[校園]《再見了，還會再見嗎？》

原諒小學雞啱啱升中學

自從嗰日之後，我每次晏晝都係同小雲食，叫做有個飯腳一齊食飯，大家冇咁悶嘛。

「眨個眼又夠鐘食晏，一日真係過得好快啊」我邊吃飯邊對小雲說。

「係因為有你得閒陪我傾下偈... 所以啲時間先好似咁快過啫」小雲尷尬地說

「話時話，你有冇咩好提議俾我去追返數學功課啲平時分，我啱啱英文堂諗咗成粒鐘都係諗唔到咩好方法」

「你試下去求陳sir俾你補做啦，可能佢會批准呢」

「Um…我就覺得未必得喇。佢啱啱都講到咁嚴重，點會肯俾機會我補做」

講完之後我嘆一嘆氣。

「咁…不如你考好啲嚟緊個數學測驗啦，咁咪追得返囉！！」

聽完呢句，我即刻成個人醒晒。

「係喎，點解咁簡單我都諗唔到，直接喺測驗追返啲平時分咪得囉！！」

「傻仔，hehe」

老實講，我除咗中文之外，最差就係數學。

仲記得小學3次呈分試入面，數學最低分嗰次得67分，差少少就唔合格…

所以要我考好啲今次個數學測驗，真係一啲都唔簡單

苦練咗幾日，終於到咗小測嘅日子。

「呢條同書個例題差唔多啫，咁樣……之後應該將兩個加埋，再乘埋……」我一邊做一邊自言自語。
…
…
「呼，搞掂，好彩份卷唔係好難啫」
「細聲啲啦，我仲做緊㗎」小雲細細聲說。
…
…
「Time’s up, pens down, pass your paper to the front」

聽到呢句說話，同學都自動自覺放低筆將答卷傳去最前。

我：「Sorry呀，啱啱嘈住你做卷。」

小雲：「好小事啫，一陣一齊食飯？」

我：「好啊」

陳sir：「OK，數齊咗36份，大家可以出去食飯喇」

今晚夜少少仲會有多篇

好想考試

巴打好後生啫

頂

睇完先記得小學係60分合格

明明你都係

老嘢已經習慣咗合格係5成

樓主啱啱返到屋企，要夜少少先有

唔會走數

後生你少少

收好卷之後我哋又好似平時咁留喺學校食。

我：「你喺到霸住個位，我去幫你買埋啦。你想食咩？」

小雲：「都係同你一樣啦」

…

我：「德叔，唔該2碗肉燥飯同2杯菊花茶」

德叔：「同學仔，呢到你嘅，總共40蚊。開學兩個禮拜就有2個女朋友仔，有我當年一半功力喎」

我：「普通朋友嚟咋嘛」

德叔：「邊個係普通朋友啊？？平時小息黑黑地嗰個定而家白白淨呢個啊？？」

德嫂：「你又亂同同學仔講咩啊，找錢啦」

唔知點回應嘅我好快手咁放咗啲散紙落餐盤，就攞埋個餐急急腳離開現場。

一邊食嘢，我一邊將啱啱買餐嘅尷尬經歷講返俾小雲聽。

點知佢聽完好似好唔開心。

「乜你同Zoe好熟嘅咩，平時喺課室冇乜見你兩個傾偈嘅？」小雲問我。

「我哋日日小息都會落小食部㗎，佢就食早餐，我就買維他奶飲」

「你小心啲，唔好同佢咁熟啊，都唔知佢成日黐埋你到有咩目的。你睇下佢嗰兩個朋友，都唔知咩人嚟嘅，成日都喺班房搞事」

唔知點解我硬係覺得小雲唔係好鍾意Zoe咁，可能只係我錯覺啦。

「我諗Zoe應該唔係咁嘅人嚟掛，佢平時對我都好好……」

我愈講，佢就好似愈唔開心，都係轉個話題好啲。

「係呢，下個星期一就Sports Day，我哋嗰朝一齊食早餐好冇呀」

「好啊，我俾我電話你啦，到時如果你早到就打俾我」

唔知中學嘅陸運會係點㗎呢，好想快啲到下個禮拜呀！！

邊個會做你條女
zoe定小雲？

小雲係咪呷醋

我覺得係

肉燥飯

可能兩個呢

我都冇話我係主角

睇落去咪知