有關香港前途 你問我答

讀書唔通，要由學做人開始，唔係真係好似沈旭暉咁得把口講。香港人的確欠缺國際視野，但如果我地連本土視野都未有，到底點解我地就咁急於去了解世界呢？自己知自己做緊乜，讀書為乜，返工為乜，生存為乜，你至會知道點解我地要爭取自由，保衛香港，最後至係諗香港同國際嘅關係。

與此同時，睇書亦係多多益善，但唔係由外而內，而係應該由內而外。我就建議睇咗香港歷史先，因為坊間嘅書太多中華史觀，我地正正可以當呢啲narrative係練習，一路睇一路批判。徐承恩有本《鬱躁的城邦》，睇完你應該會對常見嘅香港史有新睇法，如果有覺得吸引嘅，就再去revisit由細到大接觸嘅中小學常識書，思考吓點解小學常識書就已經咁鬼洗腦。舉個例，點解又話割讓，又話回歸呢，呢兩個詞語本身就自相矛盾。又，既然滿清政府戰敗，簽約合情合理，歐洲國家之間都係咁簽，點解中國就會以「不平等條約」去稱呼本來係中性嘅條約呢？

大家今日嘅思維係由細形成，由小學學起，要救，不妨由頭reboot，reboot完，再睇香港歷史點樣由自由港出發，去了解香港喺世界嘅定位會更有效。

沈旭暉行為反映嘅係佢最關心嘅個人利益，中國人式自私自利，可以唔理。劉細良行為反映嘅係佢好想參與政治，但格局太細，而且自以為是，唔夠謙虛。陶傑行為反映嘅係自以為西化，但骨子裡仍然係儒家底，極恐共，唔去做官唔求權力只係佢過唔到自己，但留喺外圍打刷邊球都唔等於佢係有智慧。
行為反映思想，思想體現於行為。既然佢地認為事不可為，咁就唔使多言，橫掂香港冇咗佢地邊個都唔會唔得，因為佢地三人都highly replaceable。

呢本旁徵博引，要明，唔係咁易。事關要睇明民族論嘅concept，要再根據佢所援引嘅書一直延伸出去睇，如果你真係睇完而又批判得到，你嘅程度都唔低。就好似imagined community咁，Anderson原著對一般人而言都唔淺，你取其concept但唔去讀原著，好難深刻體會到點解民族想像即使係人為但無損佢嘅價值。
你畀多一段你睇完嘅感想我，我再推介你。

總統制，應該會比較適合，因為香港暫時缺乏有執政準備嘅政黨，到時所有精英都已經係谷曬落一個政黨，好難做到議會制兩黨制衡。
不過呢啲實際政制嘢，到差唔多時候要再同專門學者討論（如果我有可能參與建制），而且都完全唔急住。

點睇侵侵尋晚個回應？應否視之為惡兆？

絕非惡兆。中國口交部同實際行動唔同，點解美國總統同國會唔可以各有各講？留意返Trump話咗再加10%稅，又話等佢連任就會再向中國施壓，呢啲緊要過話我地係riots架。

我嘅思考其實好簡單，就係買中國一定衰亡。
中國衰亡，有可能1 政權倒退，陷入混亂，有可能2 閉關鎖國，餓死國民，亦有可能3 兵行險著，發動WWIII，以下係香港嘅定位：
1 中國政局不穩，香港無法置身事外，個市首先會跟住暴跌，亦有機會要接收難民，軍閥割據嘅話，香港要take side，唔見得有著數；
2 中共繼續管治，美國由得中國人自生自滅，香港繼續係中國一部分，走又走得切，焗住共享中國人嘅榮耀，再次分配土地鬥地主，經濟民生全部都變差；
3 中國向世界開戰，香港繼續甘心情願癡住中國，美國自然唔會留手，必然為迫死中共而摧毀香港，香港真係玉石俱焚。
所以，人權法案過唔過，都只係自由陣營一個小小表態，真係唔重要。而的而且確，越戰式全面介入，發生機會近乎零，美國係唔會為香港開戰。但係，美國制裁中國，令中國經濟無法周轉，等於趁中國病就落井下石，為香港增加談判籌碼，我地就會間接得益。中國做世界工廠，尖端科研冇突破，單單華為冇咗台積電都已經收皮，試問將來又點樣轉型？世界工廠效能已經迫近天花板，中國已經進退兩難，美國夾大力啲，支爆一定加速。
所以，Trump連任，係會令中國進入hard mode，但我會話，邊個做美國總統，香港民主發展都係得一條路。中國永不翻身架喇，乾塘之前榨乾香港有可能，要脅香港一齊死都有可能，所以我地要快啲同中國劃清界線，至可以自保。而就算要求獨立，美國唔幫我地，我地都係自作自受，主權移交呢廿二年香港人幫中國做咁多仆街嘢，要贖罪係基本，認完錯人地接唔接受返我地，已經係後話。

咁更加簡單，既然點都係死，你想die as a Hongkongese，定die as a Chinese？港獨成功，我地有可能自外於中國，港獨不成，至少我地係以香港人姿態自我成全。一句到尾，要割，一定要趁快割。

對於呢啲仲當大陸係「親生父母」嘅「黃絲」應該點看待？算係大中華膠嗎？個人見到覺得有點嘔心，我知道要respect different political spectrums，但香港同大陸有幾多「血緣」關係？邊個係香港老豆老母？香港根本唔需要係任何人嘅仔女，應然上佢足以獨立成國，實然嚟講而家當然係impossible...

首先，由大中華膠嘅講法可知，迫到香港人要take side嘅，係中華民族呢個專橫嘅概念。點解大家明明所有價值觀唔同，文化唔同，都要綑綁成為同一民族？質問返佢，民族嘅起源係乜先，要成為民族係因為大家覺得共存勝過分離同對抗，大家係自己人，唔會傷害大家，血緣從來唔係令人凝聚嘅關鍵黎。一家人有同一基因，但冇一齊生活，或生活上磨合唔到，其實都唔符合家人定義。所謂相見好，同住難，其實就係講緊大家有距離，任何一方唔尊重個距離，都會令彼此關係變差，退一步會更加好。
其次，稱呼中國為阿爺，大家要戒，同埋用一家人比喻港中關係都係比喻失當，以後記得同佢地理論到底。圖中成個比喻錯到離譜，賭乜撚嘢注？消滅中共王權專制，全盤接受西方思想，社會發展咪唔使賭黎賭去囉，點解幾千萬人命係要拎黎賭？做啲資料搜集，認真學吓人地點樣理智投資，唔係更好咩？而如果中共係都要賭，咁唔跟住佢賭，唔係都好合理咩？
尊重差異嘅前提係自由，中國人唔講自由，唔接受香港人要爭取自由，尊重亦唔需要應用喺佢地身上。唔好畀中共偷雞。

推

一半一半。
冇信心嘅位係我地民族充其量只有兩代半，好多居於香港嘅人心態都係中國人咁，基本盤唔算堅實。
有信心嘅位係雖然經歷三代人，民族建成會更為堅實，但只要我地呢一代人夠努力，扯返起前面兩代人，就有機會彌補不足。
具體嘅解決方法，就係自由民族論述，時間係十年，2030年主體意識確立，就有勝算。而更實際嘅推廣方法，就係精進自身，克己寬人，善待肯企出黎嘅二百萬同路人。
每當諗到要生活喺集中營，受到恐懼操縱，我就會好想贏，而如果我地呢一代人都咁恨贏，目標明確，我地就會頂到落去。

唔好意思，想離一離題，想請問巴打對取消DSE中文聆聽同口試有咩意見？

（sorry要post肥鴨出嚟...）
https://www.facebook.com/117383848464583/posts/1169663153236642?s=822196631&sfns=mo

要反映人嘅語文水平，寫作閱讀確實係已經足夠，所以另外兩卷不妨廢除。然而，目前香港新移民眾多，聆聽亦有利學生，所以呢個已經唔係語文問題，而係政治問題。不過，聆聽卷佔分好少，綜合卷訓練嘅又係無謂，係咪真係幫到香港學生，又唔係。
其實要講改善語文政策，要建咗國先有得講。講政治問題，目前香港政府唔係以為香港人為先，咁所有改動都係為促進同化，所以我認為不動應萬變，唔改最好。

推
btw 亭主有冇邊本書推介係關於學點樣做人
自問其實連做人都唔係好識

推

香港唔會有好消息，可以話係唔會再有好消息。只有準備接受所有壞消息，理解完全中國化嘅生活係點，我地至有戰勝可能。

品性永遠先於讀書。做人做得唔夠正直，心中缺乏愛，睇幾多經典理論都係唔會讀得通。就好似所謂想像嘅共同體，讀社科讀政治嘅大學生一定聽過睇過，但如果學生本人自己就從來冇感受過共同體嘅威力，亦即原生家庭無法提供想像，咁樣佢係唔會消化到個理論，然後加以應用。

我做人做咗廿幾年，自問絕對唔會去到掌握處世真理嘅境界，但精進自身同分工合作呢兩個信條，就已經可以將世人帶到好遠。精進自身，就係做乜都try hard，唔好輕易放棄，家人朋友情人工作全部都係。遇到挫折，唔好賴社會同其他人住，首先諗咗自己係咪完全冇責任，一咁樣諗，人格就會慢慢改變。之後，我地應該去思考社會上面邊個崗位最適合自己，目標確立咗，就用盡一切方法去精進，咁樣你自然就會為自己創造價值，需要你同重視你嘅人就會出現，然後你就會成為共同體一員。

民族全殲係有可能，因為世界各國一定係睇自身利益。如果同中共做生意有利，最好就係支持中共維持秩序，然後繼續壓榨中國賤民。此之所以，臨時政府宣言不切實際，因為民族經濟係先於一切，有人有錢有領土（喺人地國家有間公司有幾塊田都計），至有可能說服到世界各國落注喺我地身上。同中國各省相比，香港人起步點高，呢樣係買辦民族性使然，如果香港人可以喺唔益中共嘅情況之中財富滾滾，我地就有機會贏。