[校園]《再見了，還會再見嗎？》

有文一推

大仆街踢波唔開po

當一切都沒了才後悔 已經太遲了

好想喊

「車喺將來你會遇到好多對你好嘅人，但當你愈大個，真心咁對你好嘅人只會愈嚟愈少。好多人痴埋你到只係為咗攞你著數，而唔係真心想同你做朋友。喺你而家呢個時候識嘅朋友，先至係你喺將來最能夠相信嘅人。」

第6章 – 落淚

「而家派返上星期交嘅功課俾你哋，如果有做錯嘅題目，就喺旁邊嘅空白位置做返俾我。另外，如果有同學係冇簿嘅，麻煩企起身」陳sir對全班講。

「車仔，點解你交咗都收唔到簿嘅？」小雲細細聲問我。

「我都想知，可能係前面傳漏咗我嗰本啫，冇事嘅」

陳sir：「企咗起身嘅幾位，請問你哋可以交到功課俾我未呢？」

同學A：「我放學之前會交到」

陳sir：「仲未做好？我俾咗幾多日你，就快一個星期喇。唔使趕住小息做喇，放學留低慢慢做。你呢？」

同學B：「我星期六有補做返，而家喺書包……我好似冇帶返嚟，我聽日會交返㗎啦」

陳sir：「聽日？你放學都一齊留低，我買本新簿俾你由頭做過」

同學C：「我仲未做……」

陳sir：「你都係，我今日唔趕住走，陪你哋留到8點都得，全部留堂做完先准走，
坐低」

「點解仲有個收唔到簿嘅同學未企起身，同我行出嚟」

我都心知不妙㗎喇…

「陳sir講緊你啊，快啲行出去啦」小雲細細聲同我講。

跟住我就緊係即刻企起身行出去啦。

「張轟浩同學，點解你頭先唔企起身？」陳sir好大聲問我。

「因為我諗住我有交…所以應該只係前面未…」

陳sir突然打斷咗我講嘢。

「唔想聽你啲藉口，你知唔知你份功課有咩問題？」

我冇答，因為我真係唔知。

「咁你話俾全班聽，你用咗咩色嘅筆嚟做你份功課？」

「紅色同紫色」我回應。

然後班上有一陣歡呼聲，呢邊一句，嗰邊又一句。

「好睇喇今次」 「估下佢要留幾多日堂」 「我諗冇返一個月都唔得喇」

「全班安靜，我再聽到邊個把聲嘅，就放學一齊留低陪我」

「張同學，我有話過可以俾你用藍色同黑色以外嘅筆做呢份功課咩」

「明明你都冇話淨係可以用藍色同黑色嘅筆嚟做…」

今日有啲嘢做遲咗少少出

安祖巴係咪都有故事分享

過咗去嘅事已經追唔返

最可靠嘅只有一直陪住你成長嘅人

有文食住青豆睇

的而且確係咁

「明明你都冇話淨係可以用藍色同黑色嘅筆嚟做…」

我當然冇將上面句嘢講出口啦，唔係嘅話我應該10條命都唔夠死。

我只係低頭冇回應，而陳sir都繼續鬧緊我。

「今次呢件事我會記低當一次警告，如果再有多一次警告，我會通知你屋企人，亦會考慮有進一步嘅懲罰，例如記缺點」

「會俾媽媽知我喺學校做得唔好……」

一諗到呢到，我就忍唔住開始喊，仲要愈喊愈停唔到。

媽媽對我好大期望，想我入到呢間學校，想我有好成績入大學，想我做一個好學生。

如果俾媽媽知我喺學校咁樣……仲要記缺點……

好似話記過缺點就會入唔到大學？

我已經想像唔到落去……

「張同學，呢份功課我會當你0分，冇補做機會。希望你會好好記得今次嘅事，以後唔好再犯」

「而家去廁所洗個臉，然後坐返低上堂。其他同學，揭開第38頁，教埋呢堂我哋就…」

「點算好」我喺廁所望住鏡入面哭成淚人嘅自己問。

「嘩，男人老狗就咪鬼喊啦」一個啱啱由廁格行出嚟嘅男仔同我講。

「雖然我唔識你，不過我覺得喊真係解決唔到問題囉」一講完佢就離開咗。

點解會有啲咁奇怪嘅人喺廁所走出嚟？？？

不過佢都講得啱嘅，我而家喊都解決唔到問題。

只係一次警告啫，只要我唔再做錯咪冇事囉。

洗多次臉之後我就返咗課室，返到去都未坐低，小雲就問我

「你冇咩事嘛？去咗廁所咁耐都唔返，明明陳sir都只係話咗你幾句，你又會喊得咁勁嘅」小雲擔心地問。

「冇咩嘅，諗返起啲唔開心嘅事啫。上堂先啦，唔係一陣連你都俾陳sir鬧㗎啦」

今日仲有2篇

lm

多謝支持

好似話記過缺點就會入唔到大學？

DSE夠分理得你20幾個大過都入到U

痴線用紅筆做功課啫 咁都0分

洗唔洗警告會記缺點呀
中一咋喎
樓豬諗起唔會嬲咩

咪係囉 痴線㗎咩

睇嗰個都有少少嬲 蝦細路啫

有一次警告咪算囉

我都睇到嬲 明明又唔關份功課做得好唔好

我諗返都覺得係嚴重咗

似係殺一儆百