[多圖多字] 一個人的15日秘魯、玻利維亞之旅 (附加東京24小時快閃)

知左好耐，利申一早hi過你

唔係自爆過啦咩 上個暑假仲約食飯

我記得同你返隔離
好多人tg我都唔講名

uncle老人痴呆
不過記得成日係我啲日本po同你吹水

究竟係邊個

呢個正喎！
有海鮮，個顏色又好吸引

結果約咗成個暑假都見唔成
有緣再約 工都未開始搵

搭車個d會唔會唔方便？
睇落d交通都係巴士個d

我揾左份自己唔中意嘅工
聽日開始逼自己返住先

搭車都ok
如果係長途巴士，例如秘魯境内個d巴士可以上網買定
如果係跨境/玻利維亞，去到車站買飛，手指指其實已經足夠，或者對方都識一兩句英文

我覺得最緊要係做好research
大概自己要知道有咩班次、要搭d咩巴士
一到現場就相對容易辦事

如果的士就最大問題係講價
地址就求其show比司機睇
但講到價錢就真係少少束手
雖然可以比計數機司機自己篤，但就真係難講價
所以學定少少西班牙文數字會好少少

羊駝產品展示場

咁我哋到咗第一個景點，係Chichero附近展示羊駝產品展示場
講得直接啲就係畀少少介紹你睇，然後等你買嘢


人生中見到嘅第一隻羊駝，即係草泥馬


首先會帶大家去一個位置坐低


然後會有當地婦人為大家展示印加紡織技術
畀大家望下點樣用羊駝毛織成毛線


另外又會show下點樣用天然資源去製成染料，染上各種毛線紡織品



講咗一陣就當然輪到購物時間
現場有好多頸巾、披肩、冷衫、冷帽同其他毛線製品
價錢同往後遇到嘅攤檔比其實都唔貴




Chichero教堂

上返車搭咗唔夠五分鐘就到咗下一個景點Chichero


Chichero其實係一條小村落
不過特別之處就係相傳呢度喺彩虹誕生嘅地方

行上去教堂嘅途中見到有小販喺度賣呢一種小食(3 Sol)


呢種小食叫做Salteña
佢其實係玻利維亞傳統小食，喺南美洲都非常常見
出面包住一層厚嘅酥皮
而裏面就擺放用薯仔、洋蔥、雞蛋同埋肉粒(豬/牛/雞)，而且充滿用以上材料煮成嘅醬汁
個風格有少少似我哋香港麵包店賣嘅咖哩包
但呢一樣小食就更加juicy、更有咬口同口感、味道更豐富
大家經過南美見到就唔好錯過

行到上頂就會見到教堂
呢度嘅教堂同秘魯好多教堂一樣都係混合印加風格同埋西班牙宗教文化與一身


導遊好好人，當佢準備用西班牙文講解嘅時候就會叫我哋唔識英文嘅周圍行下先
到適當時候就會叫番我哋用英文介紹一番
而且介紹得非常之詳細，資料多到好多時我都記唔曬

導遊同我哋講點解Cusco會有咁多呢啲印加mix西班牙建築
因為以前印加人擁有豐富防地震經驗
用石頭堆砌嗰陣，中間嘅石縫能夠形成有效嘅避震功能
所以用呢一種石塊堆砌技術作爲建築物嘅根基係非常之有效，而且好鞏固建築物嘅承托
當年西班牙人大舉入侵嗰陣雖然大肆破壞印加文明
但就因此保留咗好多呢啲用石頭建成嘅地基，並且喺上面興建教堂


導遊亦都有講印加人擅長用梯形嘅建築方法
即係下肥上瘦， 類似金字塔咁樣一路起上去
佢哋話咁樣建築物都會更加鞏固

其實佢仲講咗啲其他歷史嘢
但佢真係講得好多又好快
佢一講完擰轉身，我已經即刻用電話自己錄音一次都錄唔返咁多

睇完教堂再行前啲就係一望無盡嘅綠油油景色
呢啲就真係叫做心曠神怡，想即刻黎個”旋轉 跳躍 我閉著眼”


呢一度都有個梯田，不過喺政府保育下 已經唔再用嚟耕種
徹徹底底變成一個遊客嘅觀賞地方

留個名先我幾個月後都會自己一個去秘魯同玻利維亞
呢個post勁有用！

巴打知唔知bno去Bolivia是咪visa free
搵好耐都無一個100%確實答案

正啊！記得到時分享比我聽

我可以話你知
暫時100%肯定只有手持英國護照、擁有英國公民身份嘅人係免簽證
而BNO其實suppose係無免簽證，因爲屬於並無居英權人士

但事實上，又真係好多手持BNO人士魚目混珠，最後搏到免簽證入境
所以我之前都一開始不斷强調係搏一搏
我只能話成功個案比失敗個案多好多

Moray梯田

依山而建嘅梯田大家就見得多
不過興建到好似外星人留低嘅遺跡真係好難見到
Moray梯田就係由好多個圓形層組成，零舍與別不同


Moray梯田一共由四個梯田組成
當中包括一個平常嘅梯田同埋三個凹陷圓形層梯田
最深嗰個圓形層梯田更加係有30米深


導遊同我哋講Moray梯田暫時都未有人肯定當其時古印加人用嚟種植啲咩
但佢就好自豪咁講，無論係種植啲咩都一定係非常之宏偉嘅種植場
因為成個梯田係配合天氣而興建，每一層有0.5度溫差
有科學家覺得當其時每一層應該係用作種植同研究唔同嘅產物，所以先刻意造成溫差

而且Moray梯田擁有相當完善嘅排水設備，就算傾盆大雨都唔怕


但我對眼真係冇辦法離開呢d凹陷嘅圓形層梯田
成個感覺真係好神奇、好宏偉

另外兩個凹陷圓形層梯田規模相對細d



我嚟嗰陣已經接近晚秋
所以梯田已經開始泛黃
如果大家11月至3月黎呢度，就會見到成個梯田都係綠色

Maras Salt Mines 鹽田

完成咗梯田行程就去鹽田

呢個鹽田 BT Pass係唔包，所以要自己另外即場畀10 Sol


呢個Maras鹽田喺印加時期前已經存在
合共3千幾個鹽池，最大嘅闊四米，最深有三十幾cm
咁多嘅鹽池佈滿成個山頭，搭車嘅途中都已經感覺到有幾壯觀


而家呢度嘅鹽田由住附近的村民打理
好似太公分豬肉咁，鹽田嘅大小按你個household size分配
而且呢度作為村民重要嘅收入來源，所以大家唔好整污糟


好多人都會覺得奇怪點解咁高海拔嘅地方會有咁多鹽資源
導遊有解釋畀我聽
話附近有個Qoripujio Spring，泉水有非常高嘅鹽份，唔知點解一直都好似耗之不盡

見到無數鹽池，但佢哋池底嘅顏色都唔一樣
而且當鹽水流落鹽池嗰陣，鹽水會隨著引水槽同缺口慢慢流落去
係鹽池嘅鹽水經過太陽光蒸發水份，到最後就會淨返鹽嘅晶體
當地人嗰陣時就係咁樣採鹽



其中見到一個美國青年喺度試啲鹽水
我忍唔住問佢: How’s it
然後佢答我: It tastes like the sea water
佢仲不斷慫恿我去試，然後我一試完全係咸到pk
之後我地仲吹咗幾句水



其實以前嘅我絕對喺被動嘅情況下先會同外籍人士溝通
自問自己講英文水平其實都唔算好差
但就同時下好多年輕人一樣唔敢主動講、唔想主動講，好多時都要逼住先肯講
當唔知點解一開始個刻我好想主動出聲
或者係我自己唔敢試啲鹽水，所以心裏面逼自己去問人哋
但無論係點，呢個行動我覺得係對我個旅程開展左一個好開始

呢度都有好多賣鹽嘅鋪頭
大家都可以買啲返去自用又好，做手信又好
但我望見啲池水顏色就冇乜興趣啦


另外有啲都會帶大家去一間賣鹽嘅手信舖


入面有各式各樣、各款味道嘅鹽
而且都有個專人介紹
但可惜佢淨係講西班牙文
呢個時候有兩個天使出現，喺同我同一團嘅兩位姐姐
佢哋見我聽到一頭霧水，好主動地用英文講解畀我聽
原來佢哋兩個都係意大利人，本身西班牙文同英文都識
有更加令我對消除同外國人溝通嘅恐懼邁進咗一步

加油呀 我都係返香港先慢慢搵

We had fog and drizzle earlier but now it’s sunny warm and breezy

it's good to hear about you are enjoying the fantasic weather

自助午餐

行完鹽田就到食晏時間

因為我哋嗰團係最早到，所以可以自己揀位
結果因為自己嘅被動，做左孤獨精 自己一張枱
不過我見有幾枱都係自己一個一張枱


坐邊唔係重點，講得係開餐 嘢食先係重點
先畀啲圖大家睇下先

有藜麥湯、脆片、番茄


醃好咗嘅沙律、少量炸物，仲有秘魯名菜Ceviche(腌刺身)
我就唔敢喺呢個環境食生嘢啦


然後有各式各樣嘅主食
好似有飯、意粉、藜麥飯、薯條
雞翼、雞槌、 咖哩牛肉、 烤豬肉、 肉醬、 薯仔煮牛肉



甜品、生果同熱飲
如果想飲汽水啤酒就要另外自己畀錢
汽水5 Sol

我就食咗幾樣嘢
藜麥湯望落有顏色，但飲落淡而無味
雞翼、雞槌貼近我地口味，正常
青咖哩牛肉少咁啲牙力都咬唔開
高膽固醇嘅人士千祈唔好掂個烤豬肉
肉醬意粉個意粉已經淋曬
薯仔煮牛肉個醬汁撈飯正，但牛肉一樣老到爆



甜品我見到有烏蠅飛嚟飛去，所以我冇攞到

Overall 好普通，但絕對食得飽
而且我嗰間餐廳附近係冇其他餐廳選擇
所以點都係逼住一定要食

LM

幾個月前的回憶返晒來～～

秘魯是不錯，盡管回想返好多時候都因為高原反應頭痛面痺，好多時候都無胃口食嘢，住旅館又成日等好耐先有熱水，行幾步路又扯哮，但睇到靚景就乜都抵返晒。

繼續支持。

剛行完Salkantay,隻腳攰到仆街
好彩atacama一路過黎都無高原反應無頭痛

其實我喺智利食我冇去過秘魯
但我諗秘魯都有，同埋秘魯菜烤雞同中式燒雞都幾似