有關香港前途 你問我答

唔益中共下財源滾滾...好難喎 香港依家都不斷擠提緊 似係行緊濫炒既方向多d 點樣做到同中共脫勾但香港又可以自力更生呢？

對於臨時政府 我覺得要等到中共倒左台之後先成立先至有可能 否則都係有名無實 不過我幻想理想既香港係成為由各國管治既中立市

而家香港經濟係同中共緊密相連，我地一定要棄船。而棄船之後，就要移民海外做生意，或者去做啲唔會畀中國阻撓嘅。錢多錢少唔緊要，大家去澳洲加拿大呢啲民主國家開間餐館都唔差，至少可以請到十幾個香港人過去，請吓請吓，加籍港人澳籍港人就會散佈各地。記住呢場仗係以十年計咁打，十年絕對夠時間畀民族精英去創業致富再回饋民族——最好係去同中共最唔會有偈傾嘅國家，如果大家有能力。

臨時政府係要喺對方權力尚算穩定之時籌備，一等到對方不穩之際就可以即時浮上檯面，等中共倒台就已經太遲。簡而言之，一批人去創富，一批人去搞政府，一批人做地下組織，咁至係合理分工，可以maximise我地勝算。

咁樣既話 係咪啫係間接變左移民？係外國做餐飲做左幾年 甚至係幾十年都生活左好耐 總會有人唔想番 呢個亦都係我身邊有d人唸住移民之後做既野 你係睇重個人多過個地 你覺得只要香港人散佈係全球各地 繼續生育下一代 香港人既血統仍然有得繼承 不過佢地到時仲有冇咁大既民族意識或者誘因想番去呢？等同大陸人去外國升學一樣 表面上話讀完書會回國貢獻社會 實質上回去既人只係廖廖可數 我都希望香港終有一日可以完全做外國生意

你既然將香港人同大陸人相提並論，到底你點樣睇香港嘅民族性？因為香港好亂而出走，自然唔會回頭，嗰啲人唔使理，但如果有一定人數係因為香港需要香港人而出走，佢地自然就會有意志去堅持。如果民族意識會因短暫離散而消散，呢個民族都只係接受自然法則淘汰，咁都冇乜好可惜。你相信香港會有將來，你相信香港民族值得存在，你就會用一生人去為自己所相信嘅而奮鬥，灌輸下一代同埋感染身邊人，都將會係自然發生嘅教育及社交結果。

香港同大陸唔同呢個係事實 我只係用個比喻說明香港現時既民族性唔足以令佢地去留低 至於佢地留唔留好現實講句都係要睇下香港發展成點 如果物價果類既問題都係冇改變過 我唸就算番左黎都好難生活落去 對於香港既民族性我個人認為大多數都係見到希望先選擇留低 我唸真係冇想像中咁強大

如果你認為未夠強大，咁你要再努力去想像，因為想像一直更新，共同體就會壯大。物價同政治係一末一本，不妨最後先諗（或者直頭唔使諗都自然會回復合理水平）。

💪🏻

幫推

P牌推唔到

終於追完post，獲益良多。樓主繼續努力，香港需要你。

推

樓主點睇下年換特首？

如果真係換 我有d擔心香港人會變番以前咁 搵個陰濕既溫水煮青蛙煮死香港人 香港人為左生計停止同中共攬炒 所以都唔會見到支爆 你覺得件事既推演會唔會變成咁？

換特首已經唔會可以動搖香港民族意志，呢點毋須擔心。溫水煮蛙要成功，前提係對象係蛙，而蛙係唔會有想像，唔會有民族情感，亦唔會為同胞慘死而傷心。更換傀儡係中共常用手法，提防無謂，最緊要係我地做好自己，離開唔到香港本土嘅就係搞多啲康樂組織，連結多啲街坊，有力出去謀生嘅去國際企穩陣腳——只有跳出中共內鬥框框，唔好太在意中共小動作，大家眼界至會更廣闊，因為中共會倒台係必然結果，無分派別。

我想香港獨立 個個買到樓 有work life balance
有好既教育 有好既醫療

你覺得香港今次有無機會贏
已經無左太多手足
呢排發夢都覺得少左好多好多人
唔知仲捱到幾耐
班大人又唔肯大罷工

其實我一直以黎都係話香港starting point好高，原因多不勝數。個關鍵係，大家要及早意識到等緊我地嘅係一場戰爭，而非一次抗爭，調整思維過後，就會知道姦殺浮屍都係小事，然後痛定思痛，諗清楚以後十年嘅部署。中國人每日都面對緊呢啲朝不保夕嘅生活，屠殺換安寧都喺西藏發生過，但我地要記住嘅係，中國而家內部經濟疲弱，中共內鬥激烈，加上近日有鼠疫爆發，我地已經非常接近支爆時機。做好自己，同朋友保持緊密聯絡，加入社區組織擴大人脈，呢啲都係決定留喺本土嘅人必須做嘅事。

過咗咁耐，大家對局勢睇法都一樣唔同咗好多。自推，乜都可以問可以傾。

想打一定，唔係一樣sosad