有關香港前途 你問我答

街上聽到兩個（藍絲）阿叔傾偈：班𡃁仔想解決問題，咁搵個人出嚟做特首，管好香港囉！
先撇除小圈子選舉、中央欽點等等因素阻礙，我哋有咩合適同理想嘅人選？

出老解代表中共已經臨近崩潰，佢出得老解，其實同對台灣宣戰已經冇乜分別。中國外交言語一向強硬，要認真看待嘅係佢嘅行為，唔係口術。

我仍然思考緊，會努力思考，但目前獨立係最容易最可行嘅選擇。

你唔係陳浩天OR 佢D FD呀可?

現實係中共無諗過俾真普選香港，諗唔到結局會點，推拷如果你係中共會點做？

出唔出解放軍，唔關香港有幾亂事，係關中共有幾接近生死關頭事。中共越反對港獨，代表佢地越缺乏彈性去處理帝國內部必然存在嘅地方分裂，真係出，就代表中共嘅末日都就快到。

港獨提唔提，從來都係偽命題。香港有西方文化為基，係極權中國之中嘅異質，幾時都係溝淡人口最好，只係我地一直有好大功用，先至冇畀中共直接處決。由提出奪取香港開始，中共就係要香港嘅殼，唔要香港嘅人，但香港人又幫到手，所以佢地就要慢慢做，慢慢換，但大方針都係會消滅香港，分別只係遲同早。趁利用價值降得太低前爭取獨立，博嘅就係中共唔會玉石俱焚。

先知嘅定義，係宣揚上帝旨意，唔代表佢本人有遠見，我地唔好因為他人先知嘅姿態，而棄用自己嘅理智。一國一制只係加速焦土，有理智嘅人都會知係天方夜譚，或者大家可以從一國一制之不可行去了解香港獨立嘅勢在必行，至係先知建議。我係無神論者，先知之言，唔喺我參考之列。

獨立前，未必得，可能要買僱傭兵頂住先，畢竟我地都係守城同流亡，兵士貴精不貴多。獨立後，要徵兩萬民兵唔難，有高薪，又可以開槍射中國人，大把人會想做喇。

中共出解放軍嘅政治後果隨便列出如下：

1. 香港死幾千至幾萬人不等，抗爭暫緩
2. 香港人組織流亡政府，香港國體成形
3. 台灣以此為誡，繼續向美國購買軍備
4. 蔡英文必將勝選，確立台灣主體意識
5. 日韓停止小爭執，集中火力圍堵中國
6. 中國受到西方制裁，經濟將無以為繼
7. 中共閉關鎖國，以香港為對外接觸點
8. 東南亞將取代中國，成為新世界工廠

如果大家認為死少少香港人去收中共皮係唔值得嘅話，快啲散水。如果大家認為令香港成為印太地區第一反共前鋒更威嘅話，唔好理佢。抗爭到底，至少玩到下年一月，台灣選舉有成，中共就會面對敗局，習近平分分鐘爆血管。

另外香港人唔好再用收回呢個詞語，中共係奪取同征服，唔係收回。

人大咗，觀念就好難追得住潮流，呢點係必然。有錢人嘅話，要睇佢地係平凡商人，定係識得買概念股嘅巨商。睇得清政治局勢去落注，一定會買中共輸，而家啲商家搬緊廠去越南，唔係正正反映當中國失勢，有過幾多密切合作都會一夜消失咩？

爭取嘅話，如果佢地可以百萬百萬美金咁捐嘅話，就值得爭取，否則都唔係太重要嘅。

有得揀嘅話，比起香港獨立， 變成美屬香港會唔會仲好?

我知道如果美國對香港有主權， 要買咗香港 (美國歷史上擴張領土都係購買返嚟)， 咁樣先至唔會有位畀中共入!去「回歸」 同唔會重演1997事件

你覺得香港獨立會唔會爭取到國際支持？

點解會改呢個名

推

非常感激。但我相信人本平等，如果fans就係不經思考嘅宗教狂熱式盲從，咁就不了。希望大家一齊精進自身。

輕輕一推～

特首大把選擇，但香港總統或首相理想嘅人選仍然未出現。英雄都要有用武之地，有時勢配合，你睇Winston Churchill都要等有仗打先做到PM，就係例子。

完全明白。

我無黨無派，不擅交際，加上社運圈中，太多性格巨星，我同佢地冇乜私交，最多只有素未謀面嘅道義之交。目前檯面上未遇到理念相近嘅人，有嘅話，應該就會有交流機會。

陳浩天其人及組織，同我完全無關，而陳浩天嘅具體論述，我亦唔太了解。本民前同青政，我都唔識人，要成立或加入組織嘅時機，我都仍然等待緊。

剛剛 like 左樓主個 fb page。

習近平打亂咗中共百年佈局，中共要處理咗習近平至會收到科，但習近平已經將政敵剿滅得七七八八，黨內制衡機制已經失效。有理由相信習近平都係死拖到下年，博Donald Trump做得一屆，而呢一年就盡力用錢左右美國同台灣大選。到時美台總統都連任，習近平就會再見步行步。

香港問題，佢地都係一邊嚇一邊打再一邊拖，其實都拆唔到。本身2047呢個設計，就係打算buy time，換三代人嘅血，正式接收香港，而家刺激到香港人自由意志，中共係引火自焚。不過呢個問題嘅根源在於中共嘅王權專制，其實拖到2047都有可能避唔到，因此再續基本法再buy time應該係原本計劃，但而家就亂曬。

唔會，亦唔可行，因為美國唔需要屬地。
第一，屬地制度係帝國殖民主義遺產，英聯邦係大英帝國喺二十世紀最靚仔嘅退場方式，而美國根本冇全球殖民，自然唔會突然爆個屬地出黎。第二，地緣政治因素考慮，遠東屬地不利管治，倒不如培養盟友，美日共同防衛協定就係安排日本負責守東亞之用。第三，美國國內各州對屬地概念必有分歧，就算聯邦政府唔知乜事突然發狂主張接收香港，呢種事根本唔會發生。第四，香港成為屬地對美國未見益處，因為香港自發加入自由陣營，比美國遙控操縱更具價值，美國要嘅唔係唔獨立嘅依賴者，而係可以自立嘅獨立者。

獨立唔係因為有國際支持而做，而係邊道有壓迫，邊道就會有反抗，次序必須理清。中國全力消滅香港文化同埋香港人，比英國殖民更瘋狂，已經係事實，而香港只有反對殖民同埋重奪主權，至可以避免種族文化滅絕。

以下文章補充：
反殖立國，革命維新
https://gnimmm.com/2019/06/11/embarkon/

推一推 支持獨派健筆加入