[校園]《再見了，還會再見嗎？》

你唔講我都醒唔起

一見到就諗起

好睇Lm

多謝支持

有讀者話好睇，感動

第7章 – 陸運會（上）

「我喺XX茶餐廳坐低咗喇，你去到邊啊？」我對電話另一邊嘅小雲講。

「我仲有5分鐘落車喇，可唔可以幫我叫個沙嗲牛麵凍檸茶？」

「ok，冇問題！！」

今日嘅小雲除低咗佢平時嗰副阿婆眼鏡，估唔到小雲都幾靚女。

「眼定定咁望住我做乜，塊臉污糟咗咩？」

小雲一句說話將我帶返現實。

「只係估唔到你冇戴眼鏡個樣都幾可愛」

「如果你鍾意嘅話……我日日唔戴都得㗎……」小雲害羞地說。

我笑了笑。

「咁又唔使~ 點解你明明可以唔使戴眼鏡，但係又日日戴住嘅」

「哦，其實我近視唔係好深，所以先戴唔戴都OK咋嘛」小雲回應。

「平日喺學校要上堂做嘢咁咪戴住囉，今日就緊係唔戴啦」

「嚟，大牛麵，大丁麵」店員一邊講一邊將食物放喺枱。

呢個時候，小雲竟然拎起隻叉挑晒啲牛肉出嚟。What？？？

「你幫唔幫我食呢啲啊？？我唔食牛肉㗎」小雲問。

「冇所謂啊，使唔使我俾返啲五香肉丁你？」

「唔使咁麻煩喇，你留返俾自己食啦」

一路傾計佢就一路繼續挑啲牛肉。

「點解你搞笑嘅，唔食牛肉又嗌沙嗲牛麵？」我好奇地問小雲。

「因為我想食沙嗲味嘅麵囉」

「吓，咁奇怪嘅人都有…」

「唔得咩而家，沙嗲淨麵不知幾好食呀」小雲裝作生氣。

嗯，果然係怪人。

一踏入運動場，就已經望到看台上代表住四個社嘅旗喺到飄揚。

「我哋要去邊到點名㗎？」我問小雲。

「應該係要上咗社先，然後再落返司令台」我回答。

「同學，點名過嚟呢邊」一個好似係社職員嘅姐姐叫我。

「唔該，學生證」
…
「呢到冇你名，服務生落返下面點名」

「哦…唔該」我回應。

乜而家啲社職員咁鬼cool，講多粒字都好似會死咁。

一擰轉頭，發現看台中間好多樓梯已經俾Prefect用膠帶封緊，唯有行去看台尾落司令台啦。

樓主聽日有事忙，出定朝早嗰更先

夜晚嗰更可能要好夜先有，可以留返第二日

留名

係初戀

小雲>曉兒

樓主快啲出嚟收佢皮

保持兩秒距離

你仲留戀肥婆！

曉兒g

多謝支持

唔係肥婆 已贏

你都係樓豬

雖然我一早打好咗今晚嘅文 但而家絕對唔係出文嘅好時間 希望大家理解

有拖冇欠

點會怪你

就算出文
都唔覺得會有心情讀

當草下存貨先囉

補返尋日一篇先

「車仔，早晨啊，點解你會喺上面嘅？」Zoe咬住個包咁喺跑道叫看台上嘅我。

「我啱啱以為我都要上嚟點名啊，原來只係運動員先要。一陣比賽加油呀你！！」

「多謝你呀，我會㗎啦」

Zoe講完句嘢之後就俾人叫走咗，而我都繼續沿路落返司令台。

落到去離遠就已經望到Zoe嗰2個好朋友企咗喺司令台前面，果然肥人真係唔會做運動。

「估唔到你會喺到喎」男的對我說。

「你唔鍾意做運動仲想溝Zoe，真係笑大人個口」女的和應。

其實佢哋成日都喺到講真係好煩囉，更何況我都冇鍾意Zoe，不過費事同佢嘈啦。

「想問下你係咪負責計分版嘅張轟浩同學？」一個我唔知佢叫咩名嘅阿sir問我。

「係啊」

「跟我過去嗰邊，我會講解一次嚟緊2日你要做嘅嘢俾你聽。」

一路行過去，個阿sir一路用佢把好悶嘅聲嚟教我要做啲乜，好悶，真係好悶。

「想問下你知唔知你個partner有冇返，呢到寫你同佢係同班」

「有啊，今朝我同佢一齊食早餐。佢啱啱去咗看台點名，應該好快落返嚟」我回應。

「咁我幫佢tick埋名，一陣麻煩你講返一次個流程俾佢知喇」

「呢本場刊俾你哋嘅，跟返入面個比賽順序嚟釘啲項目就得，應該好輕鬆」

「唔該阿sir」

其實我聽完都唔知佢講咗啲咩…

「我返嚟喇〜〜啱啱上面社嗰到好多人，我排咗好耐先有得登記啊，搞到咁遲先落返嚟，sorry呀」小雲對我講。

「都係遲少少啫，未有嘢做唔使趕落嚟都得啦。頭先有個阿sir講咗一次俾我聽要做咩喇，我而家教返你先啦」

中學同小學嘅陸運會差唔多，一開始都係由校長出嚟講幾句廢話先開始。

「早晨啊各位同學，見到咁多位咁有精神，我就知今日一定會好天㗎啦。感謝神令同學仔能夠有陽光普照嘅日子舉辦陸運會，希望大家都會盡全力去比賽，為社爭光。」

「我而家宣布，今年度嘅陸運會正式開始！！！」