有關香港前途 你問我答

推

樓主，我蠢人一個，自問唔多識啲政制上既嘢，所以想請教一下
（1）你覺得臨時立法會/臨時政府可唔可行？會唔會到時做完雷聲大雨點小，假設政府繼續唔回應民意，呢個係咪一個可行既方法將個運動推到去極致？定係你覺得呢場運動會有另外一個結局？
（2）香港獨立實際上應該點做？ 我有個諗法係，會唔會要等到共產黨四分五裂先係可行時機？
（3）宜家距離2047仲有28年，28年可以發生好多事，會唔會到時可以永續一國兩制，呢28年入面我地成功爭取雙真普選，最後大家相安無事？（定係我太天真）

原諒我唔係呢方面既專家，今次運動靠住我僅有既少少良知企出黎，問既問題太蠢請唔好見怪

其實依家基本上民意歸哂邊，連中年老年人都出黎不屑啲警隊，依個係乜野既情況
岩岩睇到你話大規模亂拉人，即係對家已經無乜路行，但你又話依場運動係行緊worse case，咁我地仲可以做啲咩去突破個樽頸位/先有外國幫手




香港人日程表提醒事項
【置頂：終極裝備攻略】我在香城Online等你！！
https://lih.kg/1321785
免疫催淚彈下一步就係擋彈 頭盔記得買冇氣孔!!
https://lih.kg/1373008
《置頂》星期二港鐵車長罷工，嚟個全面交通癱瘓！
https://lih.kg/1376293
［突發］公務員宣布8月2號舉行集會⋯
https://lih.kg/1377652

香港政權真面目
西上環事件整合 求更多新聞同義士消息 推上去 (2)
https://lih.kg/1357053
我想問下葉虎單野係咪已有共識係炒咗車？
https://lih.kg/1379219

——————————— 光復香港 時代革命 ———————————
一、徹底撤回修例
二、收回暴動定義
三、撤銷對今為所有反送中抗爭者控罪
四、徹底追究警隊濫權情況
五、以行政命令解散立法會，立即實行雙真普選
六、永不落實「社會信用評分系統」
七、移除全港「多功能智慧燈柱」
八、追究元朗鄉黑暴徒及警察失蹤

請問你對相識識嘅藍絲持一個咩態度？
會同化定係無視？[/u]

Hehehehe wanna kiss you:3

逆嘶亭， 你走來呢度實在係太好啦，終於認識到你，你所講嘅建國論，實在係講出我心中嘅感想，但係因為我讀書唔多所以唔可以用言語來解釋比身邊嘅人聽，好多謝你幫助到我！

雙普選根本就係冇意思，只要有中共係背後操縱，無論邊一位民選領袖都唔會真係可以做到想做嘅事

睇見你哩個Reply覺得你真心變咗, 以前睇你的文, 總覺你有理念但略欠係人情味

幫你推

1 實際執行，應該有相當難度。
首先，議會要有法理基礎，即係要有憲法，而憲法係必須要有具備專業法律知識者參與制訂。不論社會文化程度幾高都好，平民輕易推翻建制從來唔常見，即使成功亦未必係好事。究其原因，係執政需要視野，需要學養，需要技術官僚，宣言發表完，唔會一下子就吸引到咁多人埋班。
我唔會低估連登民眾有幾卧虎藏龍，但就算立憲係有組織進行，社會大眾唔認識組織中人，呢個臨時議會都好大機會因缺乏公信力同認受性而流產。要唔流產，泛民另立議會反而可行，會有一定號召力，但咁又衍生另一個問題，就係佢地反共不反中，絕對唔會咁做，而且做咗亦只會造成社會撕裂，因為太多人痛恨泛民。單係講一點：要提高臨時議會公信力，無可避免要容納舊制立法會議員，即係泛民，呢點提倡者係咪已經設想過？有能力草擬憲法同即刻投入議會工作嘅，非舊制立法會議員莫屬，呢點係政治現實。
更重要嘅係，憲法要得以延續，必須要有接受憲法嘅群體，呢點唔係有外媒關注就可以成事。憲法同國家概念緊密相連，要制憲，其實已經接近宣佈香港獨立，如果大家思想上尚未準備好建國，臨時議會又係會無以為繼。外媒可以做嘅，只係代為見證，將消息傳出國際，但其他國家知道咗，都做唔到啲乜，因為佢地會覺得香港人一方面號召民眾制憲，但另一方面又拒絕香港建國，心態非常矛盾，無法理解。如果香港人內部都未有一定民意支持，要求外力增援，未免係操之過急。
要求林鄭下台，唔需要有臨時議會。起草草案以確立本港在2020年有雙普選的權利，都係現時議會職能足以處理。大家要思考嘅係，迫到林鄭落台，香港係咪就會即刻改變？林鄭進退維谷，會唔會已經係一種政治訊息？而香港特區政府得到雙普選，係咪又可以持續到永遠？如果大家仍然相信中共治下香港會有自由，有民主，咁當初反對送中條例又係為乜？抗爭之所以爆發，源於香港對中共唔信任，繼續要求對方施捨雙普選，其實完全係自打嘴巴。
歷史係由少數人寫成，呢個講法係好合理，但少數人一定要了解臨時議會意義何在。因為不滿香港政府而話要成立臨時議會，係會令儀式變得兒戲，損耗儀式可以製造嘅震撼力。國家概念同制訂憲法係劃上句號，冇國家係唔會有憲法，心態未變，行為有幾「暴烈」，都係白費心機。而如果心態已經改變，香港人已有立國執政意志，咁持有相近理念嘅人才一定會適時出現，到時宣言又好，憲法又好，都一定會寫得完備得多。
成立臨時議會係將來香港必須行嘅關鍵一步，但係咪以夏愨道為宣佈地點，有待商榷。現代憲政理論同國族主義以及民主制度密不可分，立憲即係主張國家權力受一部基本法律約束，法律將會具有凌駕於一切（包括政府）嘅權威，而臨時議會議員自然都要根據憲法行事。憲政保障民主機制得以運行，防止民主政府權力濫用，維護公民自由同權利，唔使再講落去，都知道成立臨時議會就等同僭越緊中共嘅治權。
我極之期待香港立憲之日，亦相信呢日遲早會出現，但前提係大家唔可以再守株待兔。獨立係一切嘅起點，係最關鍵嘅理念重設，等獨立成為事實之後至企出黎，咁就會拖累獨立實行嘅可能。只有大家接受獨立係可行之路，獨立先會發生，而我地要記住嘅係，每一刻嘅思想準備，都會逐漸改寫未來。如果大家仍然選擇留喺中共統治之下做香港特區，立憲唔係而家最需要嘅行動，無謂搵外媒較飛；而如果大家相信香港必須脫離中共，相比起發表宣言，請由呢一刻開始，諗吓香港點解唔可以獨立，然後睇多幾本書，同朋友將所有不明朗因素抄低，逐點消化，逐點解決，為你所愛嘅香港，盡你所能。

2 呢題答過，就係相信佢會成真先，中國分唔分裂都係後話。
3 係太天真。一國兩制只係一個騙局，中原政權已經用咗兩千年，再蠢到中計，真係唔死都冇用。

當你心灰意冷，記得抗爭係同踩單車一樣，唔好只睇眼前，要向前望，至會平衡得到。
的而且確，香港政府癡撚線，已經成為主流民意，形勢已經向住獨立走緊。但大眾知道咗政府同警察之後，民意點樣繼續成長，就係我地要諗嘅嘢。只要民意會成長，呢一波抗爭勝負其實唔重要，但如果民意唔再成長，咁就算呢一波僥倖有啲斬獲，我地其實都係等輸。
對家大舉拘捕，係文明社會玩法，咁亦即係又一次證明咗，香港真係一個唔可以出解放軍嘅地方。日本七十年代班反安保人士受國際共產主義煽動，曾經都玩到好大，但日本政府可以做嘅，就係拉曬領頭人去敉平騷亂，因為一使用過度武力，就會令社會倒退於原始時代。日本人唔會接受權力高於一切嘅前現代思想，自然唔會容許政府用前現代嘅手段去平息問題，不論佢地搞到個社會幾亂都好。
意識到政府唔會出解放軍，我地而家就睇緊佢地幾時搵人祭旗。而當佢地準備退步，我地亦要知道民氣一定流失，所以我地更加要退場退得比佢更靚，準備下次反撲。理想嘅話，我期望抗爭可以每週進行，玩到下年一月，幫手推蔡英文連任，但明顯中共都意識到台灣民情相當受香港情勢影響，知道再唔收科，台灣嗰邊灑幾多錢玩fake news都買唔起三千萬人嘅自保心態，因此換特首去打散民氣係好有可能。然而，最緊要嘅係，我地知道換特首呢個行為所發放嘅訊號，就係中共真心縮緊，因此我地有理由保持樂觀。
呢點又返到土戈我一直講嘅帝國極限。帝國維持管治，靠嘅係武力鎮壓同埋製造恐懼，如果佢對版圖上某個地區放軟手腳，其他地區就會睇到中共嘅軍事權威驟減，唔再可以用槍桿子解決問題，亦即係帝國極限已到。我地香港人嘅存在，就係一直挑戰中共嘅帝國極限，而挑戰者可能有時會訴求落空，但只要令到世界意識到佢帝國極限踢出鐵板，咁我地所有血汗，就唔算白流架喇。

同化定無視係偽命題，真正要睇嘅機會成本。
如果我緊張呢位朋友，就會盡一切努力去令佢理解我做緊乜，不計代價；如果我唔想理佢，就算只係講五分鐘嘢，其實都係嘥緊我時間，因為我大把正經嘢可以做。人生而有涯，大家每日都係得廿四個鐘，點極唔化而又對我生命唔重要嘅人，我根本唔需要理，所以如果今日我得一個slot，一邊係藍絲，一邊係泛黃絲，我一定係揀後者，因為我可以同佢build upon，同佢講經傳教，理解港獨——黃絲嘅吸收能力好，已經關心社會，知道對錯，upgrade得快，就會令我嘅理念傳播得更遠。
同樣道理，其實時間許可嘅話，我好想同七百萬人瘋狂傾政治，不分藍黃，但問題係，我唔夠時間，香港都唔夠。於是，我選擇咁樣分配我一日嘅時間：80%思考同寫嘢，10%覆吓黃絲朋友啲story，然後10%睇新聞同接觸唔同立場嘅人。你如果覺得自己有好多時間，就盡做，唔好無視，但如果時間唔夠，就精進自身，然後群住黃絲先，到你真係儲夠能量，先至再去諗呢個問題喇。
其實小弟生父就曾經係所謂藍絲，因此雨革之後，當咗佢陌路人好幾年，但而家關係已經好返。我本身好嫌棄佢，但因為佢係我愛嘅人所愛嘅人，我就甘心情願一力承擔，擺佢落我上述10%裡面，當係耐性練習。

分工合作啫。你接觸到你身邊嘅人，我接觸唔到，我咪唯有盡力做傳訊，希望幫到大家論述。多啲打自己感想上ig story係最有效架，唔好齋share齋睇，你講一句，勝過長氣毒撚如我講十萬句。

冷水係我至愛，let's go。

1 距離問題
中國同香港邊境接壤既然係無法改變嘅事實，咁我地就諗辦法去為自己創造價值，等中共投鼠忌器。中共當年都係威脅英國，話唔畀香港中共就會出兵，一於攬炒，但我地唔好忘記，英國之所以唔開拖，唔係單單因為香港中國太近，而係在於佢分身不暇，同埋帝國權威早已消散。距離香港前途談判開始之期，而家就快四十年，呢四十年形勢已經唔同曬。中共改革開放，靠嘅係港資台資，到而家香港都係中國人走資聖地，而且香港係中國欺騙西方嘅示範城市，一出兵就會觸動西方神經，呢兩點就係香港唔會輕易走向毀滅嘅原因。
2 中共以天朝自居既然係無法改變嘅事實，咁我地就諗辦法去消滅呢種心態，而自由就係最強武器。中共想挑戰世界秩序，靠嘅係原始武力，但武力係殺唔曬七百萬人，殺唔曬全世界。帝國極限就係，擴張一定有限度，而要阻止帝國擴張，方法就係自強。兩千年以黎，中原政權偏安東亞，不受西方挑戰，又逃避遊牧帝國挑戰（甚至蒙古打到埋身都可以當埋元朝係中國歷史一部分咁睇），可以操縱嘅就只有無法獲得其他帝國援助嘅越南同朝鮮。其中，朝鮮因為地緣因素，要接觸嘅只有長期據地嘅中華農業帝國同每次都係打一陣就走嘅東北亞遊牧民族，所以佢就完全臣服於中原政權，但越南因為向西可以接觸吳哥文明同印度文明，所以佢就一直唔驚中原政權，因為佢知道中原政權就算講到幾威都好，文明上根本係廢。由此可知，只要民族有空間去比較唔同文明，獨立於大國之外係有可能，就算中共幾勁，我地有西方自由思想護體，絕對有得學越南咁打。
3 香港內部有大中華膠既然係無法改變嘅事實，咁我地就諗辦法同化佢地，改變佢地。同化未必成功，但另一方面，堅定獨立一方人數都增加緊。我唔係話我地要隻眼開隻眼閉，唔睇不利因素，但啲大中華膠有冇付出生命去捍衛佢地嘅理念先？我地要自由，要香港獨立，可以打生打死，佢地呢批人從來都只係glory hunter，又何足掛齒呢。
4 加泰失敗既然係無法改變嘅事實，咁我地就諗辦法去善用人地畀我地嘅教訓。如果你話軍力係首要考量，咁我地可以買僱傭兵，然後再募兵，咁就有精銳部隊加本地兵源，就算唔可以打低中國，至少可以防守同游擊，為獨立爭取籌碼嘛。
5 獨立支持者數量既然係無法改變嘅事實，咁我地就諗辦法去令更多人相信理解獨立嘅勢在必行。自從我認定獨立就係香港要行嘅路之後，我一直同身邊人講，講到至少都有十個八個朋友真心接受咗，我相信繼續講落去，一定有更多人畀我動搖，然後見到光明所在。事實上，支持者數量嘅增減，全賴我地每個個體付出幾大努力去爭取，你睇淡就即係放棄，人地見你算係有少少見解都選擇放棄，咁數量就必定係不升反跌。我唔會理有幾多人明白我，我只係希望終有一日，一直講一直寫呢個行為本身，會令本身唔接受我嘅理念嘅所有人，至少開始尊重我，然後諗吓點解有個人會將佢地所有時間都投放喺推廣獨立之上。
關心政治，只係我精進自身嘅延伸，人地聽唔聽，從來都唔係我嘅concern。與其諗人地聽唔聽，倒不如諗吓自己關心政治係因為社會教你公民就要關心政治，定係你真切體會到政治同自身密不可分。

關鐽係變好定變差。如果我所欠缺嘅就係人情味，走入連登收集意見呢一步，我行得正係時候。

由自己做起，自己信先，跟住人地就會跟住信架喇。碌返上少少有位朋友潑咗轉冷水，睇吓對你有冇幫助。
一個概念如果輕易為人所接受，咁就唔係乜嘢強大嘅概念，三五年唔明，我地就用十年時間廿年時間等佢地。廿年之後，我四十出頭，都仍然有命見證香港獨立，咁都唔係太差啫。

變好左, 以前係講緊幾年前

香港法例，一鳩定唔畀我地分裂中國架，所以想唔犯法嘅話，不如就由自由講起。當大家明白自由真義，就會知道民主只係個展現自由嘅制度，咁自然慢慢都會知道獨立係避無可避。人地成日話不自由就毋寧死，但到底自由係乜呢，原來自由就係我想做乜就做乜。每個人都想隨性而為，但當其他人唔畀我做，我又有乜方法去繼續做呢，原來聯合其他個體就可以等我無畏無懼。個體成為咗群體，霸到一片地去做自己想做嘅嘢喇，但又有另一個群體走埋黎唔畀我做，我又有乜方法去繼續做呢，原來團結我個群體，咁對方就會自我約束，知道我唔好蝦。呢啲同小學生講都得架，應該唔犯法掛。

可能係學識咗控制憤怒。以前自己唔夠強大，所以一直不滿，但而家理解到強者更要寬容，於是打通咗任督二脈。真正嘅愛，係香港幾差都要愛，正如我曾經好差但都有人愛我，所以我相信，只要有一定數量嘅香港人係真心咁諗，香港就唔會亡，而鬥志不亡，傳承不斷，香港獨立就非常有希望。