[多圖多字] 一個人的15日秘魯、玻利維亞之旅 (附加東京24小時快閃)

多謝你支持啊!!

25/7

心裏面struggle緊究竟去月亮谷定太陽島好
最後都係決定去太陽島

要去太陽島就要去另一個城市Copacabana
亦即係我當初由Puno去La Paz途中轉車嘅地方

喺旅館坐的士上去巴士總站係 Bs 15


今次揀嘅巴士公司都係比較多旅客選擇嘅Tran Titicaca
之前搭過冇中伏就再搭下啦


去Puno / Copacabana 時刻表


另外之前唔記得咗講
La Paz去Uyuni都可以搭Tran Titicaca，出發時間係10:00pm

咁我就揀咗08:15am去Copacabana

今次終於唔使好似偷渡咁
光明正大去買飛搭船過對面岸



既然架車未到咁就周圍行下啦



我自己就建議大家坐左邊嘅窗口位
因為過河前後景色都好靚
右邊窗口其實都ok，因為過河之後最靚嘅景色會喺呢邊

話咁快大概中午十二點就到咗Copacabana
咁就梗係首先要去買飛去太陽島喇

巴士站行落去碼頭成條街都好多舖頭可以買到船飛


我就求其揀咗呢一間買
來回船飛 Bs 35


喺呢度買飛去太陽島
好多時都淨係可以買到船飛，唔會有啲咩Tour
如果想join團就可以報bolivia hop

另外去太陽島有兩個時間
8:30am / 1:30pm

8:30am可以玩半日或者全日
全日就夠曬啲行成個太陽島
不過缺點就係前一晚要住喺Copacabana
如果半日，回程時間就係11:30am

1:30pm同樣都可以玩半日 / 可以喺島上過夜，第二日中午先走
都有唔少鬼佬鬼婆會去島上過夜
如果半日，回程時間就係4:00pm / 4:30pm

求其入咗間餐廳食飯


叫咗個set lunch
個湯又係嗰啲望落應該係好香、好重口味
但飲落乜味都冇，得一大堆藜麥


雜菜肉粒芝士意粉
除咗豉油味就冇其他味


雜果兜入面嘅生果明明已經好甜
佢居然仲要落好多糖水......

推

我1:20pm去到碼頭
跟住旅行社嘅指示去搵一個唔記得叫咩名嘅船夫
搵咗好耐都搵唔到


然後我用咗一分鐘行返上去旅行社
問個老闆究竟係咪真係搵XXX
同埋叫佢帶我落去
個老闆死都唔肯帶我落去
係都叫我自己搵

而最後我1:40pm先搵到個船夫
我係成個傻佬咁喺個碼頭係咁嗌船夫個名，等人嚟應我


知唔知點解我 1:40pm都仲上到船????
原因係原來當地人係會同我哋遊客一齊搭呢啲小船
我哋遊客就坐上頂，當地人就可以坐下層
以我哋艘小船仲未齊當地人，所以過咗時間都未開出
我同船上其他旅客就是可以望住其他小船開出
而我哋就唔知要等幾耐
而且我身邊嘅人都唔識講英文
我就成個孤兒仔咁坐喺度，不知所措


等到 2:05pm終於都開出


沿途湖景都好靚
不過係大風咗啲




成個船程都要接近1.5 Hr
換句話講我要 3:30pm 先到太陽島
但我 4:30pm就要搭船走
即係我今年得一個鐘時間，完全做唔到啲乜

坐咗好耐好耐好耐，終於都見到太陽島

可以上岸啦

搭船嘅時間仲多過玩

係
所以呢個我都好懊惱 早知係La Paz行多陣

可以上岸啦


喺度先分享下啲關於太陽島嘅歷史畀大家聽
印加人相信太陽島就係太陽神 Inti 誕生嘅地方
所以太陽島對於印加人黎講係一個神聖不可侵犯嘅地方

太陽島雖然唔算好大
但如果要由南面Yumani行去北面Challapampa都要上上落落
對體力都係一種負荷

一般嘅團落船位置都會係南面Yumani
如果係一日團，回程有機會係北面，不過要視乎當地情況
半日團就一定都係南面上船


一落船就有當地居民搵我收錢
話要比 Bs 10 作為登島費


呢一個時候我先醒起唔妥
我買船飛嗰陣，佢得一張紙畀我
而張紙畀個船夫收咗
咁我點樣搭船返去？？？

我即刻去搵船夫
佢用超級唔靈光嘅英文叫我總之四點半返到嚟就得
我R曬頭，乜無飛都可以上船咩

通常啲居民都會喺Copacabana買好多日常用品
例如汽水、石油氣等返太陽島


落船嘅碼頭附近已經有好多旅館
而且入面通常都自帶餐廳同Wifi

島上居民無論行走定搬貨都會依靠驢仔
所以島上嘅驢仔數量好多



當然，佢哋屙出嚟嘅屎亦都好多
真係”屎”橫遍野


見到呢隻驢仔嗰陣，其實我都幾心痛
你哋可以望下佢隻眼係流緊眼淚
而佢嘅主人係不斷鞭打驢仔，要佢繼續行
可想然知係呢度生活嘅驢仔並唔容易

登島費堅定流呀

之前做資料搜集個陣 見唔少人都有提及過登島費
係政府規定定居民掠水就唔知啦

問下行前預備嘢，樓主出發前有無喺香港買電話卡？

有啊 我買左3UK個張
因爲我一到步南美第一個地方係秘魯，所以買呢張3uk可以係秘魯用到
速度慢，fb ig想po野睇片睇相比較難，但whatsapp gmap都ok

而玻利維亞就係當地La Paz買

你可以參考#36啊

係喎！睇完唔記得咗樓主已經講過

唔緊要啊
有時頁數一多都好難揾返d資料

睇睇下驢仔已經無左15分鐘
換言之我根本冇時間可以行上山

咁我唯有都跟住人群行，行得幾多得幾多


一開始行上去嗰段路非常舒服
小溪流水，花草繁蔭



由於時間嘅關係，我目標只有一個
就係有咁高上咁高
起碼畀我可以高少少望到個呢個Lake Titicaca



其實佢啲路都算幾好行
唔會係啲沙石泥路



好可惜我一半都未行到就已經接近 4:00pm
我唯一可以做嘅就係折返


條路會有啲小販
賣嘅都係千篇一律嘅嘢


本身諗住可以行下呢個太陽島
點知最後就淨係可以到此一遊，參觀下個碼頭


距離太遠睇唔清嗰艘船係用咩製造
但個感覺就好似去探險咁


背後嗰座冰山都好吸睛


轉下眼我就已經上咗船返去Copacabana
成件事真係勁無語


一上岸第一件事就要放放水 (sor 有得核突)
喺碼頭隔離呢個廁所係 Bs 1


而Copacabana巴士總站附近都有一個
但嗰個要 Bs 2

循例都講多句啦
Bano = 厠所
喺玻利維亞好多公廁都要畀錢
一手交錢一手交紙巾
不過我都係用返我自己嗰啲四層超柔軟紙巾好過

通常如果係Copacabana住酒店
大部分人都會選擇海邊呢幾間
話曬叫做望湖景吖嘛


呢個沙灘都幾多嘢玩㗎
可以撐艇仔、 水上波波都有

Copacabana前往Puno

終於都要離開玻利維亞

係Copacabana有三間大過境巴士公司
Tran Titicaca
Huayruro
Transzela

前兩者都係 Bs 30
自稱 6:30pm出發，到達Puno係秘魯時間9:30pm (Peru慢Bolivia一個鐘)
座位係一行4個，2 2編排


而Transzela貴少少 Bs 35
自稱 6:00pm出發，到達Puno係秘魯時間9:00pm
但座位就係3個一排，1 2 編排


搭咗幾次Tran Titicaca，咁就試下另一間
Transzela望落個位寬敞啲，又可以早啲去到
所以我就揀咗佢

臨出發前先醫個肚
去咗Tran Titicaca隔離間西式餅店


呢間嘢有甜嘅鬆餅、批，亦都有鹹嘅批
Pizza都有架


我叫咗個蔬菜雞肉批


用刀背喺個批上面掃一掃
會聽到噠噠噠聲
即係證明個批表皮焗得好、夠脆

入面餡料非常多，亦都有少少調味
但我就略嫌個批味道唔夠重
我自己就鍾意食入面有比較濃味醬汁/濃味嘅批

上到車見到自己個位
真係成個旅程最靚、最舒服嘅巴士座位
而且仲有閱讀燈、USB叉電位


不過.....果然係自稱，最後架巴士都係 6:30pm先開

相機都費事拎落車喇
求其用電話影一幅記錄低，我離開玻利維亞啦！
後會有期！！！！！

成個南美對足球都好沉迷架
秘魯啱先個月先僅僅喺美洲國家盃輸俾巴西奪亞

成個南美對足球都好沉迷架
秘魯啱先個月先僅僅喺美洲國家盃輸俾巴西奪亞

真係長知識了
我以爲得巴西、阿根廷、智利先hit

另外有樣野想補充下
係Copacabana有個免費觀景位

係最頂個位有個教堂
個度望海景係最正架，好多人都推薦


係蘆葦島遇到嘅香港夫婦同我講來回1-1.5hr

就係呢條路向前行，然後會有個指示牌指你轉左向上行



《抵達Puno》

就快到Puno嗰陣，架車突然間停低
然後有兩個警察喺度檢查擺放行李嘅位置
我都即刻金睛火眼望實

夜晚嘅Puno巴士總站真係超多人
想搵張吉嘅櫈都難
大家都係等緊前往秘魯各處嘅通宵巴士



等到十點左右終於可以上車前往下一個目的地
Arequipa！

返到嚟秘魯，揀嘅通宵巴士公司到依舊係搭過、又多好平嘅 Cruz Del Sur
特價車票都只係 S/.19 咋，好平


仲要今次隔離又冇人


唉，不過搭通宵巴士 我真係完全瞓唔著
成程車6-7個鐘都係眼光光等天光
唯一有啲安慰嘅係中途份餐點，畀我咬下嘢又消磨咗啲時間

彩虹山嚟啦

你決定去啊？

等緊你寫，見去到秘魯
南美呢2年都未有時間去

我寫左啦 P.9-10
我成個行程係 Cusco -> Puno -> Uyuni -> La Paz -> Arequipa -> Limia

sor唔知點解miss左
我好想去呢個