[校園]《再見了，還會再見嗎？》

大仆街啲文夠精簡 寫親都有伏筆/有意義青豆sir可以考慮下精簡啲唔重要嘅劇情 派簿分班同埋主角不必要嘅心理描寫嗰啲

大仆街

冇講錯

又唔可以叫樓豬 唯有叫大仆街同埋都無叫錯

大家鍾意嘅話照叫大仆街做樓豬我都ok

新讀者

唔好啦

Lm

多謝支持

咁點分

都係大仆街

我唔係

今晚11點會再有文

聽住先

其實打好咗

不過一陣樓主去做運動 未得閒搞個排版

又去打丁唔係朝早先散完步咩

咩打丁

我啱啱晏晝係散步咋

第3章 – 不平凡的開始

~九月二日~

終於到咗第一個上課日。

「Good Morning，冇返嘅同學仔舉個手嚟睇下先」

「Miss Chu，小雲冇返啊」我舉手說。

「Oh，佢屋企有啲事，

第一節小息後就會返㗎啦」Miss Chu回應我。

處理完班務，

Miss Chu 同我哋傾咗一陣計，

又講咗啲老師嘅八卦嘢。

「其實呢個Miss都唔係咁衰啫，

只係一個老嘅八婆」我心想。

「上到嚟一時間啲嘢變晒英文，

有冇覺得唔慣啊？

有咩適應唔到記得話我知喇同學仔」Miss Chu 對我們說。

鈴~ 鈴鈴~

「哎唷，咁快就打鐘嘅，仲諗住講多兩句添，

你哋嘅第一堂應該係… Errr…等我睇下先」

「數學啊 Miss Chu」後排一個肥仔大叫。

「咁我走先喇，陳sir到咗外面，

我哋一陣英文堂再見啦」

Miss Chu 一走，

外面個黑口黑面阿sir就行咗入嚟。

「我介紹自己先。

我係Mr Chan，喺嚟緊呢兩年都會教你哋數學。

可能有啲同學都已經知喇，

我係負責你哋級嘅訓導主任。

只要大家乖乖地，

保證大家會有最開心嘅兩年數學堂。」

望住佢副咁嘅嘴臉嚟上堂，

邊有人會開心啊... ...

〜
唉，

喺而家嘅我又點會諗到，

呢個數學老師將會改變我嘅人生

可以話係拯救咗我，

又或者可以話係令我揾到人生嘅道路

多謝你，陳sir
〜

完咗數學堂就到小息

梗係即刻衝落去小食部買盒維他奶啦。

話說小弟真係好鍾意飲維他奶，

飲少一日都好似身痕咁。

「唔該，想要盒維他奶」

「德叔，唔該要份炒米粉啊」

把聲咁熟嘅？

「同學仔等一陣啊，我入去攞俾你哋」

「你又會咁快落咗嚟嘅？」我問Zoe。

「我今朝趕住出門口冇食到早餐啊，

所以咪急急腳落嚟買嘢食囉。

死伙，冇帶錢落嚟添…」

「同學仔，拎嘢喇」

「唔緊要啦，我幫你俾住先，

你上去先還返俾我啦」

「唔該晒你啊 車仔」

Zoe雙手合十咁講，

搞到我有啲唔好意思。

「咁快就飲晒盒維他奶嘅你，

啱啱先俾完錢咋喎」

「好口渴啊我頭先

仲唔食個米粉，

係咪想我幫你食埋呢」

「我想坐低先食嘛

你可唔可以等我食埋個米粉先上去啊，

我唔想自己一個坐喺到」

「見係你我先坐多陣咋」我不情願地說。

我哋喺有蓋操場傾咗陣偈，

坐到打鐘就一齊行返課室。

一行到課室門口就撞到Zoe嗰兩個朋友。

「開學第一日就想溝我哋Zoe喇，咁快手啊」

個男仔出晒奶力咁嗌俾全班聽，驚死冇人知咁。

「wow~~ 」班上突然有一陣歡呼聲。

「你地呢到咩事，點解啱啱咁嘈，

同埋個個都企晒起身㗎？」又有個唔識嘅阿sir企咗喺門口。

全班靜晒，真係連一粒聲都冇。

「我哋而家排隊上實驗室，

上到去唔該跟返你哋喺課室嘅位坐，

同埋唔好亂咁搞周圍嘅嘢」

問心講，實驗室真係冇咩特別，

除咗附近多幾個洗手盆同幾個連住張枱嘅火機之外，

同課室根本就一鬼樣。

上上下堂嘅時候，小雲突然好奇怪…

「車仔，你試過最唔開心嘅事係咩啊」

又話11點

下次都係加人名喺對話前面 自己都睇得好辛苦

啱啱先返到咋