29/5 京都 雲
今日訓醒就念住起身出發去整電話卡啦!目的地係京都駅旁既ヨドバシ(一間類似賣電器既旗艦店!)目標係line mobile既sim卡,因為SNS免流量👍🏻
步行10分鐘左右到左円町駅,等緊車既時候仲係覺得好唔真實,原來我真係黎左日本
搭幾個站就到左京都駅,例牌都要影下個京都塔既
行一個街口,就到左ヨドバシ,辦手機sim卡既地方係地下B1F (呢度同小去日本既朋友科普下,地面果層係1F,呢度無G樓嫁)
過到去櫃面附近,職員就好熱情咁招我埋去,點知發現我唔識日文,佢地就好為難
又搵左個唔識講英文既黎講英文(不過都好過區役所果個小小)跟著佢發現我無住民票!
無錯!我琴日係區役所唔記得申請埋住民票丫! 係日本住民票有好多作用 例如借錢/開戶/申請電話咁。佢見我無住民票,就叫我去申請左先、仲話比我知邊度有得申請(有好多地方都有得申請住民票,唔洗翻區公所) (成個溝通過程用左半個鐘有多
)
但係搭左車出黎緊係買下家品先翻去啦,係度我就忍唔住要安利下呢棟野比大家。
京都駅旁既ヨドバシ有八層+兩層地底,全棟都有免費wifi覆蓋,仲唔洗隔段時間重連。地面果層外圍一排食肆,咩都有。1-4層都係ヨドバシ賣電器,有興趣既朋友可以行下,我記得有得退稅🤔 5-6層賣衫 7層有間ニトリ專賣傢私家品,價格唔算太貴 主要係基本生活要用既都買到。7樓仲有間超級市場,住附近可以買餸,路過又可以買野食,熟食款式都幾多。8層係食肆,都幾多種類既野食。但價錢略貴
連稅咁就差唔多千円
食既時候隔離台挑戰限時20分鐘食雙倍份量既唔知咩餐。上到黎堆肉成座山咁高,睇佢食左陣應該食唔晒。 因為真係係正隔離台 無影相。
食完買左堆家品就翻去放低野先再去申請住民票。
翻到去執左陣屋企 望一望鐘就四點、先醒起睇下住民票果度幾點收,好 夜晚七點半,但都要出門口 因為唔知要搞幾耐。
搭巴士去到四條駅,搵左陣去到果度,望一望又一堆表係台,好彩今次好易搵 得一個寫住民票。但係唔係好識填 上網搵左陣填完比表佢,毫無意外又係唔識外語,不過今次溝通算順利,佢問左我申請目的係咩就叫我等陣。一陣之後,交300円拎票,翻去京都駅。
結果!結果!結果!去到辦卡果度 佢仲開緊丫 但係同我講line今日過左服務時間 要我聽日去
無可奈何再買d家品翻去,晚飯又係蕎麦
隻杯好似之前台灣見過,但係台灣果隻再可愛d
夜小小去另一間24既小超市?便利店?搵到盒特價品
175円,肉質好結實下,好似食緊紅肉,又無咩油脂所以無咩鮮味 勝在夠平🙊
一夜無話