【香港隊長】拒認同流浪搞波方針 陳偉豪告別職業足球
夢想FC退出港超聯,隊長陳偉豪去向一直受到關注,他今日確認曾與母會標準流浪接觸,但未能達成共識,今季將轉戰甲組;另外,
張健峰今季亦不會續戰港超聯,會專注教練工作。
現年37歲的陳偉豪原先與夢想FC續約,但球隊最終選擇「自降」,陳偉豪與謝敏榮等夢想兵無奈離隊,前者雖曾獲標準流浪接洽,惟最終未能成事,逐告別職業球員生涯。他說:「同緊幾間甲組會傾,包括夢想都有機會嘅。本身踢夢想都諗住半職業咁踢,另外已有份工。同流浪傾過,錢唔係最大問題,但佢哋個搞波方針,我唔係太想囉,喺足球生涯晚年,不如直接踢業餘啦。」他表示將作新嘗試,已有一份文職工作,而「足球小將」計劃會繼續,「遲啲會搞個『跟隊』嘅比賽,等啲小朋友感受吓等嗰種感覺,我細個令人哋等得太多喇。」他又指,會找五人足球教練教授小學生,「冇搵黃耀富呀,佢話佢全港收得最貴,唔怪得呢排佢咁得閒啦。」
前港腳張健峰亦會告別職業足球,將全職教練工作,他說:「上季轉去元朗時都知道,今季未必會繼續,我好享受元朗嘅時光。我明白現今足球,未必好多球隊左閘會用老將,我體力都未必可以不斷上落。」他表示,有數間港超球會曾與他接洽,但條件未達心中所想,故選擇掛靴。他暫時會繼續於東方龍獅青年隊任教練,料短期內會有新工作。
記者、攝影:禤家民