[校園]《再見了，還會再見嗎？》

我頭先上去睇 覆咗一個留言就見到爆咗

啊仆街冇開新po

果個故台大仆街一定訓緊教啦

跟住訓醒先知

連仔應該要整個主題1001鬧鐘設定

無錯
呢個好需要
唔係俾我地推到唔知發生咩事

好啦 唔好推風聲巴個po喇
我做多陣野都訓喇

hi 有心巴

啱啱起身你嗰邊幾點

夜晚9點半
無咁快訓

呢排訓極都好似唔夠咁

休息下喇

留名

呢個po係正常推定
故台大仆街式推？

我都想知
做定準備

正常式啦集中一個po推

輕輕一推

「車仔，你試過最唔開心嘅事係咩啊...」小雲聲音有點奇怪。

「等我諗下先… 應該係媽媽因為成績唔好而鬧我」

講完之後我望一望佢。

「你做咩畫花本書呀！！」我大叫。

「我覺得好唔開心，但係冇嘢可以做到」小雲愈哭愈大聲。

望住小雲嘅眼淚一滴一滴咁流落嚟，但係我就咩都幫唔到手。

「不如你話俾我知咩事，睇下我幫唔幫到你啦」我不知所措地說。

講完，我拎咗張紙巾遞俾小雲。

「我爸爸…尋晚…死咗」小雲斷斷續續地說。

呢個答案完全喺我預料之外... 都係上埋呢堂先再傾好啲。

「Um... ... 不如你伏低休息下先，仲有15分鐘落堂，一陣Lunch Time一齊食啦」

「嗯」

落堂後，我哋好快就落咗操場霸位食晏。

「你想食咩啊，我幫你買埋啦」我問。

「同你一樣就得」

過咗5分鐘，我捧住兩個餐行返過去。

「有冇好啲啊？」坐低之後我問佢。

「嗯，好過頭先。但係都仲係好辛苦，個心好似嗱住嗱住咁」小雲雙眼依然帶有一點淚光。

「其實我已經好耐冇見過爸爸，佢平時係喺大陸返工，得大時大節先會返嚟屋企探下我哋，喺屋企住幾日㗎咋......」

小雲眼濕濕咁將尋晚發生嘅事逐一話我知。

「......今朝我一起身又再喊過。其實我真係冇心情返學，但係家姐話佢請唔到假陪我，於是我就逼住要返嚟......」

「你之後唔好再喊喇，有咩都可以揾我傾㗎」我安慰她說。

「多謝你啊，不過我自己都控制唔到自己喊，真係從未試過咁唔開心，個心好痛但係又冇嘢可以做到」 小雲雙眼仍然紅腫。

「唔好諗啦，我其實每日都好唔開心，但係……」我回應。

傾多半個鐘之後，我哋就返咗課室上埋最後兩堂。

坐車返屋企期間，一直諗住今日發生過嘅事。

「點解第一日返學就咁多災多難㗎。唉，都係快啲返去做埋啲功課，費事又俾媽媽鬧」

食完晚飯我又走返入房。

「做好功課未啊，搞掂就快啲預習聽日啲書喇」媽媽問我。

「俾我休息多一陣先得唔得啊？」我回應。

我問完之後，媽媽就開咗我房門。

「第一日返學就想偷懶？今晚瞓覺咪有得俾你休息，快啲熄電視做嘢」

同老母嘅情節真係可有可無樓主考慮下刪減少少日常加速

其實我冇所謂

係驚有啲新讀者冇睇隔離故會俾你哋嚇親啫

休息多啲啦