[校園]《再見了，還會再見嗎？》

佢條傻鳩

出咗咁耐都未發現好好笑

做咩笑人啫

1點前有文

究竟巴究竟幾時先發現到

你去提下佢囉

緊係唔好啦

鈴~ 鈴鈴~

「行啦車仔，落電腦室報名喇」小雲同我講。

「好好好，等我抄埋今日要做嘅功課落手冊先」

過咗一陣

「搞掂，行得」

入到電腦室，我哋坐咗喺後排嘅角落頭。

「哎呀，內聯網個密碼係咩啊？我一次都未入過」我問小雲。

「你今朝有冇聽Miss Chu講㗎，上面係你個學生編號，然後下面係你身分證頭6個數字嘛，傻仔」

「咩喎，明明今朝係你太遲叫醒我先搞到我聽唔到」我裝作生氣。

「咁我唔記得你瞓緊嘛……係呢，你想揀邊個位置做helper啊」小雲無奈地說。

「有冇啲位係唔使曬太陽，又冇咩做㗎」我問小雲。

「邊有咁好嘅位㗎，有都俾人揀晒啦。唉，我報咗跳遠先，你慢慢諗」

啲職位名真係花多眼亂，仲要個個都古古怪怪，咩“壘球收集員”，咪啫係執波仔，都唔知做乜要搞到個名咁長。

「小雲，我揀好啦，決定去做“釘分板專員”」

「仲以為你會揀有冷氣嘅司令台嚟做添」

「呢啲嘢咪搞我，講到口水都乾都未放得學啦，何況我講嘢又一舊舊」

「你都叫講嘢一舊舊？？？咁我應該係啞人啦！！」

「係啵，你使唔使順便報埋合唱團啊？反正都開咗電腦」

「唔使上網報㗎，今日見到poster話下下星期去音樂室試音就ok」

「哦，咁一齊走啦我哋」

正當我哋行到門口，Zoe都嚟咗電腦室。

我：「Zoe ~~ 點解你又會落嚟嘅」

Zoe：「我落嚟報陸運會啊，你哋又喺到嘅？」

我：「我哋都係報Sports Day啊，啱啱先搞掂。你諗住做邊個位嘅helper啊？」

Zoe：「唔係啊，我諗住報100米，壘球同跳遠」

我：「報咁多嘅，攰死你呀」

小雲：「不如走啦，我想快啲返屋企陪下媽媽」

我：「好啦，咁我同小雲走先喇，ByeBye~」

Zoe：「ByeBye~~」

我同小雲一出學校門口就分開咗行，因為我係去西鐵站，但佢好似係去坐小巴返屋企。

真係好衰

今日可能會有3篇 要睇樓主可以幾點返到屋企

多謝仲有繼續追緊嘅讀者

通個水

咁好

我一返到屋企就好似平時咁盡快做完啲功課，然後就開始温習。

大約7點幾爸爸就同媽媽拎住外賣返嚟。

媽：「做晒功課未，有冇話測驗幾時呀？」

我：「做完啦，下下個星期五有數學第一課測驗，我温緊書㗎啦」

媽：「記住一定要考好啲呀，過咗嚟食飯先，食完先再温」

喺食飯途中我一粒聲都冇出，因為其實我唔係好鍾意我屋企。

爸：「你唔好俾咁大壓力個仔啦，佢讀書都好辛苦㗎」

媽：「我哋當年仲辛苦啦，佢而家呢啲算得係咩。更何況間學校係佢自己揀，冇人逼佢㗎，啫係證明佢自己都想成績好啲，想入到大學啊」

爸：「喺個仔面前唔想同你拗」

媽：「唔好話我話你，你根本就係駁唔到」

跟住爸爸成餐飯都冇出過聲，一食完就坐咗喺沙發睇電視。

我食完飯做乜？

緊係返入房温書啦

10點鐘左右，爸爸入咗嚟我間房

爸：「啱啱食飯有冇嚇親你啊」

我：「冇，平時都係咁上下啫」

爸：「你要明白媽媽都係為你好先咁惡。今晚早啲抖啦，聽日星期六你仲要去學琴」

我：「我會㗎啦」

呼，終於到星期六可以休息下喇。

進度良好嘅日子就可以出多啲

邊個負責

留名

就用你啦 青豆！

多謝支持

今晚我夜啲先上水，你地傾得開心啲

今晚12點後會再有文，大家可以早啲休息起身先睇

加速

lm

應該會早少少有

多謝支持

唔係打丁咩