有關香港前途 你問我答

唔該曬樓主 我消化下先
好中意你講既 抗爭之所以爆發，源於香港對中共唔信任，繼續要求對方施捨雙普選，其實完全係自打嘴巴。 呢句有啲點醒咗我。

同意, 我覺得同自身經歷都不無關係

我以前(大約2007 2008年)都係大中華膠, 由大中華膠變和理非到依家成為獨派

只要記得自身改變的過程, 抱有包容之心, 就自然會有能力感召其他人

push

講到香港腫瘤性問題，其實阻礙香港發展好大原因係地產樓市，香港完全沒有管制樓市，亦都對租樓或劏房冇管制，咁樣嘅政策根本就係想香港人死，我覺得呢一樣野真係要反， 如果唔係獨立左都冇用啦⋯⋯比起其他已發展國家真係相差得好遠，就算你話到香港地方細，人口多，居住面積係必然會細啲但係都冇理由完全冇管制架，完全冇最低限數，係不斷咁比地產商睜揸壓香港人!你又覺得呢樣嘢點樣可以改變？

拉得人多，打得反而冇咁傷，其實都係好事。今次抗爭成敗與否，其實並非關鍵，因為真正重要嘅，係個體有冇從中學習，逐漸成長。如果辛苦大半個月，大家仍然係輕視同路人嘅付出，否定同路人嘅抗爭方式，據軍功以自傲，咁即使政府讓步，警察求饒，香港人都只係原地踏步，唔配得到自由，遑論民主。自由同責任，係抗爭可以曠日持久嘅核心，而精進自身，分工合作，就係回饋群體嘅最佳起點。

而家香港嘅經濟問題，一方面係所謂官商勾結，一方面係中資滲透，呢兩樣嘢其實獨立咗就會自然解決。

所謂官商勾結，係港英政府政策造成，但資本主義嘅好處就係冇人要為結果負責，一切都係市場使然。相比起特區政府積極干預（即係鬥地主），香港維持現狀係好過變。

而中資滲透，至係致命問題，因為香港經濟太受某個國家影響，重係有組織咁造市，呢啲唔係一般定義嘅外圍因素咁簡單。香港冇主權，中國國營公司同有黨代表坐board嘅所謂私人企業，就可以喺自由市場鑽空，食住香港商人唯利是圖呢條水。

將來，地產商都係香港人，我地會治到佢地。我都係基層出身，深明地產問題，所以如果我係執政黨，一定會著手處理房屋問題，你講嘅現象一定會解決，而所有具備視野嘅執政黨，應該都會知房屋問題會係當務之急。

求推薦書單

認唔認同高薪養廉，結果收入同職責唔成正比，政府官員將焦點錯置咗喺保住份工，而非利民政策，係現存政府官員不務正業嘅原因？

如果係嘅話，成立臨時政府亦都需要政府舊班底支持，咁係咪冇機會調整薪酬？

陶傑、劉細良同沈旭暉其實算唔算同一類人

想討論下/增長下知識

如果「中國」係一個國家聯盟（中盟），
台灣、香港、澳門、東突厥斯坦、圖博、華南/華中/華北 等地 自由決定是否加入聯盟
咁成個東亞地區會唔會和平啲🤔

有開始擺，但係太長，唔會有人睇。巴打有冇建議？

有。
其實香港人同海外香港人係應該要連結，但係香港而家都係個體自發，要連結都唔容易。目前我見UQ個page文宣都做得唔錯，分開做問題都唔大。其實我地係個核心，只要做好，海外香港人就會有得配合，所以與其諗點樣去所謂好好利用國際關注，不如認真思考點樣可以令抗爭更有成效，又或者點樣喺抗爭暫告一段落之後保持民氣。

講吓你對上一本睇嘅係咩書先，我唔知你嘅程度同興趣，好難feed到你。睇書唔可以得個睇字，要確保自己有一邊學習內容而又一邊批判作者嘅能力，對自己吸收能力認知不當，讀幾多書都會係白費心機。

我唔係好理解點解你會形容政府官員為不務正業，亦唔理解收入同職責個關係，而我會話香港公務員系統質素真心唔差。如果你想話官僚制度本身嘅缺點，咁就係普遍現象，並非香港獨有。
政府工出糧唔可以太低，原因係為咗確保啲人唔好亂轉工，影響部門運作，同埋杜絕員工同私人機構私相授受。保住份工呢個心態其實冇乜問題，前題係佢真係有尊重份工，為香港服務。如果我係建國後嘅執政黨，我都會繼續以稍高於社會平均水平去聘用公務員，員工質素太差不利管治。
不如你再補充少少。

你覺得點樣為之一類法，你畀定義先。

中國一定要成為萬國之一，正式進入其實已經建立以久嘅國際體系，東亞至會真正和平。東亞而家有好多歷史問題懸而未決，國與國之間嘅衝突同嫌隙全部都係因為中國而無法得以調解，所以與其去討論中盟work唔work，不如諗吓點樣以香港人身分，撕開中國厚臉皮，促成真正嘅大東亞共榮。

要寫abstract唔係唔得，但寫到咁長，就係highlight唔到。而且，我始終相信而家網絡上資料碎片化係不利思考，閱讀呢個習慣係一定要有，而我期望接觸嘅，係嗰批就算返完成日工好攰都仍然願意抽時間去消化一篇文章嘅人，而唔係要人餵到埋口至肯食嘅讀者。對我而言，字數正正係一個門檻，而如果你都跨過得到個門檻，不如就由你將我嘅文章轉化為你自己嘅思考成果，然後出post。我好放心交畀你架。

本身想講佢地啲諗法都代表左社會上比較消極既一群
但又好似有少少分別
沈旭暉係覺得事不關己，有價值可以做籌碼先出聲
前兩個係覺得事不可為，覺得點打都冇用唯有鬥長命

老老柒柒 最近一次睇關於政治嘅書係香港民族論
最近意識到冇讀世史嘅我要知多啲世界歷史