我諗大家都唔太明發生左咩事，就算想幫都唔知點幫，呢位巴打有個老師打左篇野，希望大家睇完可以幫到手：
我是涉案人的老師。 雖然只教佢一年，但是個很乖饒有正義感的學生。得悉原來他是涉案人，都十分震驚同痛心。
我有即刻同佢親人聯絡過， 佢話當時我舊生有數位友人同佢女朋友，於遊行完後準備等天星返九龍。其後有個醉酒佬鬧事，想尖兩個女子隊。我舊生睇唔過眼走前同佢理論，之後佢俾佢女友㩒住左返去佢個企位。之後，醉酒佬唔忿氣郁手，舊生推左佢一下然後佢瞓低左。 佢果下有d驚，一班人一度走開過，但之後佢地冷靜過後返返去，然後見到兩個醫護人員幫醉酒佬檢查， 兩位稱同返我舊生講話冇乜大礙， 於是佢地就以為冇事最後走開左。
直到差佬揾上門， 佢先知醉酒佬死左。
今日首度提堂，而事件會再響七月三號提堂。
佢幾個朋友都同警察講可以做證人，但係警察果邊講因為佢地證供同佢女朋友已經重疊，反而佢地想有需要在場其他人的證供。如果真係冇人出黎，佢面對的情況應該會異常惡劣。
我唔係法律人，理解唔到點解一單推撞事件點解會變成謀殺咁大件事。縱然做老師如我唔敢保證佢完全冇錯，但可以用人格擔保佢絕非惹事生非更是品格良好的小伙子。希望當日響天星一樣排隊又有目擊件事之人可以出一出來還原事情真相。
不勝感激，無以為報！！
單野我都係知咁多，希望大家可以幫手推，比多啲人見到
相關新聞：
https://m.mingpao.com/ins/港聞/article/20190626/s00001/1561556693198/六旬漢6-16天星碼頭遭推跌亡-警拘一青年
