就會膩，加上之後仲有3個main同2個pasta


雞胸、肉汁、枝豆 - 話咁快就上第一道主菜，胸肉煎得嫩滑，肉汁本身就相當夾。配上ham、mushroom、少許辣椒粉，homey得黎又帶些少精緻。


金目鯛、蜆 - 又係好溫暖嘅一道，蜆湯清甜，微微浸住皮脆肉嫩嘅金目鯛及大蜆，簡單又容易貼人胃口。



(待續)

pierre herme唔食返件ispahan真係唔會收口

你d日法懷石貴過壽司