我覺得學校應該擺多小小時間去開導下學生第時根本唔係得讀書先搵到食
等佢地諗開左 就唔會為呢方面嘅嘢輕生
其實老老實實自殺嘅十個有十一個都係因為讀書壓力 屋企又俾壓力 去會去做
咁如果個學生本身已經睇化左 唔撚理學校屋企人嘅壓力 讀唔到書咪去搵工做 成件事會好好多
香港地 今時今日雖然冇左以前個種肯捱就發嘅機會
但係依然係一個餓唔死嘅地方 一條友搵萬零數蚊 自己夠洗夠住 過得開心咪得
其實社會上有一技之長就可以生存
沙紙唔係唯一既出路
問題主要係家人有冇同自己既子女好好溝通?
定係同佢地講 唔讀好書日後乞食 就算?
可惜以我所知香港父母好多都係後者
如果香港既虎爸虎媽唔再對子女有過大既期望 比佢地有番小小自由 比佢地自己發掘所長 今日社會既慘劇就未必會咁嚴重
成日話一技之長一技之長
現實黎講就係如果你果一技唔夠長
根本就搵唔到食
我真係唔係好諗到有d咩工
唔辛苦得黎 個技又唔洗好長都搵到幾萬蚊人工
係 係生存到 你都識講生存喇 唔係生活
到時候生活唔到個仔個女又會怪你
讀唔成書去撈地盤都ok 喎
生佸同生存係睇你有無本事
唔係今日先有嘅理論,你有本事就有生活
無本事就只有生存
哈 典型家長會同細路講既野
阿媽:拿 如果你唔讀好d書 就要做地盤架喇
做地盤好辛苦架 日灑雨淋
你唔夠人叻就要做地盤架喇
呢樣係真嘅,但你諗深一層,即係老母都自己講出來
讀唔到書都有出路啦,並唔係讀唔到書就要死.
咁個個阿爸阿媽都想自己仔女唔洗咁辛苦
大佬若果唔使讀書又可以舒舒服服又可以好高人工
咁有鬼人讀書咩?