[多圖多字] 一個人的15日秘魯、玻利維亞之旅 (附加東京24小時快閃)

留明
年尾去南美半年

Lomo Saltado 係秘魯式中餐黎😂即係中式牛柳

草泥馬係好可愛






仲幾好食韌韌地有咬口

有馬可以騎一段路程
我覺得唔算太難，但一定要食抗高山藥

我今晚會出Rainbow mountain
你可以參考下

我比較無所謂架
一向超中意大家po自己旅行相一齊交流架

Lomo Saltado 係秘魯式中餐黎😂即係中式牛柳

但真係求其一間中餐廳都好d....

轉眼間就到咗一個停車場
呢一度就係我個團嘅起步點啦
而且眼前仲有座山，有啲位係畀雪覆蓋
好靚呀


喺位於海拔4千幾米
我事前有食藥，所以暫時身體狀況都非常良好

之後就跟住大隊慢慢行上去
有啲人就去搵馬騎，一部分就自己行上去


我好明顯就係懦夫，唔夠膽行上去
所以都即刻走去搵匹馬


導遊好好心會幫我哋逐個逐個搵馬同收錢
單程S/.60，來回S/.80
騎著馬相對就比較難影相，而且落山嘅難度相對輕鬆好多
所以我就決定上山騎馬，落山行路

個心裏面一讚完導遊好人
轉個頭就見到導遊淨係畀咗張S/.50比馬伕
不過是但啦，佢哋啲交易都唔關我事

由於Lady first，所以我比較遲先出發
一開始講好nice嗰個藍色衫美國姑娘大概早我3分鐘出發

騎上隻馬未出發影咗幅相
因為知騎緊馬好難影相，而且係冇安全措施都唔敢單手捉住扶手

其實60 soles係一開始開比遊客既價
之後行一段就50...40...30...最後20 始終騎冇咁耐
落山好似係40 soles

不過騎馬可以耳根清靜
一路行到山頂又辛苦馬伕又煩到pk

我差不多兩年前去，都係秘魯玻利維亞，一生難忘

馬路同行人路係分開
馬行嘅路比較危險，貼近山坡；行人路就安全好多
所以騎馬嘅人一定要小心，碌咗落去真係死得


沿途環境其實都幾靚
而且我個心情都好期待
尤其喺網上面已經見過好多P到好離譜嘅圖，心裏面認定佢一定好靚

馬伕個心同我一樣都好熱切期待
不過佢更期待嘅係快啲送到我上去，然後即刻落山再接另一組人
所以佢拉得隻馬超級快
其他馬係斯斯然好似行catwalk咁，但我隻馬就不斷爬人地頭
仲爬埋藍色衫美國姑娘頭
有幾小段隻馬快到佢條頸喺馬伕前面


我驚到係咁嗌slow
因為個位置真係好貼近山坡
我出門嗰陣仲應承自己今個旅程要冇穿冇爛咁返到屋企，費事媽媽擔心
但冇辦法，悲劇就此誕生

隻馬行咗唔夠一半
結果佢擺脫咗馬伕嘅控制
失控咁跑咗落山坡

而坐喺馬上面嘅我喺隻馬衝落山坡嗰陣比佢fing咗出嚟
然後側滾一路碌落去
好在隻馬無踩到我
而且我平時有做開運動，反應比較強
碌咗少少識得開始整停自己
當時全場人係驚呼
咁啱我個導遊喺附近即刻自己跣落嚟睇我點樣


導遊超擔心
係咁問我有冇頭痛、頭暈、個頭有冇撞親
另外有兩個英國女士都跣落嚟，表明自己正職係護士
都一樣問我有冇頭痛、撞親，仲幫我檢查個頭有冇整親

我覺得自己當時真係好好彩
冇受到好嚴重嘅傷
淨係翻滾嘅途中擦損身體
右邊腰間、右前臂、右胸、手指擦損都有一定嘅面積，但就無流血
另外稍微撞親少少右膊， 但感覺上應該都唔係太大問題

但我當時真係好驚
我冇諗過眼見咁安全嘅活動，我居然會中招
而且仲要係喺咁高海拔，又喺個山坡個度發生

我攤咗喺個山坡，弓起隻腳
我成個人係好清醒，清醒到我完全感覺到我對腳係不斷喺度震
對腳震咗好耐都唔停
喺對腳冇受傷嘅情況下，我幾分鐘都企唔到起身
我終於知道乜嘢叫做嚇到腳軟

兩個素未謀面嘅英國姑娘見到我對腳狂震
係咁叫我relax，然後同我傾偈 嘗試令我分心

最後個人放鬆咗，對腳開始唔震
同兩位英國姑娘致謝完
就檢查下自己啲財物，好在相機都無事
另外條棉褲都冇穿冇爛
係件長袖衫喺翻滾嘅過程中擦爛咗，穿咗個窿


都畀大家望下我碌咗幾多
嗰兩個人落少少就係條馬路
而且我呢一段路都係以草皮為主，有某啲斜坡鋪滿沙石


呢個對於我嚟講真係一個好難忘嘅經歷
我真係有血有淚咁樣行呢一個彩虹山

導遊問我繼唔繼續上山，行上去定搵過另一匹馬
我冇猶豫好耐，因為我知今次黎南美嘅機會係好難得
下次再嚟都唔知係幾時，仲唔知會唔會有機會嚟彩虹山
所以我好肯定同導遊講麻煩幫我安排另一匹馬
宜家諗返起都覺得自己真係膽生毛

呢啲經歷第時諗番起一定好慶幸自己後生嘅時候做過啲咁嘅嘢

Maido食左幾錢？
我妄想walkin fail最後去左Astrid y Gastón

呢個旅程我真係唔會忘記
亦無後悔去咗呢個地方
但就後悔去得太短

我兩間都有食
分別都食左2百幾Sol

講真，淨係秘魯都夠玩一個月
Lima深度遊玩幾日
去下貧民區影山頂爛屋（幾有特色），順便去巿場買一堆未見過既生果。
去Miraflores玩滑翔傘，玩完去附近海邊碼頭撚下塘鵝（野生但好乖任玩），順手買返一堆平海鮮。
值得一提既係，碼頭d蟶子又平又靚，10 sol 10隻。仲有啡黑色果種毛蟹，好食過大閘蟹，又係10sol10隻

然後揸車過隔黎Ancón玩下，風景唔錯


去其他阜仔主要有兩條線路，南行同北行

北行去Iquitos可以玩幾日，食下野味，再跟團入亞馬遜
然後就沒有然後了，除非你想去窮鄉僻壤觀摩下。

南行線去Ica沙漠飛車，出海睇海狗，兜落Nasca 睇Nasca Line同木乃伊，再落Arequipa 白色之城食埋草泥馬。轉入Puno去蘆葦島然後兜返上Cusco。亦都有人同樓主一樣係Puno去隔離睇天空之鏡

去晒南北行線，一個月真係差不多

見你騎馬果段立即淆左
上山我唔驚辛苦
我係落山會畏高
如果中途頂唔順都有馬騎既話都可以既

我無叫main menu入去直接叫佢上tasting menu食到窮

高海拔天空真係好藍好靚

lm

今次隻馬就相對安穩好多
好安全將我送到去山頂下面嘅終點
所有騎馬嘅人去到呢一個位都要落馬自己行上去


擰轉頭望一望
個環境真係好靚、好舒服



我本身諗住去到呢度先開始幫自己消毒、黐膠布
喺準備開始搵膠布嗰陣
我話好nice嘅美國姑娘同佢嘅朋友s居然一早幫我準備好消毒藥水同好多膠布
佢哋一見到我即刻行埋嚟幫我
有啲腰部位置比較難處理，佢哋仲好主動話幫我處理
我喺呢度要再次多謝佢哋，雖然佢哋冇機會睇到
當然我有親身同佢哋多謝啦


望下座山，啲砂礫岩真係有唔同顏色
如果大家想望下無調過色嘅圖
歡迎大家去#216 睇狄雲大佬影嘅相

利申定，跟住落嚟嘅圖都p過下少少，但絕對唔會誇張，同真實嘅相差唔會好遠

畀一張網上面P到太誇張嘅圖畀大家睇
真係同事實爭咗十萬八千里


然後一路慢慢行上去


見到大家都排住隊上去最頂嗰個位置打卡


導遊出發前有同我哋講落山大概都要45mins-1hr
而我因為墮馬而耽誤咗好多時間
所以我大概都估計到未必可以上到最頂影相
咁都冇辦法啦，一路排一路影



回望返啱啱上嚟嗰條路
個環境係幾咁自然，真係好似一幅畫咁
山勢好明顯，而且有啲位又好玲瓏浮凸



喺山上面周圍都可以見到草泥馬
當然當地居民係會用佢哋嚟賺錢
你哋如果要同草泥馬影相就要畀錢



遠處會有一達紅色，嗰度叫做Red Valley
有啲時間長啲嘅團會去埋
但我呢個就唔去喇


彩虹山Rainbow Mountain固然係因為佢由唔同顏色嘅砂礫岩組成而命名
但佢之所以五顏六色，係因為佢擁有典型嘅丹霞地貌
佢嘅地質受到水嘅長時間侵蝕，令到唔同層嘅砂岩擁有自己獨特嘅顏色
一層疊一層咁就變成好似彩虹


真係唔夠時間，所以我都放棄登頂

喺都唔低嘅位置周圍影下相

你越講我就越想再去

中途就真係無乜馬啦
落山其實ok，好似平時行平路咁
我自己都有畏高，但都無問題

好富貴