[校園]《再見了，還會再見嗎？》

睇完題目已經好驚sad ending
大力支持 車仔加油

推

唔知㗎
聽日就會有女角出現喺中學時期嘅車仔身邊

多謝支持

我都好想追落去（私心）

輕輕一推

你咁早既

瞓唔著

推

成日都咁夜訓

已經唔係夜
而係咁早訓

點解大家都咁早嘅

依家講故台去到邊
都係呢啲熟悉嘅名字睇緊故

都係嗰幾個

你好

青豆sir

好多資深讀者

多謝巴打支持

係格離po仲話唔關你事

費事呃大家入嚟嘛

不過唔知點解睇落有少少怪

喺我因為覺得唔開心而伏低咗嘅時候，

我隱弱聽到好似有人問我嘢。

「Hello ~

我叫盧素兒啊，

想問下你附近嗰幾個位有冇人坐㗎？」

「冇啊，你哋坐啦」

然後兩女一男就坐咗喺我附近。

眼前嘅呢個女仔一睇就知係做開運動，

一身健康嘅古銅色皮膚。

除此之外，啱啱嗰下有陽光照一照，

睇到佢嘅頭髮顏色好特別，

係介乎黑同深啡之間。

相反，佢嗰兩個朋友都係「重量級」人馬，

一睇就知係十年都唔郁一下嗰啲款。

「你叫咩名啊？」高素兒突然問我。

係我識朋友嘅機會喇，一定要積極啲先得！！

「我叫張轟浩啊，通常啲朋友都叫我做車仔」

「咁我以後叫你做車仔啦，你都可以叫我做Zoe㗎。

唔知點解，我覺得我哋一定會做到好好嘅朋友。

喂喂，你哋兩個都介紹下自己」

「唔使啦，我識你哋兩個咪夠囉」女的說。

「咪係囉，使乜搞咁多嘢」男的回應。

聽到佢哋咁講，

我嘅熱情之火好似即刻俾人淋熄咗大半。

呢個時候有個老師入咗嚟，

睇佢個樣就已經知係啲40歲都未結婚嘅惡毒巫婆。

「同學仔，專心返嚟呢到先。

我係你哋嘅班主任Miss Chu，

大家可以喺3樓嘅A教員室揾到我，

咁我嘅簿櫃就喺……」

一大段又長又悶嘅介紹搞到我都瞓咗一陣，

都唔知遲啲上佢堂點捱，

一聽到佢把聲就好眼瞓喇。

「相信大家都知道點解你地會被入呢班啦，

希望你哋可以學好啲中文，

然後喺中三轉去一個好班讀書啦」

話說我哋喺上個月中要返嚟考個分班試。

最高分嗰60個就隨機分入兩班精英班。

如果中文/英文係唔合格嘅話，

就分別一定要入B班同C班。

而淨返嘅人就全部都係D班。

「同學仔快啲過嚟喇，

我哋搞掂咗排隊個位先」

過咗5分鐘左右

「好喇，大家記住而家前前後後嘅入，

以後就咁樣排隊㗎啦。

而家順住，一男一女咁一對入班房，

然後由最前排左至右開始兩個兩個坐」

「希望可以同Zoe一齊坐啦」我心想

當然啦，世事邊有咁理想，

坐喺我隔離嘅係一個有條小馬尾嘅女仔，

樣就一般般，白白淨淨咁啦。

望到佢副阿婆style嘅眼鏡…

我都幾肯定佢係讀書型…

今次我決定要主動啲識朋友

「Hi ~ 我係車仔啊，你叫咩名啊？」

「我叫小雲啊，

嚟緊三個月坐隔離多多關照啦」

「客咩氣，你關照下我就真啦」

呢兩日迎新日都咪話唔悶，

除咗處理班務，

就係玩埋啲識唔到朋友嘅破冰遊戲。

搞咗兩日都淨係識到Zoe同小雲，

開始想放棄識人喇。

相反望下Zoe，已經成個親善大使咁，

行到去邊都有人傾到計，真係好令人羨慕。

我都想好似佢咁啊！！！

如果以前小學嘅朋友都喺到就好喇。

可以狠評

太冗長好多唔重要嘅位可以省略同精簡啲

明白

有心巴心水清

我覺得幾好睇